Layihənin həyati dövrü – layihənin vaxtında, müxtəlif situasiyalarda reallaşdırılması modelidir. Layihənin həyati dövrü – layihənin ardıcıl mərhələləri, məbləği və tərkibi, layihənin ehtiyacları,layihənin icrasına cəlb olunmuş təşkilatlar, layihə iştirakçıları ilə müəyyən olunur.
Əsas komanda üzvü– əsas komanda üzvü layihə menecerinin rəhbərliyi altında fəaliyyət göstərir, layihənin əsas icraçısı hesab olunur.
Komanda üzvü – layihə çərçivəsində müəyyən tapşırıqları, işləri həyata keçirirlər. Məsələn, İT mütəxəssisi, mühasib və s.
Müştəri – layihənin nəticəsindən faydalanan (zərər görən), son məhsulundan istifadə edən şəxslərdir. Qeyd edək ki, layihənin nəticəsi və ya məhsulu müştəriləri qane etməzsə, həmin layihə uğurlu sayıla bilməz.
Təchizatçı– layihəni lazım olan materiallarla, məhsul və xidmətlərlə təmin edir.
Steykholder – layihədə marağı olan digər şəxslərdir. Buraya kredit təşkilatları, dövlət institutları, səhmdarlar və s. aid ola bilər. Benefisiar - Layihədən/proqramdan və yaxud hər hansı bir fəaliyyətdən faydalanan şəxs və\və ya bir qrup şəxs Effektivlik/Effektlilik (nəticə baxımından) - Layihənin icrası nəticəsində arzu olunan dəyişikliklərə və məqsədlərə nə dərəcədə nail olunduğunu göstərir.
Səmərəlilik -Qarşıya qoyulmuş məqsədlərə resurslardan nə dərəcədə minimum istifadə etməklə nail olunduğunu göstərir. Layihənin icrası üçün resurslardan necə istifadə edildiyini ifadə edir.
Məntiqi çərçivə ‐ kompleks layihələrin cədvəl formasında aydın və anlaşıqlı mənimsənilməsinə şərait yaradan proqram\layihənin tərtibi və təkmilləşdirilməsi metodu
