Oftware və onun təSNİfati

Microsoft Excel cədvəl prosessorunun bir neçə versiyası mövcud­dur.

Excel, cədvəllərlə işləyən zaman istifadəçiyə aşağıdakı imkanları verir:

 cədvəlin xanalarında müxtəlif funksiyalardan (riyazi, maliyyə, statistik, mühəndis və s.) təşkil olunmuş mürəkkəb düs­turlardan istifadə etmək. Cədvəlin di­gər xana­ların­dakı qiy­mət­lərdən asılı olaraq, düsturlarla nəticənin qiyməti hesablanır;

 bir neçə cədvəlin əlaqəsini təşkil etmək. Bu zaman bir cəd­və­lin xana­la­rının qiyməti digər cədvəlin verilənləri əsasında təşkil olunur. Bu halda ilkin cədvəlin verilənlərinin dəyişməsi əsas cədvəldəki son nəticənin avtomatik dəyişməsinə təsir edir;

 verilənlərdən təşkil olunmuş böyük massivlərin analizini asanlaş­dır­maq üçün interaktiv olaraq cədvəlləri yaratmaq;

 verilənlərin siyahılar şəklində (verilənlər bazası) tərtiba­tını, çeşidlə­mə əməliyyatını, aralıq nəticələrin hesablan­ma­sını və filtrləməni cədvəllərə tətbiq etmək;

 verilənlərin birləşməsini (konsalidasiyasını) həyata keçirmək (bir neçə cədvəlin verilənlərini bir cədvəldə birləş­dirmək);

 verilənlərin eyni adlı massivlərindən – ssenaridən istifadə etmək­lə, eyni cədvəldə son nəticənin qiymətini tərtib etmək. Veri­lənlərin bir neçə massivindən, son nəticənin bir neçə variantını tez almaq mümkündür;

 düsturlar üzrə hesablamalardakı səhvlərin axtarışını avto­­­matik yerinə yetirmək. İstifadəçi səhvlər haqqındakı məlumatın kodlarının analizindən başqa, xanalar arası asılılığı izləmək imkanına malikdir. Bu zaman ilkin xanalarla asılı xanalar müxtəlif rəngli xətlərlə birləşir;

 verilənlərin digər şəxslər tərəfindən dəyişdirilmədən mü­ha­fizə etmək. bir və ya bir neçə xananı, cədvəlin özünü və ya işçi kitabı mühafizə etmək olar. Bu zaman mümkün mühafizə dərəcələrinin kombinasiyasından istifadə etmək mümkündür;

 cədvəlin təyin olunmuş hissəsini gizlətməyə və ya əks etdirməyə imkan verən strukturlaşmış verilənlərdən istifadə etmək. Bu, informasiya­nın seçilməsi prosesini və işçi vərəqdəki verilənlərə nəzarəti asanlaşdırır;

 əvvəldən hazırlanmış və yadda saxlanılmış sıra şəklindəki verilən­lə­rin eyni və ya müxtəlif qiymətlərini cədvəlin bir neçə xanalarına sürətli daxil etmək üçün avtodoldurma mexanizmini tətbiq etmək. Sıranın hər bir həddi cədvəlin bir xanasına daxil edilir. Verilənlərin xanalara ardıcıl daxil edilməsini sıranın istənilən həddindən başlayaraq düz və ya əks istiqamətdə həyata keçirmək olar;

 ixtiyari sayda qiyməti olan bir və ya iki dəyişəndən təşkil olunmuş əvəzetmə cədvəlindən istifadə etmək. Dəyişənlərin bu qiymətlərindən eyni düsturun nəticəsinin hesablanmasında isti­fadə olunur və nəticələr verilənlər massivi şəklində əks etdirilir.

Excel cədvəl prosessoru bu deyilənlərdən əlavə mətn proses­so­runun ümumi funksional imkanlarına da malikdir. Bunlar, makroslardan istifadə, diaqramların quraşdırılması, avto­matik əvəz etmə və orfoqrafiya­nın yoxlanılması, üslub və şablon­lardan istifadə, verilənlərin avtomatik format­laşdırılması, digər tətbiqi proqramlarla verlənlərin mübadiləsi və s. servis imkan­la­rından ibarətdir.

Excel cədvəl prosessorundan mürəkkəb hesabatlarda, çeşid­ləmə, filtrlə­mə, massivlərin statistik analizi və bunlar əsasında diaqram­ların quraş­dırıl­masında istifadə etmək məqsədəuyğun­dur.