Aerohidrodinamiki amil. Bir qayda olaraq bu zədələyici amil özünü subasmalar, tayfun və qasırğalar, smerçlər, uçqunlar, qar uçqunları, leysan yağışları və s. kimi təbii fəlakətlər zamanı büruzə verir. Ayrı-ayrı hallarda (su bəndlərinin dağılması, hidroelektrik stansiyalarda qəzalar) bu amil texnogen mənşəyə malik ola bilər.
Qəzalı kimyəvi təhlükəli maddələrlə (QKTM) və döyüş zəhərləyici maddələrlə (ZM) zədələnmə. Belə hallar istehsalatda, nəqliyyatda, döyüş əməliyyatları aparılan zaman, həmçinin məişətdə baş verə bilər. İndiki zamanda istehsalatda tətbiq olunan və yüksək toksikliyə malik QKTM-lər, həmçinin kimyəvi silah kimi istifadə üçün nəzərdə tutulmuş ZM-lər əhalini və böyük əraziləri yoluxdurmağa qadirdirlər.
