İnformasiya proseslərinə informasiyanın toplanılması, ötürülməsi, saxlanılması, emalı və istifadəçiyə çatdırılması aiddir. İnformasiya prosesləri insanların həyat fəaliyyətində, elm və texnikada vacib rol oynayır. Tarix boyu informasiya proseslərinin daxili məzmunu dəyişməsə də, bəşəriyyət inkişaf etdikcə, bu proseslərin mexanikləşdirilməsi və avtomatlaşdırılması meylləri yayılmağa başlamışdır. Kompüter texnikasının yaranması və inkişafı nəticəsində informasiya proseslərinin avtomatlaşdırılması daha da sürətlənmiş və hazırda informatikanın əsas probleminə çevrilmişdir.
