Oliy matematika, statistika va ekonometrika

 
2. NAZORAT TOPSHIRIQLARINI BAJARISH TARTIBI HAQIDA UMUMIY KO’RSATMALAR
. 
Nazorat ishining maqsadi – statistika faniga oid masalalarni mustaqil o’rganish jarayonida olingan bilimlarni 
tekshirish va mustahkamlash, shuningdek, nazariy va amaliy mashg’ulotlarni chuqurlashtirish hamda iqtisodiy hodisa va 
jarayonlarini statistik tahlil qilishda fan usullarini qo’llash sohasida to’plangan o’quv va ko’nikmalar darajasini aniqlash.
Talaba berilgan variantlardagi barcha topshiriqlarni bosqichma-bosqich belgilangan tartibda bajarib borishi va eng 
muhimi, har bir topshiriqni o’z vaqtida bajarishi kerak. 

---

159 
Nazorat topshiriqlarni bajarishga kirishishdan oldin statistika fani bo’yicha o’quv dasturi bilan yaqindan tanishib 
chiqish, tavsiya etilgan adabiyotlarni chuqur o’rganish hamda nazorat topshiriqlarini bajarish tartibi haqidagi 
ko’rsatmalar bilan tanishib chiqish lozim. 
Nazorat topshiriqlarni bajarish uchun quyidagi darsliklar va o’quv qo’llanmalarini o’rganib chiqish tavsiya etiladi: 
1.
Shodiyev X. va Xabibullaev I. tahriri ostida. " Statistika darslik" . – T.: Tafakkur bo`stoni, 2013. 
2.
N.M.Soatov, X.Nabiev, D.Nabiev, G.N.Tillaxo’jaeva. Statistika. Darslik. – T.: TDIU, 2011. – 548 bet. 
3.
Nabiyev X., Ayubjonov A.H. Sayfullaev S.N. Iqtisodiy statistika. Darslik. – T.: Iqtisodiyot, 2011. – 324 bet. 
4.
N.M.Soatov, G.N. Tillaho’jayeva. Statistika. - T.: 2005, – 248 b. 
5.
Soatov N.M. Statistika. Darslik. – T.: Tibbiyot nashriyoti, 2003, 754 b. 
6.
Shodiyev X. va Xabibullaev I. tahriri ostida. Statistika bo`yicha praktikum. – T.: Tafakkur bo`stoni, 2015. 
7.
Ayubjonov A.H., Mamatqulov B.X., Sayfullaev S.N. “Statistika” fanidan amaliy mashg’ulotlar o’tkazish uchun 
o’quv qo’llanma. – T., TDIU, 2012. 
Nazorat topshiriqlarini bajarish jarayonida quyidagi shartlarni bajarish kerak: 

Avvalambor topshiriqlar har bir talaba o’ziga berilgan hudud bo’yicha statistik ma’lumotlar to’plashi; 

har bir masala va topshiriqning shartlarini ushbu hujjatda ko’rsatilgan tartibda keltirishi; 

masalalarni formulalar yordamida qisqacha izohlar bilan echishi;

ko’rsatkichlarni hisoblash tartibini to’liq yoritishi;

ko’rsatkichlarni koeffitsientlarda ifodalayotganda 0,001, foizda ifodalaganda esa 0,1 aniqlikda hisoblashi; 

statistik jadvallar, ularni tuzish tartib qoidalariga binoan rasmiylashtirishi; 

nazorat ishini 48 varaqlik daftarda bir rangli ruchka yoki kompyuter yordamida yozish, so’zlarni qisqartirmaslik, 
varaqlarni betlashi; 

har bir topshiriq o’z vaqtida bajarilishini ta’minlashi; 

o’qituvchi tekshirib bergandan so’ng talaba ishda qo’yilgan xato va kamchiliklarni bartaraf qilishi shart, aks 
holda u keyingi topshiriqlarni bajarishiga yo’l qo’yilmaydi. 
Mustaqil ishlash bo’yicha ushbu topshiriqlarni bajarish natijalari asosida talaba to’plagan ballar “Statistika” fani 
bo’yicha umumiy reyting baholashda hisobga olinadi.