Nazorat turlari va baholash mezonlari
1. Nazorat turlari
1) Issiqlik ta’minoti va tizimlari fanidan talabalar bilimini nazorat qilish oraliq va yakuniy nazorat turlarini o`tkazish orqali amalga oshiriladi.
2) Oraliq nazorat semestr davomida Issiqlik ta’minoti va tizimlari fanining 50 foizi tugagandan keyin talabalarning bilim va amaliy ko`nikmalarini baholash maqsadida o‘quv mashg`ulotlari davomida yozma shaklda ajratilgan soatlardan kelib chiqib, Energetika kafedrasi tomonidan belgilangan tartibda fan professor-o`qituvchisi tomonidan o`tkaziladi.
3) Issiqlik ta’minoti va tizimlari fanidan talabaning amaliy, laboratoriya mashg’ulotlari va mustaqil ta’lim topshiriqlarini bajarishi, shuningdek uning ushbu mashg‘ulotlardagi faolligi 5 baholik mezon asosida baholab boriladi.Talabani oraliq nazorat turi bo’yicha baholashda uning o’quv mashg’ulotlari davomida olgan baholari inobatga olinadi.
4) Issiqlik ta’minoti va tizimlari fanidan yakuniy nazorat semestr yakunida fan bo`yicha tegishli mavzular to`liq tugagandan keyin talabaning o`zlashtirish darajasini aniqlash uchun test shaklda o`tkaziladi.
2. Talabalar bilimini baholash mezonlari
1) Talabalarning bilimi quyidagi mezonlar asosida baholanadi:
Issiqlik ta’minoti va tizimlari fanidan talaba mustaqil xulosa va qaror qabul qila olsa, ijodiy fikrlay olsa, mustaqil mushohada yuritsa, olgan bilimini amalda qo`llay olsa, fanning (mavzuning) mohiyatini tushuna olsa, berilgan barcha savollarga atroflicha javob bersa hamda fan (mavzu) bo`yicha tasavvurga ega deb topilsa - 5 (a’lo) baho;
Ushbu fandan talaba mustaqil mushohada yuritib, olgan bilimini amalda qo‘llay olib, fanning (mavzuning) mohiyatni tushuna olib, aytib bersa hamda fan (mavzu) bo’yicha tasavvurga ega deb topilsa- 4 (yaxshi) baho;
Ushbu fandan talaba olgan bilimini amalda qo`llay olsa, fanning (mavzuning) mohiyatni tushunsa, ifodalay olsa, aytib bersa hamda fan (mavzu) bo’yicha tasavvurga ega deb topilsa - 3 (qoniqarli) baho;
Ushbu fandan talaba fan dasturini o’zlashtirmagan, fanning (mavzuning) mohiyatini tushunmaganda hamda fan (mavzu) bo’yicha tassavurga ega emas deb topilganda - 2 (qoniqarsiz) baho bilan baholanadi.
2) Issiqlik ta’minoti va tizimlari tizimlari fanidan nazorat turlarini o`tkazish bo’yicha tuzilgan topshiriqlarning mazmuni talabaning o‘zlashtirishini xolis (obektiv) va aniq baholash imkoniyatini beradi. (Nazorat turlarini o`tkazish bo’yicha tuzilgan topshiriqlar Energetika kafedasi yig`ilishida muhokamadan o`tkazilgan va ma’qullangan.)
Dostları ilə paylaş: |