Windows əməliyyat sisteminə standart Notepad (Блокнот/Bloknot), Write mətn redaktoru və sadə WordPad mətn prosessoru daxildir. Daha geniş istifadə olunan mətn prosessorlarına Word 6.0, 7.0, 97, 2000, 2002, 2003, 2007, 2010, Leksikon 9.0, AmiPro 3.1 və s. misal göstərmək olar.
Notepad (Блокнот) proqramında ölçüsü 64 Kbaytdan çox olmayan və formatlaşdırma tələb olunmayan mətn faylları yaratmaq və onları redaktə etmək olar. Bu proqram yalnız ASCII formatlı mətnlərlə işləmək üçün nəzərdə tutulur və bəzi sistem fayllarının redaktə olunmasında onun tətbiqinə imkan verir. Windows əməliyyat sistemində formatlaşdırılmamış mətn faylının, yəni Notepad (Блокнот/Bloknot) proqramının genişlənməsi .txt kimi təyin edilir.
