Mundarija: kirish I bob. Muammoning tahlili

Kuch va kuch-tezkorlik sifatlarini tarbiyalash. Zamonaviy sport
trenirovkasi amaliyotida kuch sifati beqiyos ahamiyatga egadir. Sportchi qanday harakat (chopish, sakrash, o‘tirish, osilish, uloqtirish, gimnastik snaryadlarda mashq bajarish va h.k.) qilmasin shu harakatning samaradorligi kuch bilan bog‘liqdir. Qolaversa kuch texnik-taktik va psixologik tayyorgarlik jarayonida asosiy omil bo‘lib xizmat qiladi. YU.V.Menxin (11,12,13) larning ishlarida yosh gimnastikachilarning kuch tayyorgarligi bilan murakkab gimnastik elementlarni o‘zlashtirish o‘rtasida uzviy bog‘liqlik borligi e‘tirof etishgan.
Ayrim tadqiqotchilar (12) tarbiyalash mushkulroq bo‘lgan nisbiy kuchni texnik natijalarga ijobiy ta’sir etishini aniqlaganlar.
E.YU.Rozin (15) kuchning integral ko‘rsatgichi bilan texnik mahorat
o‘rtasida uzviy bog‘liqlik mavjud ekanligini ta’kidlaydi.
Aksariyat mutaxassislarning e‘tirof etishicha, kuch tayyorgarligiga bolalik va o‘smirlik yoshdan boshlab e‘tibor qaratish lozim. Bolalikdan boshlab nafaqat umumiy kuch tayyorgarligini shakllantirish darkor, balki maxsus kuch sifatlarini ham rivojlantirish maqsadga muvofiqdir.
Kuch tayyorgarligiga kichik yoshdagi o‘quvchilar mashg‘ulotlarda ham urg‘u berish lozim, lekin bunday yondoshuv umumiy jismoniy tayyorgarlik doirasidan chiqib ketmasligi ma’qul.
Ayrim olimlar kuchni rivojlantirishning eng qulay davri 7-9 va 13-17 yoshlarga to‘g‘ri kelishi kerak deb ta’kidlaydilar.
Qayd etilgan ma’lumotlardan ko‘rinib turibdiki, kuch sifatlarini rivojlantirishga qaratilgan mashqlarni tabaqalashtirilgan tarzda bolalar va o‘smirlar mashg‘ulotlarida to‘la-to‘kis qo‘llash mumkin. SHu bilan bir qatorda e‘tiborli joyi shundaki, 5-6 yoshli gimnastikachi o‘g‘il bolalarda kuch sifatlarini qaysi tartib va yo‘nalishda rivojlantirish zarurligi etarli darajada isbot qilinmagan.
Ko‘pchilik olimlar, tezkorlik-kuch qobiliyatlarini o‘rganish natijasida ularni shiddatli o‘sishi 9-10 yoshdan boshlanib, 13-14 yoshgacha davom etadi degan xulosaga kelishgan.
Kichik yoshdagi maktab o‘quvchilarida tezkorlik-kuch qobiliyatlari muayyan harakat malakalarini ijro etishda maksimal mushak kuchini qisqa vaqt oralig‘ida namoyon bo‘lishi bilan izohlanadi.
Jismoniy tayyorgarlik shakllantirish doirasida tezkorlik sifatini rivojlantirish alohida ahamiyatga egadir. CHunki aynan harakat tezkorligi nafaqat gimnastikachilarda yuqori sport natijalariga erishish imkoniyatini yaratadi, balki bunday yo‘nalishda kechadigan jarayon boshqa sport turlarida o‘z ifodasini topadi. Qator mutaxassislarning fikr bildirishicha tezkorlik sifatini rivojlanishning eng qulay davri 9-13 yoshga to‘g‘ri kelar ekan. Tezkorlik sifatining salmog‘i kuch va tezkorlik-kuch sifatlariga bog‘liqdir. Binobarin, shug‘ullanayotgan bolalarda ushbu sifatning etarli darajada shakllanmaganligi kelajakda uni tiklash imkonini bermaydi.
Ma’lumki, harakat tezligini rivojlantirish samarali vositalardan biri yugurishdir. Maksimal va maksimalga yaqin tezkorlikni rivojlantirish uchun 20 m dan 60 m gacha yugurish vositasini taklif etadilar. Lekin, bunday mashqlar hajm jihatidan ko‘p bo‘lishi tavsiya etilmaydi. Ayrim tadqiqotchilar maksimal tezlikda yugurish bolalar organizmiga har doim ham ijobiy ta’sir etavermaydi degan
xulosaga kelishgan.
Ko‘pgina mutaxassislar tezkorlikka oid mashqlar o‘z amplitudasi va mohiyati jihatlaridan o‘rgatilayotgan harakat malakasiga yaqin, turdosh bo‘lgani maqsadga muvofiqdir deydilar. Ularning fikriga ko‘ra, bu borada o‘rgatilayotgan harakat texnikasiga yaqin yoki mos harakatli o‘yinlarni qo‘llash mumkin.
YOsh sportchilarni tayyorlashda chidamkorlik sifati ham o‘ziga xos, o‘ta muhim xususiyatga egadir.
Sport gimnastikasida, masalan, maxsus kuch chidamkorligi ustivor ahamiyat kasb etadi. YU.V.Menxin (12,13), V.M.Smolevskiy (16) va YU.G.Gaverdovskiy

