Bolalar cholg`u asboblarida jo`r bo`lish quyidagi metodlar orqali amalga oshiriladi.
1. Dastlab bolalar kuyni diqqat bilan tinglab, musiqiy asarni tahlil qiladilar.
2. Turli musiqiy-ritmik harakarlar yordamida kuyni ritmik his etadilar. So`ngra qo`l yoki oyoq harakatlarini bajarib kuyni xotiralarida saqlab qoladilar.
3. Musiqiy-ritmik harakatlar orqali jo`r bo`lishni aniq bajara olgan bolalarga kuychan bo`lmagan shovqinli musiqa asboblarida kuyga jo`r bo`lishga ruxsat beriladi.
4. Keyinchalik esa passiv bolalar cholg`u asboblarini chalishga jalb etiladi.
5. Bolalar musiqa cholg`u asboblarida jo`r bo`lish, grafik ko`rsatmalar, rasmlarga qarab kuy ijro etish bog`cha bolalarining musiqiy ijodkorligini oshiradi.
Qo`shiq kuylash va raqsga tushishni o`rgatishda bolalar cholg`u asboblaridan foydalanish muhim rol o`ynaydi. Bu mashg`ulotlarda bolalarda tembr uquvini rivojlantiradi, xotirasi, musiqiy uquvi, ritm tuyg`usini o`stiradi. Bolalar cholg`u asboblarida ansambl hosil qilib kuy ijro etish bolalarda musiqaga yanada qiziqish uyg`otadi, natijada ularning musiqiy qobiliyatlari shakllanadi.
Dostları ilə paylaş: |