Mundarija kirish ma’ruza matnlari

8-Mavzu. Davlat maqsadli jamg’armalari byudjeti xarajatlari kassa ijrosi to’g’risidagi hisobotlar
REJA:
1. Davlat maqsadli jamg’armalari byudjeti kassa ijrosi bo’yicha natijalarni aniqlash tartibi

2. Davlat maqsadli jamg’armalari byudjeti kassa ijrosi bo’yicha joriy hisobvaraqlarni yopish

3. Davlat maqsadli jamg’armalari byudjeti kassa ijrosi bo’yicha davriy hisobotlarni shakllantirish

1. 
   
   Davlat maqsadli jamg’armalari byudjeti kassa ijrosi bo’yicha natijalarni aniqlash tartibi
   

Byudjet yilning oxirida, yillik hisobot tuzilishidan oldin moliya organining buxgalteriyasi har bir balans hisobvaraqlaridagi ma’lumotlarning haqqoniyligini, byudjet ssudalari bo’yicha hisob-kitoblar va byudjetlar o’rtasida o’zaro hisob-kitoblarning holatini tekshiradi. Boshqa byudjetlar bilan o’zaro hisob-kitoblar va olingan va berilgan ssudalar bo’yicha hisob-kitoblar yil oxirigacha, qo’shimcha davrdagi operatsiyalarni qo’shib hisoblaganda tugatilishi lozim, yangi yil boshiga hisob-kitoblar hisobvaraqlarida qoldiqlar bo’lmasligi kerak. Yil yakuni bo’yicha byudjetlar ijrosi bilan bog’liq buxgalteriya operatsiyalari yopish bo’yicha yakunlash operatsiyalari amalga oshiriladi

Moliya yili yakuni bo’yicha byudjet ijrosi natijalarini aniqlash jarayonida buxgalteriya ma’lumotnomalari rasmiylashtirilib memorial orderlarga buxgalteriya yozuvlari berilib o’tkaziladi. Memorial orderdagi yozuvlar Bosh-jurnal kitobiga o’tkaziladi ( 12.1-chizma ).

8.1– chizma. Davlat maqsadli jamg’armalari byudjeti ijrosi natijalarini buxgalteriya hujjatlarida aks ettirishning sxematik ko’rinishi.

Davlat maqsadli jamg’armalari byudjet ijrosi natijalari hisobi 09 "Natijalar" nomli hisobvaraqda yuritiladi. Ya’ni

094	Quyi byudjetning(ga) yuqori byudjetga(ning) o’zaro hisob-kitoblar bo’yicha qarzdorligi
096	Davlat maqsadli jamg’armalari va boshqa byudjetdan tashqari jamg’armalar byudjeti ijrosining natijalari

2.