Mövzunun adı: Vergi uçotu ilə
Yüklə 0,6 Mb. Pdf görüntüsü
|
|
Maddə 109.7 - Faktiki ezamiyyə xərclərinin normadan artıq olan hissəsi. Bu məsələ ilə
bağlı bəzi vergi ödəyiciləri birtərəfli mövqe bildirirlər, yəni ezamiyyə xərclərinin yalnız norma daxilində olan hissəsi vergi uçotunda olduğu kimi mühasibat uçotunda da xərclərə aid edilir, həmçinin normadan artıq hissəsi uçot mənfəəti hesablandıqdan sonra digər ehtiyat mənbələr hesabına və ya xalis mənfəətin azaldılmasına yönəldilir. Bunu praktikada mühasibat qaydalarının pozulması halı kimi qəbul etməsələr də, mühasibat uçotu standartlarının tələbləri ezamiyyə xərclərinin normadan artıq hissəsinin mühasibat uçotunda birbaşa xərclərə, yəni administrativ xərclərə və ya məhsulun, satışın maya dəyərinə aid edilməsini inkar etmir. Azərbaycan Respublikası Nazirlər Kabinetinin 2008- ci il 25 yanvar tarixli 14 nömrəli «Ezamiyyə xərclərinin normaları haqqında» Qərarı işçiyə ödənilən ümumi ezamiyyə xərclərinin ödənilən məbləğinin tərkibindən vergitutma məqsədləri üçün gəlirdən çıxılan xərclərə aid edilən hissəni müəyyənləşdirir. Ümumiyyətlə, normalar ezamiyyə ödənilşlərinin ölçüsünü məhdudlaşdırmır və faktiki, hətta böyük məbləğdə sənəd əsasında çəkilmiş ezamiyyə xərclərinin tam məbləği mülkiyyətçinin müstəqil olaraq təsdiqlədiyi uçot siyasətinə uyğun olaraq uçot mənfəətinin hesablanmasında nəzərə alınan xərclərə aid edilə bilər, lakin vergitutma məqsədləri üçün bu xərc məhdudlaşdırıldığına görə, məhdudlaşdırılan hissədən artıq olan hissə qədər iki uçot arasında daimi fərq yaranacaqdır. Yüklə 0,6 Mb. Dostları ilə paylaş:
|