Nukus innovatsion instituti

Tarmoqli ma`lumotlar ombori

Tarmoqli model ko’plik yozuvlar orasidagi aloqani guruhlashga imkon beruvchi ierarxik modelni kengaytiradi. Mantiqiy jihatdan olib qaralganda, aloqa – bu yozuvning o’zi emas. Aloqalar faqatgina yozuvlar orasidagi munosabatni bildiradi. Ierarxik modeldagi singari, aloqalar ona yozuvdan qiz yozuvga olib boradi, lekin bu gal ko’plik qo’llab quvvatlanadi.
CODASYL spetcifikatciyasiga mos holda, tarmoqli model DDL (Data Definition Language — ma`lumotlarni aniqlash tili) va DML (Data Manipulation Language — ma`lumotlarni qayta ishlash tili) ni qo’llaydi. Bu maxsus tillar bo’lib, ma`lumotlar ombori tuzilishini aniqlash va so’rovlar tuzish uchun mo’ljallangan. Ularning mavjudligiga qaramasdan, dasturchi avvalgidek ma`lumotlar ombori tuzilishini bilishi lozim.
Tarmoqli modelda ―ko’plikka ko’plik‖ munosabati ruxsat etiladi, yozuvlar esa bir biriga bog’liq emas. O’chirilganda yozuvlar va uning barcha aloqalari o’chiriladi, biroq bog’liq yozuvlarning o’zi o’chirilmaydi.
Tarmoqli modelda butunlikni saqlash va nusxalashga yo’l qo’ymaslik maqsadida aloqalarning mavjud yozuvlar orasida o’rnatilishi talab qilinadi. Ma`lumotlarni mos jadvallarda izolyatciya qilishva boshqa jadvallardagi yozuvlar bilan bog’lash mumkin.
Dasturchi ma`lumotlarni diskda qanday saqlanishi haqida qayg’urishi shart emas. Bu ilovalar va ma`lumotlar tobeligini susaytiradi. Ammo tarmoqli modelda dasturchi so’rovlarni shakllantirayotganda ma`lumotlar strukturasini yodda tutishi talab qilinadi.
Ma`lumotlar omborining optimal strukturasini shakllantirish oson emas, tayyor tuzilmani almashtirish esa qiyin. Agar jadval ko’rinishi ko’p o’zgartirilsa, boshqa jadvallar bilan barcha bog’liqliklar ma`lumotlar butunligini buzilmasligi uchun qaytadan o’rnatilishi kerak. Ushbu masalaning murakkabligi shunga olib keladiki, dasturchilar ilovalarni soddalashtirish maqsadida butunlikning ba`zi cheklovlarini inkor etadilar.
MySql MOBT ning texnik imkoniyatlari
MySql DT mijoz – server tizimi hisoblanadi, uning tarkibida ko’p oqimli SQL-server mavjud bo’lib, bu server ma`lumotlar omborining turli hisoblash mashinalarini qo’llashni, shuningdek bir nechta turli xil mijoz dasturlar va kutubxonalar, ma`muriy vositalar va dasturiy interfeyslar (API) ning keng spektri ta`minlaydi.
Xavfsizlik
Xavfsizlik tizimi chetdagi kompyuter verifikatciyasi imkoni mavjud parol va imtiyozlarga asoslangan, buning hisobiga qayishqoqlik va xavfsizlik ta`minlanadi. Parollar tarmoq bo’yicha uzatilganda server bilan bog’langanda shifrlanadi. Mijozlar MySql ga TCP/IP, Unix soketlaridan yoki nomlangan kanallar (named pipes, pod NT) dan foydalanib bog’lanishlari mumkin.
Ma`lumotlar sig’imi
Jadvallarning yangi tipini qo’llaydigan MySql 3.23 versiyasidan boshlab, jadvalning maksimal qiymati 8 million terabayt (2⁶³ bytes) ga etgan. Lekin shuni ta`kidlash zarurki, operatcion tizimlar fayl razmerlariga o’z cheklovlarini qo’yadi. Quyida bir qancha misollar keltirilgan:

• 
  32-razryali Linux-Intel – jadval razmeri 4 Gb.
  
• 
  Solaris 2.7 Intel - 4 Gb
  
• 
  Solaris 2.7 UltraSPARC - 512 Gb
  
• 
  WindowsXP - 4 Gb
  

Ko’rinib turibdiki, MySql ma`lumotlar omborida jadval razmeri odatda operatcion tizim bilan limitlanadi. Jimlik qoidasiga binoan, MySql-jadvallar taxminan 4 Gb ga teng maksimal razmerga ega. Ixtiyoriy jadval uchun uning maksimal razmerini aniqlash/tekshirish SHOW TABLE STATUS yoki myisamchk
-dv table_name buyruqlari rdamida amalga oshiriladi. Agar katta jadval faqat o’qish uchun mo’ljallangan bo’lsa, bir nechta jadvalni birlashtirish va kichraytirish uchun myisampack dan foydalanish mumkin. Odatda myisampack jadvalni ko’pi bilan 50 % ga siqishi mumkin, shuning natijasida juda katta jadvallarni olish mumkin.
Ma`lumotlar omborini yaratish, jadvallar bilan ishlash asoslari
Ushbu ma`ruzada ma`lumotlar omborini yaratish usullari, jadvallar yaratish va ularni o’chirish buyruqlari ko’rib chiqiladi.
Ushbu ma`ruzada ma`lumotlar omborini yaratishni o’rganamiz.
Windows va Linux da ma`lumotlar omborini yaratish buyruqlari bir xil.
Ammo Linux da oldindan bajariladigan buyruqlar murakkabroq.
BigFoot nomli biror kompaniyaning ishchilari haqidagi ma`lumotlardan tashkil topgan employees nomli ma`lumotlar omborini yaratamiz. Ushbu ma`lumotlar omborida ishchilarning ismi, familiyasi, maoshi, yoshi, manzili, e- mail, tug’ilgan sanasi, qiziqishlari, telefon raqamlari va boshqalarni saqlash ko’zda tutiladi.