Dr.Musa’s Library Facebook/Psixologiya Kitabları 106
hətta onu bir növ fiziki bədənin davamı sayır. Ünsiyyət prosesində kimisə özümüzə
yaxın buraxırıq, hətta qolumuza girməsinə imkan veririk. Kimisə özümüzə yaxın
buraxmırıq - şəxsi məkanın hüdudları ünsiyyət prosesində subyektiv olaraq belə
müəyyən olunur. Bu yolla insan başqa adamlarla özü arasında ünsiyyət üçün intuitv
ölçülərlə əlverişli və ya münasib olan özünəməxsus psixoloji məsafə yaradır.
“Yaxınlıq-uzaqlıq”, “istilik-soyuqluq” psixoloji məkanın emosional parametrləri belədir.
Allan Piz psixoloji məsafənin aşağıdakı zonalarını müəyyənləşdirmişdir:
1. İntim zona - (15 sm’dən - 46 sm’ə qədər) xüsusi bufer zonasıdır. Bu zonaya
ancaq ən yaxın emosional təmasda olan adamlar nüfuz edə bilərlər. Yad adamın bu
zonaya daxil olması kəskin emosional reaksiyalarla müşaiyət olunur.
2. Şəxsi zona - (46 sm’dən - 1,2 m’ə qədər) dostlar üçün optimal ünsiyyət
sahəsidir. Bu sahədə dostların bir-birinə toxunması mümkündür.
3. Sosial ünsiyyət zonası - (1,2 m’dən - 3,6 m’ə qədər) işgüzar ünsiyyət üçün
səmərəli sahədir.
4. Kütləvi zona - (3,6 m’dən daha çox) ictimai yerlərdə bir-birini tanımayan
adamlar arasında ünsiyyət üçün səmərəli sahədir.
İnformasiya mübadiləsində qeyri-verbal ünsiyyət vasitələrinin rolu əvəzsizdir.
Gözlərin təması, isti və soyuq baxışlar ünsiyyət məqamında nələri demir? İnsanın
şəxsi məkanında da elə bu istilik və soyuqluq çalarları bilavasitə bərq vurur. Əllərin
rəqsinin ünsiyyət məqamında öz dili, öz əlifbası var.
