Нахчыван Мухтар Республикасы Бястякарлар

Əqidə Ələkbərova və Jalə Qulamova Naxçıvan Bəstəkalar  
Təşkilatının yığıncağında 
 
O,  1985-ci  ildən  Azərbaycan  Bəstəkarlar  İttifaqının  üzvüdür. 
Əqidə  xanım  müxtəlif  illərdə  Azərbaycan  Bəstəkarlar  İttifaqının 
plenum  və  qurultaylarının  iştirakçısı  olmuş,  1980-ci  ildə  «Gənclər 
seksiyası»  bölməsində  dinləyici  kimi,  1990-cı  ildə  Azərbaycan 
Bəstəkarlar İttifaqının qurultayında «Naxçıvan bəstəkarlıq məktəbi, 

---

 
121 
onun  tarixi  və  inkişafı  yolları»  adlı  məqaləsi  ilə    ətraflı  çıxış 
etmişdir. 
25  ilə  yaxın  Azərbaycan  Bəstəkarlar  İttifaqının  üzvü  olan 
sənətşünas  həm  də  onlarla  musiqi  əsərinin  müəllifidir.  Böyük  rus 
bəstəkarı  Pyotr  İliç  Çaykovskinin  belə  bir  maraqlı  fikri  vardır.  O, 
demişdir:  «Musiqişünas, yaxud musiqi nəzəriyyəçisi olmaq istəyən 
hər  bir  kəs  gərək  bəstəkarlıqla  məşğul  olub  musiqi  yazmaq 
yollarını,  daha  doğrusu  yaradıcılıq  texnologiyasını  nəzəri  deyil,  öz 
iş  təcrübəsində  öyrənib  sınaqdan  keçirsin».  Bu  baxımdan  onun 
yazdığı fortopiano üçün pyeslər, teatr üçün  yazdığı musiqilər və s. 
əsərlər diqqətəlayiqdir. 
Əqidə  Ələkbərova  mahnı  janrında  da  gözəl,  yaddaqalan 
nümunələr  yaratmışdır. Onun mahnıları çox istedadlı müğənnilərin 
repertuarını  bəzəyir.  Əqidə  xanımın  ilk  mahnıları  1978-ci  ildə 
«Naxçıvan təranələri» adlı məcmüədə nəşr olunmuşdur. 
Ulu  öndərimiz  Heydər  Əliyevə  həsr  etdiyi  Vaqif  Məmmədo-
vun  sözlərinə  «100  il  yaşa»,  «Hər  daşında  izin  var  sənin»,  Gülxar 
Əhmədovanın  sözlərinə  «Müstəqillik  yollarında»,  Dədə  Qorquda 
vəsf etdiyi Həsən Elsevərin sözlərinə «Dədə Qorqud dastanı», Vaqif 
Məmmədovun  sözlərinə  «Dədə  Qorqud  boylarında»,  Novruz 
bayramına həsr edilmiş Bəxtiyar Vahabzadənin sözlərinə «Səməni» 
mahnıları; Vəli Qaraxanın sözlərinə «Ya Hüseyn, can Hüseyn» adlı 
dini-musiqili kompozisiyası da Əqidə xanıma məxsusdur. 
Onun mahnı yaradıcılığında gələcəyə inam və etibar motivləri 
həmin  əsərlərin  estetik  təsirini,  emosionallığını  daha  da 
qüvvətləndirir. 
Bütün  bunlarla  yanaşı  Əqidə  Ələkbərova  müxtəlif  illərdə 
Naxçıvanda dövrü musiqi gecələri, görkəmli musiqiçilərlə görüşlər, 
silsilə televiziya verilişləri aparmış, o cümlədən 1991-ci ildən 1993-
cü ilə qədər «Cəngi» hərbi-musiqili verilişin müəllifi olmuşdur. 

---

 
122