Mövzunun adı: Vergi uçotu ilə
Yüklə 0,6 Mb. Pdf görüntüsü
|
|
Misal 2.
Hesabat ilinin yekunlarına görə, mənfəət vergisinin ödəyicisi olan müəssisənin mühasibat uçotunda ümumi gəlirləri 100.000 manat, ümumi xərcləri isə 80.000 manat olmaqla 20.000 manat uçot mənfəəti hesablanmışdır. Ümumi xərclərin tərkibinə o cümlədən müəssisədə aparılan vergi yoxlaması nəticəsində əlavə aşkar edilərək yayındırılmış 1.000 manat əmlak vergisi, 800 manat əməkhaqqıdan tutulan gəlir vergisi və bu vergilərə 50% həcmində tətbiq olunan 900 manat maliyyə sanksiyası, həmçinin malsatana olan kreditor borcunun ödənilməsini gecikdirdiyinə görə malsatana hesablanaraq ödənilmiş 1.300 manat cərimə pulu aiddir. Qalan 76.000 manat xərclər vergi məqsədlərinə uyğun gəlir. Belə halda uçot mənfəəti ilə vergi mənfəəti arasında daimi fərq aşağıdakı kimi olacaqdır. Vergi yoxlaması zamanı hesablanmış 1.000 manat əlavə əmlak vergisi yayındırılmış və ya azaldılmış vergilər olsa da, gəlirdən çıxılan vergi (VM, maddə 201.6) olduğuna görə bu vergi hesabat dövründə vergi mənfəətinin hesablanmasında gəlirdən çıxılan xərclərə aid edilmişdir. Vergi yoxlaması zamanı hesablanmış 800 manat əlavə muzdlu işlə əlaqədar ödəmə mənbəyindən tutulan gəlir vergisi də yayındırılmış və ya azaldılmış vergilərdir, lakin bu vergi müəssisə tərəfindən vergi agenti olaraq fiziki şəxsin gəlirindən ödəmə mənbəyində tutulmalı olduğuna görə (VM, maddə 101.1) vergi ödəyicisinin (müəssisənin) xərci kimi qəbul edilməmiş və vergi mənfəətinin hesablanmasında gəlirdən çıxılan xərclərə aid edilməmişdir. Gəlirdən çıxılan
vergilərin və
cərimələrin məhdudlaşdırılmasında gəlirin əldə edilməsi ilə bağlı mülki hüquq müqavilələr üzrə faizlər, dəbbə pulu (cərimə), icranın gecikdirilməsi ilə əlaqədar vurulmuş zərərin əvəzinin ödənilməsi və digər analoji cərimələr istisna təşkil etdiyinə (VM, maddə 119.1.2) görə 1.300 manat malsatanlara ödənilən cərimə pulu vergi mənfəətinin hesablanmasında xərclərə aid edilmişdir. Mühasibat uçotu ilə vergi uçotu arasında müvəqqəti fərqlər hər bir uçotda gəlir və ya xərc maddələrinin müxtəlif hesabat dövrlərində tanınmasını tələb edən fərqli qaydalardan istifadə edildiyinə görə meydana gəlir. Fərq ona görə müvəqqəti adlanır ki, bir hesabat
dövründə yaranan fərq vaxt keçdikcə növbəti hesabat dövrlərində aradan qalxacaqdır. Müvəqqəti fərqlərlə bağlı misallar üzərində izahlarımızı davam etdirək: Yüklə 0,6 Mb. Dostları ilə paylaş:
|