Muhofaza etiladigan tabiiy hududlarning huquqiy holati

O'ZBEKISTONDA MUHOFAZA ETILADIGAN TABIIY HUDUDLAR

Reja:

1. Muhofaza etiladigan tabiiy hududlar huquqiy holatining tushunchasi va xususiyatlari.
2. Muhofaza etiladigan tabiiy hududlarning asosiy turlari.

Hozirda, oxirgi 10 yil ichida ushbu maydonlarning soni o`zgarmagan. O`zbekistonnning o`simlik va hayvonot dunyosini muhofaza qilishga qaratilgan zakazniklar tashkil etilgan bo`lib, ularning umumiy maydoni 1563 ming gektarni tashkil etadi¹.

Shuni ta'kidlash joizki, respublikamizdagi barcha muhofaza etiladigan tabiiy hududlar qonun bilan muhofaza qilinmog’i va huquqiy tartibga solinishi maqsadga muvofiqdir.
O’zbekiston Respublikasida muhofaza etiladigan tabiiy hududlarni tashkil etish, ulardan foydalanish va ularni muhofaza qilish sohasidagi munosabatlar “Muhofaza etiladigan tabiiy hududlar to’g’risida”gi qonundan, shuningdek yer, suv, o’rmon to’g’risidagi qonunlar, yer osti boyliklaridan foydalanish to’g’risidagi, atmosfera havosini muhofaza qilish to’g’risidagi hamda atrof tabiiy muhitni muhofaza qilish to’g’risidagi qonunlardan iborat.
Muhofaza etiladigan tabiiy hududlar tog’risidagi O’zbekiston Respublikasi qonunlarining vazifalari tipik, noyob, qimmatli tabiiy obyektlar va majmualarni, o`simliklar va hayvonlarning irsiy fondini saqlab qolishdan, inson faoliyatining tabiatga salbiy ta'sir ko`rsatishi oldini olishdan, tabiiy jarayonlarni o`rganishdan, atrof tabiiy muhit monitoringini olib borishdan, ekologik ma'rifat va tarbiyani takomillashtirishdan iborat.
Muhofaza etiladigan tabiiy hududlarning ta'rifi va ularni huquqiy maqomi “Muhofaza etiladigan tabiiy hududlar to’g’risida”gi qonunning 4-moddasida quyidagicha ko’rsatilgan.
Yerning va (yoki) suv kengliklarining (akvatoriyalarning) ustuvor ekologik, ilmiy, madaniy, estetik, rekreatsiya va sanitariya-sog`lomlashtirish ahamiyatiga molik bo`lgan, xo`jalik maqsadidagi doimiy yoki vaqtincha foydalanishdan to`liq yoki qisman chiqarilgan uchastkalari muhofaza etiladigan tabiiy hududlar hisoblanadi.
Tabiiy obyektlar va majmualarni saqlab qolish, takror ko`paytirish va tiklash maqsadida muhofaza etiladigan tabiiy hududlarda muhofaza qilish va foydalanish rejimi o`rnatiladi.
Muhofaza etiladigan tabiiy hududlar biologik, landshaft rang-barangligini ta'minlash va ekologik muvozanatni saqlab turish uchun mo`ljallangan yaxlit ekologik tizimni tashkil etadi.
Tabiat rang-barangligini saqlab qolish, ekologik muvozanatni va biosfera monitoringini saqlab turishga, shuningdek shikast yetgan tabiiy majmualarni tiklashga mo’ljallangan yagona tizimni tashkil etuvchi O’zbekiston Respublikasining muhofaza etiladigan tabiiy hududlarni xo’jalik maqsadida foydalanishdan to’liq yoki qisman, bir umrga yoki vaqtincha tortib olinishi mumkin.
Tabiiy zaxiralardan foydalanish va ularni Muhofaza qilishga doir rejalar va dasturlar, yer tuzilishi va joylarni tekislash kesmalari hamda boshqa rejalarni ishlab chiqishda Muhofaza etiladigan tabiiy hududlar hisobga olinadi.
Muhofaza etiladigan tabiiy hududlar belgilangan maqsadi va rejimiga qarab quyidagi toifalarga bo`linadi: davlat qo`riqxonalari; majmua (landshaft) buyurtma qo`riqxonalari; tabiat bog`lari; davlat tabiat yodgorliklari; ayrim tabiiy obyektlar va majmualarni saqlab qolish, takror ko`paytirish va tiklash uchun mo`ljallangan hududlar; muhofaza etiladigan landshaftlar; ayrim tabiiy resurslarni boshqarish uchun mo`ljallangan hududlar.
Muhofaza etiladigan tabiiy hududlar davlat mulkidir va uning muhofazasidadir. Yer uchastkalari va boshqa tabiiy obyektlar xususiy buyurtma qo`riqxonalar hamda tabiiy pitomniklar tashkil etish uchun yuridik va jismoniy shaxslarga foydalanishga berilishi mumkin.
Davlat hokimiyati va boshqaruvi mahalliy idoralarning qarorlari bilan muhofaza etiladigan tabiiy hududlarning boshqa toifalari ham nazarda tutilishi mumkin. Muhofaza etiladigan tabiiy hududlarni tashkil etish, ulardan foydalanish va ularni muhofaza qilish sohasidagi davlat boshqaruvini O’zbekiston Respublikasi Vazirlar Mahkamasi, davlat hokimiyati va boshqaruvi mahalliy idoralari amalga oshiradilar.
Muhofaza etiladigan tabiiy hududlardan foydalanish va ularni muhofaza qilish sohasidagi davlat nazoratini O’zbekiston Respublikasi Tabiatni Muhofaza qilish davlat qimitasi amalga oshiradi.