5. Lokal monitorinq sistemi. Konkret antropogen mənbəyin təsirindən ibarətdir. Bu monitorinq zamanı konkret obyektlərdəki (landşaft) dəyisikliklər nəzərdən keçirilir.
6. İmpakt monitorinq sistemi. Xüsusi təhlükəli ərazilərdə və zonalarda regional və lokal antropogen təsirlərin monitorinqindən ibarətdir.
Proqnozlaşdırma və proqnozlaşdırllmış vəziyyətin qiymətləndirilməsi. Ekosistemlərin və bütövlükdə biosferin proqnozlaşdırılması və proqnozlaşdırılmış vəziyyətin qiymətləndirilməsi keçmişdə və indiki zamanda aparılmış monitorinqin nəticələrinə, müşahidə məlumatlarının çoxluğuna və ətraf təbii mühitdəki dəyişikliklərə əsaslanır.
İlkin mərhələdə təsir mənbələrinin intensivliyini və çirklənmələrin dəyişmələrini proqnozlaşdırmaq, onların təsir dərəcəsinin proqnozunu həyata keçirmək lazımdır. Məsələn, müxtə1if mühitlərdəki çirkləndirici maddələrin miqdarını, onların fəzada paylanmasını, zamandan asılı olaraq xassə və konsentrasiya dəyişmələrini proqnozlaşdırmaq vacibdir.
Növbəti mərhələ mövcud çirklənmələrin və digər amillərin təsiri ilə biosferdəki mümkün dəyişikliklərin proqnozlaşdırılmasından ibarətdir. Çünki artıq baş vermiş dəyişikliklər (xüsusən genetik) uzun illər öz təsirini göstərə bilər. Proqnozlaşdırılmış vəziyyətin analizi təbiəti mühafizənin prioritet istiqamətlərinin seçiminə, regional səviyyədəki təsərrüfat fəaliyyətinə düzəlişlər etməyə imkan verir.