5. 
   larning ta’riflashicha, chidamkorlik – bu gimnastik ko‘pkurash mashqlarini
   

ko‘p marta takrorlash natijasida vujudga keladigan toliqish alomatlariga qarshi ta’sir ko‘rsatuvchi sifatdir. Ayrim tadqiqotlarda kuch chidamkorligi va asta kechadigan kuchni gimnastik mashqlarni muvaffaqiyatli ijro etishdagi ahamiyati isbotlab berilgan.
So‘nggi yillarda gimnastikaning borgan sari “yosharib” borayotganligi tufayli erkin gimnastik kombinatsiyalarda statik elementlar o‘z o‘rnini yo‘qotib bormoqda.
L.YA.Arkaev, N.G.Suchilin (2), V.M.Smolevskiy, YU.G.Gaverdovskiy (16) larning nazariga binoan, bunday elementlarning yo‘qolib borishi yosh gimnastikachilarning statik elementlarni mahorat bilan ijro etish ko‘nikmasiga ega bo‘lmaganidan, ular jismonan etuk emasligidan deb izohlanadi. Tajriba shuni ko‘rsatadiki, gimnastikada trenerlar aksariyat xollarda statik mashqlarga o‘rgatishni sport ustaligiga nomzod dasturi bo‘yicha shug‘ullanish davrida boshlaydilar. Ammo yuqorida ta’kidlanganidek, kuch tayyorgarligi, shu jumladan, statik kuch mashqlariga ham, bolalik yoshdan e‘tibor qaratish zarur (12). Ushbu mutaxassis-olimlarning fikriga muvofiq, bolalik yoshidagi gimnastikachilar ham murakkab statik elementlarni muvaffaqiyatli o‘zlashtirishlari mumkin. YU.V.Menxin (11,12,13) ning tadqiqotlari shuni ko‘rsatadiki, gimnastika bilan 2-3 yil shug‘ullangandan so‘ng va etarli jismoniy tayyorgarlikka erishgandan keyin statik mashqlarga o‘rgatish ijobiy natija beradi. Buning uchun yosh
gimnastikachilar dastavval erishgan etarli maxsus jismoniy tayyorgarlikka ega bo‘lishlari lozim.
YUqorida zikr etilgan mualliflar fikrlaridan shu kelib chiqadiki, iqtidorli yosh gimnastikachilarni tayyorlash va kelajakda gimnastik ko‘pkurash mashqlarini muvaffaqiyatli ijro etishda muhim bo‘lgan maxsus chidamkorlikni mukammal shakllantirish uchun 5-6 yoshli guruhda shug‘ullanuvchi bolalarda umumiy chidamkorlikni rivojlantirish zarurdir.