Mavzuni mustahkamlash uchun savollar:
1. Bolalar cholg`u asboblari necha turga bo`linadi?
2. Bolalar qanday ijro usullarini bilishlari zarur?
3. Bolalar cholg`u asboblarida jo`r bo`lish qanday metodlar orqali amalga oshiriladi?
Mavzu: MTM dа musiqа mаshg’ulоtlаri.
Reja:
1. Musiqa mashg`ulotlarining o`tkazish tartiblari.
2. Mashg`ulot turlari.
Musiqa mashg’ulotlari ta’lim-tarbiyaning asosiy shaklidir. Musiqa mashg’ulotida kuylashga, musiqa ostida harakat qilishga, tinglash, musiqa cholg’ularida ijro faoliyatlarini o’z ichiga oladi. Musiqa mashg’uloti butun guruhga bir vaqtda olib boriladi. Musiqa mashg’ulotlarida bolalarning ijodiy o`sishi bilan birga aqliy, ahloqiy, jismoniy tarbiyalari tarkib topadi.
Musiqa mashg`ulotlari bir haftada 2 marotaba o`tkaziladi. U kunning 1-yarmida bo`ladi. Zal ozoda va yorug` bo`lishi kerak. Derazalarda pardalar, gullar bo`lishi kerak. Cholg`u sozlangan, pianinoning o`ng tarafida stullar shaxmat tarzida bolalar soniga moslab joylashtiriladi. Har bir mashg`ulotdan so`ng nam lattada zalni artib chiqish zarur. Bolalar yengil kiyimda, oyoqlarida cheshka, qizlar o`zlariga qulay ko`ylakda, bolalar shortikda bo`lishlari kerak. Musiqa rahbari va tarbiyachi ortiqcha taqinchoqlarsiz, oyoqlarida cheshka bo`lishi kerak.
Mashg`ulot turlari:
1) doimiy- bu mashg`ulotda butun guruh bolalari qatnashadilar. Haftada 2 marta o`tkaziladi.
2) Katta bo`lmagan guruh bilan mashg`ulot- 5-8 ta bolalar ishtirokida olib boriladi. Bayram rejasidagi raqs yoki sahna ko`rinishi tayyorlanadi.
3) Yakka mashg`ulot-kunning 2-yarmida tashkil etiladi. Bunda kuylashni yoki musiqa ostida harakatni o`zlashtira olmagan bitta bola bilan o`tkaziladi.
4) Birlashgan guruh bilan mashg`ulot- 2-3 guruh bilan o`tkaziladi. Bunday mashg`ulotlar bayram ertaliklaridan oldin 2-3 marta o`tkaziladi.
Dostları ilə paylaş: | 
