Qısamüddətli dövr elə bir zaman kəsiyidir ki, onun ərzində ən azı bir istehsal amili öz əvvəlki ölçülərini (yəni təsbit edilmiş, daim) saxlayır, firmalar isə sahəni nə tərk edə, nə də ona daxil ola bilirlər.
Uzunmüddətli dövr bütün istehsal amillərinin öz ölçülərini dəyişmək imkanına malik, yəni dəyişkən olması, firmaların isə sahəni tərk edə, yaxud ona daxil ola bilməsi üçün kifayət edən vaxtdır.
Qısamüddətli və uzunmüddətli dövrlər arasındakı fərq dəqiq deyil, bu dövrləri birdəfəlik hər hansı konkret zaman kəsiyi ilə əlaqələndirmək olmaz. Qısamüddətli və uzunmüddətli dövrlər arasındakı fərq daha çox iki müxtəlif növ idarəçilik qərarlarını səciyyələndirir: gündəlik operativ və uzunmüddətli strateji. Bununla belə bu fərq istehsal funksiyasının növünə bilavasitə təsir edir.
Qısamüddətli dövrdə istehsal və istehsal funksiyası Qısamüddətli dövrün tərifindən çıxış edərək demək olar ki, istehsalın ikiamilli modelində istehsal olunan məhsulun həcmi yalnız bir amilin, məhz dəyişənin funksiyasıdır. Adətən belə amil kimi əmək çıxış edir, çünki onun həcmi daha asan ölçüyə gəlir. Belə ki, müəssisə və dəzgah parkı sayının təsbit edilmiş vəziyyətində fəhlələrin sayını və ya iş vaxtının müddətini dəyişmək, əlavə zavodlar tikib onları dəzgah- larla təchiz etməkdən daha asandır. Qısamüddətli dövrdə istehsal funksiyası aşağıdakı şəkildə olur:
Q = f (L).
Daha bir əmək vahidinin tətbiqindən alman əlavə məhsul əməyin son hədd məhsulu adlanır (MP - marginal product of labour). Qısamüddətli dövrdə istehsalın ən mühüm xüsusiyyəti ondadır ki, ehtiyatların məhsuldarlığı verimin azalmasının təsirinə məruz qalır.
Verimin azalması qanununagörə, əgər ölçülərinə görə təsbit olunmuş amillərə dəyişən amilin əlavə vahidləri əlavə edilsə, onda yekunda alınan əlavə məhsulun daim aşağı düşməyə başladığı an gəlib çatar. Başqa sözlə, bir dəyişən amil vahidindən alman son hədd (əlavə) məhsulu qısamüddətli dövrdə azalmağa meyllidir.
Bu meyl cədvəl 13.1-də göstərilib.