Министерство высшего и средне-специального образования республики узбекистан

6- jadval. Sanoat ahamiyatiga ega bo’lgan volfram minerallari

Mineral	Kimyoviy formulasi	WO3 ning miqdori, %	Zichligi, g/sm^3	Qattiqligi
Volframit Gyubnerit Ferberit Sheelit	(Fe, Mn)WO4 MnWO4 FeWO4 CaWO4	76,5 76,6 76,3 80,6	6,7 – 7,5 7,1 7,5 5,8 – 6,2	4,5 – 5,5 5 5 4,5 - 5

Volframit kuchsiz magnitga tortilish xossasiga ega bo’lib, uning rangi qora, jigarrang yoki qo’ng’ir-jigarrang. Volframit temir va marganets volframatlarining tinimsiz hosil bo’luvchi qattiq aralashmasi bo’lib, temir va marganets atomlari mineralning kristal panjarasida bir-birini o’pHini egallashi mumkin. Volframit kassiterit, molibdenit, pirit, arsenopirit va yuoshqa sulfidlar bilan birga uchraydi. Unda qo’shimcha ko’rinishida MgO, ayrim vaqtlarda SaO, Ta₂O₅, Nb₂O₅, SiO₂ va boshqalar uchraydi.
Ferberitning 80% dan ko’prog’ini FeWO₄, 20% dan kamrog’ini MnWO₄ tashkil qiladi.
Gyubneritning 80% dan ko’prog’ini MnWO₄, 20% dan kamrog’ini FeWO₄ tashkil qiladi.
Bu minerallar volframit singari kuchsiz magnitga tortilish xususiyatiga ega.
SHeelit kaltsiyning deyarli toza volframati hisoblanadi. Oq, sariq, kulrang va qo’ng’ir rangga ega bo’lib, ko’p hollarda povellit CaMoO₄ ning izamorf qo’shimchasi ko’rinishida uchraydi. Molibdenning miqdori 19 % atrofida va undan ko’p bo’lganda sheelit povellit singari sariq tus oladi. SHeelit silikatlar (granatlar, piroksen), kvarts, molibdenit va boshqa sulfidlar bilan birga uchraydi.
Sanoat tipidagi volfram rudalari tomirli, shtokverkli, skapHli va sochma konlarga taalluqlidir. Mineral tarkibiga ko’ra ikki turdagi konlar farqlanadi: volframitli va sheelitli.