Gender bərabərliyi – müəllim təhsil və tərbiyə prosesində kişi və qadın cinsindən olan təhsilalanların bərabərliyi prinsipinin gözlənilməsinə davamlı olaraq əməl etməlidir.
İctimai etimad – müəllim peşə nüfuzunu möhkəmləndirməyə, müəllim adını, şərəf və ləyaqətini uca tutmağa borcludur. Müəllim etik davranış qaydalarını pozduğu halda pozuntunu tez bir zamanda aradan qaldırmalı, ictimai etimadın bərpasına çalışmalıdır. Müəllim işlədiyi təhsil müəssisəsinin fəaliyyəti barədə KİV nümayəndələrinin qanunla müəyyən edilmiş qaydada doğru məlumatlanmasına kömək göstərməlidir.
Konfidensiallıq – qanunvericilikdə nəzərdə tutulmuş hallar istisna olmaqla, müəllim peşə vəzifələrinin icrası ilə bağlı təhsilalanların, onların valideynlərinin, habelə həmkarlarının şəxsi həyatı barədə ona məlum olan məlumatların konfidensiallığını təmin etməlidir.
Yoxlama sualları və tapşırıqlar Müəllimin hansı əxlaqi – etik keyfiyyətləri daha əhəmiyyətlidir?
“Kodeks” anlayışına tərif verin. Müəllimin professional etikasına dair universal kodeksin əsas müddəalarını sayın.
Gələcək müəllim şəxsiyyətinin əxlaqi baxımdan yenidən oriyentasiyası nəyə əsaslanır?
Öz praktik fəaliyyətinizdə professional ünsiyyətin hansı etik ehkamlarını zəruri sayırsınız?
Ədəbiyyat Abbasova Q.Y. Etika: tarix, nəzəriyyə və təcrübə. Bakı, 2016
Əliyev İ. Azərbaycan etnopedaqogikası. Bakı, 2009
Həmzəyev M., Əmiraslanova Ş. Ünsiyyətin psixologiyası. Bakı, 2007
Kazımov N. Pedaqoji ustalığın problemləri. Bakı, 2009
Məmmədzadə R. Müəllimin peşə etikası. Bakı, 1992
Müəllimlərin etik davranış qaydaları. Azərbaycan Respublikası Təhsil Nazirliyinin 16 may 2014-cü il tarixli 600 №-li əmri
Nağıyeva L. Pedaqoji etika. Bakı, 2013
Qasımova L., Mahmudova R. Pedaqogika. Bakı, 2012
Sadıqov F. Pedaqogika. Bakı, 2008
Səmədov E. Peşə etikası və etiket qaydaları. /arxiv.mtk.az/content/index 973
Şahhüseynova. Etika. Bakı, 2009
Xəlilov V. Müəllimin estetik mədəniyyətinin yüksəldilməsi istiqamətləri. Bakı, 1997
Uşaq hüquqları barədə BMT Konvensiyası. Bakı, 2002