Нахчыван Мухтар Республикасы Бястякарлар

Naxçıvan Muxtar respublikasının Ali Məclisinin sədri Vasif 
Talıbov Naxçıvan Muxtar Respublikası Bəstəkarlar Təşkilatının 
üçüncü konfransının nümayəndələri ilə birlikdə.  (Günay 
Məmmədova (sağdan birinci)) 
 
Biz  inanırıq  ki,  Günay  bu  gənc  yaşlarında  hələ  neçə-neçə 
gözəl  musiqi  əsərləri  yaradacaq,  öz  musiqi  peşəkarlığını  daha  da 
zənginləşdirəcəkdir. 

---

 
137 
*       *        * 
 
Qədim və zəngin tarixə, mədəniyyətə və  çoxəsrlik dövlətçilik 
ənənələrinə  malik  olan  Naxçıvan  diyarı,  əzəli  və  əbədi  Naxçıvan 
torpağı,    qədim  türk-oğuz  yurdu,  bəşər  sivilizasiyasının 
beşiklərindən  olub,  Şərqin  ticarət,  sənətkarlıq,  elm  və  mədəniyyət 
mərkəzlərindən  biridir.  Naxçıvan  ərazisində  aşkar  edilən  daş  və 
metal  dövrünün  abidələri,  Gəmiqayanın  sərt  qayalarında  yazılan  iki 
minə  qədər  müxtəlif  quruluşlu  təsvirlər,  öz  sənətkarlığı  ilə  seçilən 
boyalı  qablar,  yüksək  qədim  şəhərsalma  mədəniyyətinin  izləri  bu 
yurdun ilkin sivilizasiya beşiklərindən olduğunu sübut edir. 
Naxçıvan  musiqi  mədəniyyəti  də  böyük,  geniş  tarixi  irkişaf 
yolu keçərək, XXI əsrdə zənginləşərək özünəməxsus yüksək səviyyə 
əldə etmişdir.  
Bu  gün  Azərbaycan  Respublikası  özünün  intibah  dövrünü 
yaşayır desək yanılmarıq. Əgər milli dövlətin qurulan və formalaşan 
bir  dövründə  onun  başçısı  xalqın  müğənnisini,  balet  ustasını, 
bəstəkarını  qəbul  edib  onun  problemləri  ilə  məşğul  olursa,  onlarla 
yubileylər keçirirsə,  yeni incəsənət ocaqları açdırırsa, deməli həmin 
dövlətin  sənət  ustaları  öz  dövlət  rəhbəri  ilə  fəxr  etməlidir.  Ulu 
Öndərimiz  Heydər  Əliyev  də  Aazərbaycan  mədəniyyətinin  sağlam, 
sivil,  milli  və  dünyəvi  gələcəyini  istedadlı,  savadlı  gənclikdə 
görürdü.  Xüsusi  istedadı  olan  gənc  musiqiçilərə  dövlət  qayğısı  və 
himayəsi – onun bütün siyasi fəaliyyətinin əsas məqsədlərindən biri 
olmuşdur.  Müstəqil  Azərbaycanın  gənc  istedadlarının  incəsənətdə 
qazandıqları  yeni-yeni  nailiyyətlər,  onu  bir  dövlət  başçısı  və  milli 
lider kimi sevindirir, fərəhləndirirdi. Sitat:  «Azərbaycanda incəsənət 
sahəsində,  musiqi  sahəsində  böyük  şəxsiyyətlər  –  bəstəkarlar, 
ifaçılar,  müğənnilər  yetişib.  Onların  adları  məşhurdur  və  bizim 
tariximizə yazılıb. Həyatdan gedənləri də bizim üçün əzizdir, bu gün 

