Boz ustiga, u badavlat bo‘lsa, hosil bo‘lgan songa yana bir nolni qo‘shing, ya'ni axloqli+ xushsurat+badavlat inson= 100; Agar uning naslu nasabi toza bo‘lsa, songa yana bir nolni qo‘shing, ya'ni axloqli+ xushsurat+badavlat+ nasli toza inson= 1000. Biroq ushbu sondan axloqni ifoda etuvchi bir (1) tushib qolsa, bilingki, insonning qiymati yo‘qoladi, saqlanib qolgan nollarning esa, hech qanday qadri yo‘qdir. Bunda, avvalambor, insoniyat taraqqiyoti, tamadduniga munosib hissa qo‘shgan buyuk ajdodlarimizning yuksak tafakkur va donishmandlikka boy qadriyatlar TARBIYAsiga hamda avlodimiz davomchilari – zurriyotlarimizga biz tomonimizdan beriladigan ibrat tarbiyasiga tayaniladi.
Shu o‘rnida ta'kidlash joizki, uzluksiz ma'naviy tarbiya yo‘nalishi jihatidan, asosan, ma'naviy (ruhiy), huquqiy, iqtisodiy, jismoniy, axloqiy, balog‘at (o‘g‘il va qiz bola munosabatlariga oid), ekologik va estetik, mehnat, tafakkur hamda ta'lim tarbiyalariga bo‘linadi.
NAJOT – BILIMDA Bugun Yangi O‘zbekiston taraqqiyotida “Najot – ta’limda, najot – tarbiyada, najot – bilimda” konseptual g‘oyasi doirasida amalga oshirilayotgan islohotlar davrini tahlil etish maqsadga muvofiq.
Birinchi bosqich.
2016-yil sentabrdan 2022-yilgacha Ikkinchi bosqich.
2022-yildan to bugunga qadar davom etayotgan O‘ZBEKISTON RESPUBLIKASINI YANADA RIVOJLANTIRISH BO‘YICHA HARAKATLAR STRATEGIYASI O‘zbekiston Respublikasi Prezidentining 2017-yilning 7-fevral kungi “O‘zbekiston Respublikasini yanada rivojlantirish bo‘yicha Harakatlar strategiyasi to‘g‘risida”gi Farmoni bilan 2017-2021-yillarda O‘zbekiston Respublikasini rivojlantirishning beshta ustuvor yo‘nalishi bo‘yicha Harakatlar strategiyasi qabul qilindi. Mazkur strategiyaning “Ijtimoiy sohani rivojlantirish” deb nomlangan to‘rtinchi yo‘nalish aholi, ayniqsa yoshlarning bandligini ta’minlash, fuqarolarni ijtimoiy himoya qilish va salomatligini saqlash, fan, ta’lim, madaniyat va sport sohasini takomillashtirish, yo‘l-transport, muhandislik-kommunikatsiya hamda ijtimoiy infratuzilmani rivojlantirish chora-tadbirlarini amalga oshirish maqsadlariga qaratilgan edi.
