İlk Tibbi Yardım 1. Suda boğulan insanı xilas edərkən ona yaxınlaşıb qoltuqaltı nahiyyədən yapışaraq arxası üstə
çevirirlər (ağ ciyərlərə su daxil olmasın deyə). Sonra boğulan şəxsin başını sudan çıxararaq ona
―ağızdan-buruna‖ süni tənəffüs verilir.
2. Boğulan adam sudan çıxarıldıqdan sonra ona yardım göstərən şəxs zərərcəkəni bükülmüş
dizüstə başı aşağı olmaqla qoyub, bir parça dəsmalla ağız boşluğu sudan, qusuntu kütləsi və yosundan
təmizlənir. Döş qəfəsini yan tərəflərdən hər iki əl ilə ritmik sıxıb buraxmaqla traxeya və bronxlara
dolmuş suyu çıxarırlar. Boğulan uşaq olarsa, onun hər iki ayağından tutub başı aşağı sallamaqla
tənəfüs yollarını azad edirlər.
Əgər zərərçəkmişin huşu üstündə olarsa, islanmış paltarlar çıxarılır, zərərçəkmiş şəxs isidilir,
ona quru paltar geyindirilir, göstəriş olduqda ürək-damar dərmanları (2ml kordiamin, 1ml
kofeinbenzoat natri).
Zərərçəkmiş huşsuz olarsa, ürək fəaliyyət göstərib tənəffüsü sərbəst keçirdiyi təqdirdə, xəstə
arxası üstə uzadılıb, paltarları çıxarılır, aşağı və yuxarı ətrafları masaj edilir, həmin şəxsə naşatır spirti
iylədilir. İmkan varsa oksigen inhalyasiyası aparılır. Vena daxilinə qlükoza məhlulu, kordiamin
vurulur.
Zərərçəkən terminal vəziyyətdə olarsa, paltarları çıxarılır, ya da yaxası açılır ki, döş qəfəsini
sıxmasın. Yuxarı tənəffüs yollarının keçiriciliyi qum, su, yosunlar, qusuntu kütləsindən təmizlənir.
Ağciyərlərə dolmuş su yuxarıda göstərilmiş üsulla xaric edilir. Dərhal eyni zamanda süni tənəffüs və
ürəyin qapalı massajı başlanır. Ürək ağciyər fəaliyyəti bərpa olunanadək, ya da meyit əlamətləri
meydana çıxana qədər inadla davam etdirilir. Şərait olduqda xəstə intubasiya edilir və ağciyərlərin süni
ventilyasiyası aparılır, oksigen verilir. Tibbi məntəqəyə təxliyyə edilir.