---

 
138 
yaşayanlar  da  xalqımızın,  cəmiyyətimizin  hörməti  və  qayğısı  ilə 
əhatə  olunublar…  Şübhəsiz  ki,  istedad  qayğı  istəyir.  Qayğı 
olmayanda  istedad  bəzən  özünə  yol  tapa  bilmir,  yaxud  da  ki,  onun 
yolu  çətin  olur.  İstedadı  cəmiyətə,  xalqa  göstərmək,  ona  istedadını 
inkişaf etdirmək üçün kömək etmək, istedada yol açmıq lazımdır…». 
Xalqımız  dahi  liderimiz  Heydər  Əliyevin  ideyalarını  əldə 
rəhbər tutaraq möhtərəm prezidentimiz İlham Əliyevin rəhbərliyi ilə 
qalibiyyətə  doğru  gedir.  Azərbaycan  Respublikasının  Prezidenti 
cənab  İlham  Əliyevin  Naxçıvan  Muxtar  Respublikası  Bəstəkarlar 
Təşkilatının  3  nəfər  üzvünü  fəxri  ad  və  Prezident  təqaüdünə  layiq 
görməsi  bəstəkarlarımızı  döğma  Azərbaycanımızın  gündən-günə 
gözəlləşən  həyatına  həsr  edilmiş  yeni-yeni  əsərlər  yazmağa 
ruhlandırır.  Bu  şərəfli  yolda  Naxçıvan  Muxtar  Respublikası  bütün 
sahələrdə  inamla  irəliləyir.  Naxçıvan  Ali  Məclisinin  sədri  hörmətli 
Vasif  Talıbovun  Muxtar  Respublikada  həyatın  bütün  sahələrində 
olduğu kimi musiqi sənətinə, bu sahənin inkişafına, xüsusilə ifaçılıq 
sənəti  ilə  yanaşı,  bəstəkar-musiqişünaslıq  sənətinə  də  hər  vəchlə 
kömək  göstərir.  Onun  təşəbbüsü  ilə  ayrıca  konservatoriya  açılmış, 
onun  nəzdində  bir  çox  kafedralarla  yanaşı  bəstəkarlıq  kafedrası  da 
geniş fəaliyyət göstərir.  Bütün bu diqqət və qayğı musiqiçiləri  daha 
yaxşı işləməyə, böyük uğurlar qazanmağa sövq edir. 
Naxçıvan Bəstəkarlar Təşkilatı gənc və həvəskar bəstəkarlarla 
da  müntəzəm  əlaqə  saxlayır,  yaradıcılıq  işlərində  onlara  qayğı  və 
köməklik  göstərir,  yeni,  istedadlı  bəstəkar  və  musiqişünasların  cəlb 
olunması hesabına öz sıralarını əzmlə genişləndirir.   
Şərəfli  və  tarixi  bir  yol  keçmiş    Naxçıvana  Muxtar  Respub-
likası  Bəstəkarlar  Təşkilatı  bu  gün  də  öz  üzərinə  düşən  ən  çətin 
vəzifələri  layiqincə  yerinə  yetirmək  və  musiqi  mədəniyyətimizin 
inkişafı  naminə  var  qüvvələrini  sərf  etməklə  zəngin  Azərbaycan 

---

 
139 
bəstəkarlıq  məktəbinin  yüksəlişi  naminə  yeni-yeni  töhfələr  yara-
dırlar.  
Qarşımızda  yalnız bir  yol var: qədim tarixi köklərə,  çoxəsrlik 
zəngin ənənələrə malik  olan milli musiqi mədəniyyətimizi dünyaya 
tanıtmaq.  30  illik  sənət  yolu  keçən,  öz  qoynunda  onlarla  istedadlı 
gəncə  «yaşıl  işıq»  yandıran,  milli  musiqi  incəsənətimizin  təbliği 
sahəsində  böyük  xidmətlər  göstərmiş,  Naxçıvan  mədəniyyətinin 
mənəvi  inkişafında  xüsusi  yeri  və  layiqli  xidmətləri  olan  Naxçıvan 
Bəstəkarlar  Təşkilatının  bu  günkü  bədii  mənzərəsinə  diqqət 
yetirəndə iftixar hissi keçirirsən. Öyünürsən ona görə ki, bu gün milli 
dəyərlərimiz,  milli  əxlaqi  keyfiyyətlərimiz,  soy  kökümüz  özümüzə 
qayıdıb.  Ulu  öndərimiz  Heydər  Əliyevin  belə  bir  müdrik  sözü  var: 
«Mədəniyyət  qədər  insanları  bir-birinə  heç  nə  bağlamır. 
Müvəffəqiyyət  isə  heç  zaman  öz-özünə  gəlmir,  müvəffəqiyyətlərə 
nail  olmaq  üçün  böyük,  düşünülmüş,  ardıcıl  və  müntəzəm  iş 
aparılmalıdır».  
Bu  gün  30  yaşlı  sənət  ocağı  –  Naxçıvan  Bəstəkarlar  Təşkilatı 
bütün  aydınlığı  ilə  göstərir  ki,  hələ  onun  işıqlı  günləri  qabaqdadır. 
Və  yəqin  ki,  o  işıq  getdtikcə  daha  da  güclənəcək,  musiqi  selinə 
çevrilərək insanların qəlbində xoş duyğular oyadacaqdır.  

---

 
140