Musobaqa turlari Musobaqalarni rejalashtirish

Yo`qotilgan vaqtlar uchun qo`shimcha vaqt

98-rasm
Har bir bo`limga quyidagi hollarda yo`qotilgan vaqtlarga qo`shimcha vaqt qo`shish mumkin:

• 
  O`yinchilar almashtirilganda;
  
• 
  O`yinchi jiddiy jarohat olgandagi vaqt uchun;
  
• 
  Jarohat olgan o`yinchini maydon tashqarisiga tibbiy yordam ko`rsatish uchun olib chiqqan vaqt uchun;
  
• 
  O`yin vaqtini ataylab cho`zganda;
  
• 
  Va boshqa sabablar uchun.
  

Yo`qotilgan vaqtga qo`shimcha vaqtni faqat bosh hakam qo`shishi mumkin.
11 metrli jarima to`pi
Bo`limning so`nggi daqiqalarida yoki qo`shimcha vaqtning oxirida belgilangan 11 metrli jarima to`pini bajarish uchun vaqt berilishi shart.
Qo`shimcha bo`limlar
Musobaqa reglamentiga ko`ra kerakli vaziyatlarda qo`shimcha yana 2 ta bo`lim o`tkazilishi mumkin. Ushbu bo`limlarda 8-Qoidaga rioya qilgan holda o`tkazish ko`zda tutilgan.
To`xtatilgan uchrashuv
To`xtaligan uchrashuv qaytatdan to`liq o`tkaziladi, agar musobaqa reglamentida boshqacha qaror qabul qilinmagan bo`lsa.
Izoh: 1871-yildan uchrashuvlar 1.5 soat mobaynida o`tkazila boshlangan.
1883-yildan boshlab uchrashuv ikkita bo`limga bo`linib, o`sha 1.5 soat ikkiga bo`lingan (45 daqiqadan).


8-QOIDA: Uchrashuv boshlanishi va o`yinni davom ettirish
Uchrashuv boshlanishi arafasida

99-rasm
Har bir uchrashuv boshlanish arafasida ikki jamoa sardorlari orasida tanga orqali qura tashlanadi va qurada g`olib chiqqan sardor jamoa uchun (birinchi bo`limda) darvoza tanlash huquqini qo`lga kiritadi.

• 
  Raqib jamoa esa o`yinni boshlab beradi.
  
• 
  Qurada g`olib chiqqan jamoa esa ikkinchi bo`limni boshlab beradi.
  
• 
  Ikkinchi bo`limda jamoalar o`z darvozalarini almashtirishadilar.
  

Boshlang`ich zarba

• 
  Boshlang`ich zarba uchrashuv boshlanganlik yoki uni davom ettirishni anglatib, u quyidagi hollarda yuz beradi:
  
• 
  Uchrashuv boshlanishida,
  
• 
  Har bir urilgan goldan so`ng,
  
• 
  Ikkinchi bo`lim boshlanishida,
  

Agar qo`shimcha bo`limlar belgilangan bo`lsa, ushbu qo`shimcha bo`limlarning boshlanishida.
Boshlang`ich zarba orqali bevosita to`pni darvozaga kiritish mumkin.