Odam anatomiyasi
Yüklə 10,25 Mb. Pdf görüntüsü
|
|
Kaftoldi suyaklari Kaftoldi suyaklari, ossa tarsi (ras 164, 190 – 194), ikki qator bo’lib joylashgan: proksimal qismdagilarga oshiq va tovon suyagi, distal qismdagilarga esa – qayiqsimon, kubsimon va uchta ponasimon suyaklar kiradi. Kaftoldi suyaklarining proksimal qatori boldir suyaklari bilan brikadi; suyaklarning distal qatori esa oyoq kafti suyaklari bilan brikadi. Oshiq suyagi Oshiq suyagi, talus , (ras. 195), - boldir suyaklari bilan brikuvchi yagona kaftoldi suyagi xisoblanadi. Uning orqa qismi – oshiq suyagining tanasi, corpus tali, dir. Tana oldinga borgan sari ingichkalashib – oshiq suyagining bo’yinchasi, collum tali, ga o’tadi va bu bo’yincha oshiq suyagi tanasini oshiq suyagining boshchasi, caput tali, bilan birlashtiradi. Oshiq suyagini yuqoridan va ikki yondan boldir suyaklari vilka singari egallab turadi. Boldir suyaklari va oshiq suyagining orasida boldirkaft bo’g’imi, artivulatio talocruralis , hosil bo’ladi. Bu bo’g’imni hosil qilishda ishtirok etayotgan oshiq suyagining yuqorigi yuzasi, facies superior ossis tali, g’altak shakliga ega bo’lib – oshiq suyagining g’altagi, trochlea tali, deb ataladi. G’altakning yon yuzalar esa lateral va medial to’piqlar bilan bo’g’im hosil qilgani uchun lateral va medial to’piq yuzlari, facies malleolaris lateralis et facies malleolaris medialis, nomini oladi. G’altakning yuqorigi yuzasi sagittal yo’nalishda bo’ragan va ko’ndalang yo’nalishda botiq ko’rinishiga ega. Lateral va medial to’piq yuzalari yassi. Lateral to’piq yuzasi oshiq suyagining lateral o’sig’i, processus lateralis tali, ning yuqorigi yuzasiga ham tarqaladi. Oshiq suyagi tanasining orqa yuzasini yuqoridan pastga, oyoq kafti katta barmog’ini bukuvchi uzun muskul payining egatchasi, sulcus tendinis m. flexoris hallucis longi, kesib o’tadi. Bu egatcha suyak orqa tanasining orqa tomonini ikkita do’mboqcha: katta medial do’mboqcha, tuberculum mediale, va kichik lateral do’mboqcha, tuberculum laterale, ga ajiratadi. Egat bilan ajiralgan bu ikki do’mboqchalar oshiq suyagining orqa o’simtasi, processus posterior tali, ni tashkil qiladi. Oshiq suyagi orqa o’simtasining lateral do’mboqchasi ba’zan aloxida o’ssifikatsiyalanishi tufayli – aloxida uchburchak suyak, os trigonum, hosil bo’lib qoladi. Oshiq tanasi pastki yuzasining orqalateral soxasida botiq orqa tovon bo’g’im yuzasi, facies articularis posterior, joylashadi. Bu yuzaning oldmedial qismi orqadan oldinga va lateral holatda yo’naluvchi oshiq suyagining egatchasi, sulcus tali, bilan chegaralangan. bu egatchadan oldinda va tashqarida o’rta tovon bo’g’im yuzasi, facies articularis calcanea media, joylashgan. Undan oldinda esa oldingi tovon bo’g’im yuzasi, facies articularis calcanea anterior, ko’rinib turadi. Bu bo’g’im yuzalari orqali oshiq suyagi o’zining pastki qismi bilan tovon suyagiga brikadi. Oshiq suyagi boshchasining oldingi qismida sferik shakilda qayiqsimon suyak bilan brikuvchi – qayiqsimon bo’g’im yuzasi, facies articularis navicularis, joylashgan. Yüklə 10,25 Mb. Dostları ilə paylaş:
|