Qismən axtarış və ya evristik metod.
Bu zaman tələbələrin idraki tapşırıqların həlli üzərində aktiv “axtarışları” təşkil olunur. Problem müəllim tərəfindən, yaxud evristik proqram və ya göstərişlərlə müəyyən edilir. Bu zaman problem üzərində təfəkkür işi produktiv xarakter daşıyır.
Tələbə proqramlardan, tədris vəsaitlərindən və kompüterdən istifadə etməklə müstəqil surətdə işini istiqamətləndirir və özünə nəzarət edə bilir.
Müstəqil evristik “axtarışlarda” müəllim obyekt və hadisələr haqqında tələbələrə “hazır” biliklər təqdim etmir, tələbəyə bu məlumatları “axtarıb tapmağı” tapşırır. Ancaq tələbə bu axtarışlarda tam müstəqil olmur. Müəllim “axtarış” prosesini hiss edilmədən (köməkçi suallar verməklə, nəyisə deməklə və s.) idarə edir. Tələbə qarşıya qoyduğu problemin şərtlərini müəyyənləşdirib təhlil edir, onun həlli ilə bağlı hipotezlər irəli sürür. Onların doğru olub-olmaması haqqında müəllim tərəfindən informasiya alınır.
Dostları ilə paylaş: |
