Нахчыван Мухтар Республикасы Бястякарлар

Səidə Məmmədova, Naxçıvan MR-nın əməkdar incəsənət xa-
dimi,  
Azərbaycan Respublikasının əməkdar mədəniyyət işçisi 
 
Naxçıvan  Muxtar  Respublikasının  əməkdar  incəsənət  xadimi, 
Azərbaycan  Respublikasının  əməkdar  mədəniyyət  işçisi  Səidə 
Məmmədovanın  da  Naxçıvan  musiqi  mədəniyyətinin  inkişafında  öz 
payı var. 

---

 
51 
Onun  zəngin  sənət aləmində  mənimsədiyi  nəzəri  biliyini, əldə 
etdiyi  bacarığını  musiqi  mədəniyyətinin  inkişafı  prosesinə  tətbiq 
etməsi yaradıcılığının nəzərə çarpan əsas cəhətlərindəndir. 
Səidə  xanım  uzun  illərdir  ki,  Muxtar  Respublikanın  mədəni 
həyatında  yaxından  iştirak  edir.  Belə  ki,  o,  Naxçıvanda  ilk  xor 
kollektivinin əsasını qoymuş, Naxçıvan MR Xor Cəmiyyətinin sədri 
kimi  bu  sənətin  inkişafına  xeyli  əmək  sərf  etmişdir.  Səidə 
Məmmədova respublikada keçirilən əksər mədəni-kütləvi tədbirlərdə 
və  bayram  konsertlərində  çıxış  etmiş,  çalışdığı  musiqi,  mədəni-
maarif  müəssisələrinin,  ayrı-ayrı  musiqi  kollektivlərinin  hər  birində 
rəğbət qazanmışdır. 
Yuxarıda  qeyd  etdiyimiz  kimi,  XX  əsrin  əvvəllərində  profes-
sional  musiqi  incəsənətinin  ənənəvi  formaları  ilə  yanaşı,  musiqi 
ifaçılığında  yeni  formalar,  o  cümlədən,  xor  ifaçılığı  yaradıcılığı 
başlayır. Bu baxımdan Naxçıvanda Səidə Məmmədova fəaliyyətinin 
əhəmiyyəti əvəzsizdir.  
1975-ci  ildə  Naxçıvanda  Üzeyir  Hacıbəyli  adına  orta  ixtisas 
musiqi məktəbi yaradılır. Səidə Məmmədova 1975-ci ildən 1983-cü 
ilədək  bu  məktəbin  ilk  direktoru  işləmiş,  sonrakı  illərdən  1994-cü 
ilədək bu məktəbdə müəllim kimi fəaliyyət göstərmiş, 1994-cü ildən 
isə  Naxçıvan  Dövlət  Universitetində  yaranmış  «İfaçılıq»  
kafedrasının müdiridir. 
O,  pedaqoji  fəaliyyətlə  yanaşı  yaradıcılıqla  da  məşğul  olur. 
Səidə  Məmmədova  əsasən  mahnı  janrında  müvəffəqiyyət 
qazanaraq,  bir  çox  lirik,  könül  oxşayan  mahnılar  yaradır.    Onun 
Naxçıvanın  tanınmış  şairlərindən  M.Nəsirlinin,  Ə.Yusiflinin, 
H.Razinin,  K.Ağayevanın,  E.Qasımovanın,  Ə.Vəliyevin  sözlərinə 
bəstələdiyi  «Ürəyimdə  hər  gün»,  «Ağırdır»,  «Ayrılıq», 
«Könlümdəsən  həmişə»,  «Görüş»,  «O  kaman  səsi»    mahnıları  – 
«Naxçıvan  təranələri»  not  məcmüəsinə  daxil  edilmişdir.  Onun 

---

 
52 
repertuarından  «Ürəyimdə  hər  gün»,  «Doğma  Naxçıvan» 
mahnıları  bu  dövrdə  də  konsert  salonlarında  ən  çox  səslənən 
mahrılardan hesab edilir.