Нахчыван Мухтар Республикасы Бястякарлар
Yüklə 1,99 Mb. Pdf görüntüsü
|
|
YEGANƏ ƏSƏDOVA
Fikrimi görkəmli pianoçu Anton Rubinşteynin sözlərilə başlamaq istəyirəm. O, demişdir: «Hər hansı başqa sənətlər kimi, musiqi sənəti də onunla məşğul olanlardan özlərinin bütün düşüncələrini, bütün duyğularını, bütün vaxtlarını bü sənətə qurban verməyi tələb edir». Üzeyir Hacıbəyli adına Naxçıvan Musiqi Texnikumunun (indiki Musiqi Kolleci) 35 illik inkişaf yolu pianoçuluq məktəbi sahəsində də böyük yaradıcılıq nailiyyətləri ilə əlamətdardır. Bu məktəbdə fortepiano şöbəst formalaşmış və inkişaf etmişdir. Haqqında söhbət açmaq istədiyimiz şəxs də Naxçıvan Musiqi Texnikumunun yetirməsi olan Yeganə Əsədovadır. O, yüksək pedaqoji tələbkarlığı, iradəli təşkilatçılığı, vətənpərvərliyi və öz xalqının gələcəyinə inamı ilə seçilən bir pianoçudur. Yeganə Əsədova onun haqqında deyilənləri sözdə yox, öz işi, fəaliyyəti ilə həmişə döğruldub və doğrultmaqdadır. Bu baxımdan tərcümeyi-halı da bu deyilənlərə sübutdur. 125 Yeganə Həmzə qızı Əsədova 1963-cü il iyulun 9-da Naxçıvan şəhərində anadan olmuşdur. Musiqiyə böyük həvəsini görən valideynləri onu 1970-ci ildə Naxçıvan şəhər 1 saylı uşaq musiqi məktəbinin fortepiano sinfinə qoyurlar. 1978-ci ildə Yeganə Naxçıvan şəhəri Üzeyir Hacıbəyli adına orta ixtisas musiqi mək- təbinin fortepiano şöbəsinə daxil olur, 1982-ci ildə oranı fərqlənmə diplomu ilə bitirdikdən sonra o, Azərbaycan Dövlət Konser- vatoriyasının (indiki Bakı Musiqi Akademiyasının) fortepiano ixtisası şöbəsinə daxil olur. Gənjlərin və yeniyetmələrin ideya- mənəvi aləminin müəyyənləşməsində mühüm əhəmiyyət kəsb edən musiqi tərbiyəsinin inkişafı ilk növbədə musiqi təhsili ilə bağlıdır. Musiqi təhsili prosesinin yüksək səviyyəyə çatmasında musiqi müsabiqələri, musiqi baxışlarının və sair tədbirlərin keçirilməsi çox mühüm əhəmiyyətə malikdir. Belə ki, şagirdlər arasında yaxşı mənada «rəqabət» hissinin aşılanması, əsl sənət yarışının təşkil edilməsi onların ifaçılıq səviyyəsinin yüksəlməsinə, daxilən zənginləşməsinə səbəb olaraq, onlara gələjəkdə öz ifaçılıq qabiliyyətlərini daha da artırmağa sövq edir. Konservatoriyada görkəmli musiqiçilərdən dərs alan və parlaq fortepiano ifaçılığı ilə fərqlənən Yeganə hələ tələbə ikən keçirilən Beynəlxalq Müsabiqələrdə dəfələrlə çıxış etmişdir. 1989-cu ildə Naxçıvana qayıdan Yeganə Əsədova Musiqi Texnikumunda pedaqoji fəaliyyətə başlayır. O, bu təhsil ocağında ifaçılıqla pedaqoji fəaliyyətini müvəffəqiyyətlə uyğunlaşdırmaq qabiliyyətini göstərə bilir. Heç təsadüfi deyil ki, çox keçmədən onu rəhbərliyə cəlb edirlər. Belə ki, 1997-ci ildən 2000-ci ilə qədər o, Texnikumda fortepiano şöbəsi üzrə Fənn Birləşmə Komissiyasının sədri, 2002-ci ildən 2005-ci ilə qədər isə texnikumun direktoru vəzifəsində çalışır. |