Oftware və onun təSNİfati

İstinad  düsturun tərkibində xananın ünvanının yazılışıdır. Məsələn, =(A5+$C$3) düsturunda A5 və $C$3 kimi iki istinad var. İstinadlar mütləq, nisbi və qarışıq ola bilər.

Funksiya  təyin olunmuş hesablama əməliyyatlarını yerinə yetirməyi göstərən riyazi yazılışıdır. Funksiya onun adı və dairəvi mötərizədə göstərilmiş bir və ya bir neçə arqumentdən ibarətdir.

Məsələn:

SUM (A1:A5)

FACT(6)

Xananın göstəricisi  cədvəlin aktiv xanasını seçən çərçivədir. Göstə­ri­cinin yeri maus və ya idarəedici klavişlərinin köməyi ilə dəyişilir.

Formatlaşdırma  bir və ya bir neçə xanaya yazılan veri­lən­ləri əks etdir­mək üçün parametrlərin təyinidir. Format­laşdırma parametrlərinə şriftin növü və ölçüsü, çərçivə, rəng, xananın qiy­mə­tinin tənləşdirilməsi və s. aiddir. Bunlar menyunun əmrləri, konteks menyu və ya alətlər panelinin düymələrinin köməyi ilə təyin edilir. Xanaların format­laş­dı­rılması qiymətlər daxil edil­məz­dən əvvəl və sonra yerinə yetirilə bilər.

Üslub  formatlaşdırma parametrlərinin çoxluğudur. Üslubun adı­nı göstər­mək­lə onu seçilmiş xanaya tətbiq etmək olar.

Siyahı  verilənlər bazası ilə işləmək üçün xüsusi şəkildə tərtib olunmuş cədvəldir. Bu cədvəldə hər bir sütun sahəni, sətir isə verilənlər bazası faylının yazılarını göstərir.

Qeyd  bir və ya bir neçə xanada şərh kimi istifadə olunan mətndir. Qeyd, həmçinin səsli də ola bilər.