Mövzu: Marketinqin strategiyası və planlaşdırılması

Situasiyalı təhlilin aparılması

Marketinqin planlaşdırılmasının birinci mərhələsi situasiyanın təhlilidir. Bu mərhələnin özü aşağıdakı dörd alt mərhələdən ibarətdir:

• Bazarın müəyyənləşdirilməsi;
• Bazarın xarakteristikalarının aşkar olunması;
• Bazarın potensialının qiymətləndirilməsi;
• Bazarın əvvəlcədən qiymətləndirilməsi.

Bazarın xarakteristikalarının aşkarlanması

Yeni məhsulların buraxılması və əvvələr buraxılmış məhsulların satışının fəallaşdırılması üçün müəssisə bazarın xarakteristikalarını müəyyənləşdirməlidir. Bazarın aşağıdakı yeddi arzuolunan xarakteristikaları vardır:

• Bazarın böyüdülməsi üçün yetərli potensial;
• Bazara daxil olmaq üçün baryerlərin sayının azlığı;
• Rəqiblərlə müqayisədə üstün mövqelərə yiyələnmə imkanları;
• Alıcı tələbinin stabilliyi;
• Əhəmiyyətli dərəcədə kapital qoyuluşlarına ehtiytacın olmaması;
• Bazar payının artırılması üçün yaxşı perspektivlərin olması;
• Başqa bazarlarla müqayisədə investisiya verimlərinin yüksək olması.