|
6.Fasiləsiz təhsil və ya ömür boyu təhsil – Avropa təhsil zonasının mühüm elementini təşkil edir. Fasiləsiz təhsilin mərkəzi ideyası insanın bütün həyatı ərzində şəxsiyyət kimi, fəaliyyət və ünsiyyət subyekti kimi inkişafını, normal həyat fəaliyyətini, daim dəyişən şəraitə insanın uyğunlaşmasını təmin etməkdən ibarətdir.
Fasiləsiz təhsilin stukturunda iki mərhələ özünü göstərir: baza təhsili və əlavə təhsil. Bu yarımsistemlərin hər biri müxtəlif formalarda qurulur: əsas və paralel, dövlət və qeyri-dövlət təhsil müəssisələri, habelə ixtisasartırma, stajkeçmə, məsafədən təhsil və s. Bütün bunlar təhsil vəzifələrinin daha yaxşı həllinə, ixtisas artırmağa, bütün ömür boyu insanın bir şəxsiyyət kimi hərtərəfli, yaradıcı inkişafına istiqamətlənir.
Boloniya prosesinin göstərilən prinsiplərinin kompleks şəkildə həyata keçirilməsi respublikamızın ali təhsil sisteminin Avropa təhsil məkanına tam inteqrasiyasını təmin etməyə imkan verəcəkdir.
Dövlət, hər şeydən əvvəl, təhsil sahəsində öz strategiyasını (yun. stratos - qoşun, aqo - aparıram) müəyyənləşdirməlidir.
Dostları ilə paylaş: |
