Mövzunun adı: Vergi uçotu ilə

     Gəlirlər üzrə misal 1. 

     Müəssisənin  həm  mühasibat  uçotunda,  həm  də  vergi  uçotunda  ofis  binasının  2012-ci 

ilin  əvvəlinə  qalıq  (balans)  dəyəri  40000  manatdır.  2012-ci  ildə  həmin  bina  yenidən 

qiymətləndirilmiş  və  qalıq  dəyəri  10000  manat  artırılaraq  50000  manata  çatdırılmışdır. 

2012-ci  il  üçün  binaya  amortizasiya  xərci  hesablanmayıb.  Növbəti  2013-cü  ildə  bina 

50000 manata satılmışdır. Belə olan halda, mühasibat standartının tələbinə görə mühasibat 

uçotu  üzrə  2012-ci  ilin  maliyyə  hesabatında  10000  manat  artım  göstərilməlidir 

(tanınmalıdır).  Vergi  uçotunda  isə  həmin  il  üçün  təqdim  olunan  mənfəət  vergisinin 

bəyannaməsində mənfəət hesablanan gəlirə aid edilməyəcəkdir (VM, maddə 104.5, 143). 

Deməli, 2012-ci ildə uçot mənfəəti vergi mənfəətindən 10000 manat çox olacaqdır. 2013-

cü ildə isə bina satıldığına görə vergi uçotunda 50000 manat məbləğ gəlirlərə və 40000 

manat  məbləğ  xərclərə  aid  edilməklə  vergi  mənfəətinə  10000  manat  əlavə  ediləcəkdir. 

Mühasibat uçotunda isə 50000 manat gəlirlərə və o qədər məbləğ xərclərə aid edilməklə 

uçot mənfəətinə maliyyə təsiri sıfıra (binanın satışından 50000 manat gəlir çıxılsın binanın 

50000  manat  qalıq  dəyəri)  bərabər  olacaqdır.  2013-cü  ildə  mühasibat  uçotunda  binanın 

satışı ilə bağlı xərcin (qalıq dəyərin) 50000 manat nəzərdə tutulması əvvəlki hesabat ilində 

binanın qalıq dəyərinin 10000 manat artırılması ilə əlaqədardır. Göründüyü kimi, 2012-ci 

ildə  uçot  mənfəəti  vergi  mənfəətinə  nisbətən  10000  manat  çox  göstərilməsinə 

baxmayaraq,  növbəti  2013-cü  hesabat  ilində  10000  manat  az  göstərilib  və  bununla  da 

fərqin müvəqqəti xarakter daşıdığı aydın olur.