İstehlakçı əmtəələrin mümkün olan ən yaxşı kombinasiyalarına – yəni, mümkün olan ən yüksək bitərəflilik əyrisi üzərində olan kombinasiyaya nail olmaq istəyir
İstehlakçı əmtəələrin mümkün olan ən yaxşı kombinasiyalarına – yəni, mümkün olan ən yüksək bitərəflilik əyrisi üzərində olan kombinasiyaya nail olmaq istəyir. Lakin istehlakçı onun əldə etmək imkanı olduğu resursların məcmusunu göstərən büdcə məhdudiyyətinin üzərində və ya altında son nəticəni əldə etməlidir.
Bitərəflilik əyrisi və büdcə məhdudiyyətini əlaqələndirməklə istehlakçının optimal seçimini müəyyən etmək olar. İstehlakçının çata biləcəyi ən yüksək bitərəflilik əyrisi büdcə məhdudiyyətinə cüzi olaraq toxunan əyridir. Bitərəflilik əyrisi ilə büdcə məhdudiyyətinin toxunduğu bu nöqtə optimal nöqtə adlanır. Optimal nöqtədə bitərəflilik əyrisinin meyli büdcə məhdudiyyətinin meylinə bərabərdir.
İstehlakçının Optimal Seçimləri
İstehlakçının optimal nöqtəsində istehlakçının iki əmtəəni dəyərləndirməsi (marjinal əvəzləşdirmə dərəcəsi ilə hesablanan), bazarın dəyərləndirməsi (nisbi qiymətlə hesablanan) ilə eynidir.
İstehlakçı öz büdcə məhdudiyyəti üzərində daha yüksək bitərəflik əyrisi üzərində yerləşən nöqtəni seçir.
Burada istehlakçının çata biləcəyi ən yüksək bitərəflik əyrisi l2-dir. İstehlakçı l3 bitərəflik əyrisi üzərində yerləşən A nöqtəsini üstün tutsa da istehlakçı pepsi və pizzanın bu paketini almaq imkanına malik deyil.
Əksinə, B nöqtəsinə nail olmaq mümkündür, lakin o daha aşağı bitərəflik əyrisi üzərində yerləşdiyindən istehlakçı ona üstünlük vermir.
Gəlirdəki Dəyişikliklər İstehlakçının Seçimlərinə Necə Təsir Göstərir
Gəlirdəki artım büdcə məhdudiyyətinin yerini kənara doğru dəyişir.
İki əmtəənin nisbi qiyməti dəyişmədiyindən, yeni büdcə məhdudiyyəti meyli ilkin büdcə məhdudiyyəti meyli ilə eynidir.
İstehlakçı daha yüksək bitərəflik əyrisində əmtəələrin daha yaxşı kombinasiyasını seçmək imkanı əldə edir.
