Oliy va o’rta maxsus ta’lim vazirligi termiz davlat universiteti iqtisodiyot fakulteti Iqtisodiyot

Qisqacha xulosalar

O’zbekiston xalqaro hamjamiyatning teng huquqli a’zosi sifatida tashqi siyosatini olib borishda respublikaning manfaatlaridan kelib chiqadi. XXI asrning boshlarida Markaziy Osiyo faol geosiyosiy raqobat mintaqasiga aylanib bormoqda. O’zbekiston Respublikasining mintaqa markazida joylashganligi uning geostrategik jihatdan o’rnini belgilaydi. SHuning uchun ham Markaziy Osiyo hududida sodir bo’ladigan voqealar u yoki bu darajada O’zbekistondagi vaziyatga ta’sir ko’rsatishi mumkin.
O’zbekiston Osiyo qit’asidagi eng nufuzli tashkilotga aylangan SHHTda muhim o’rinni egallaydi va uning maqsadlarini amalga oshirishda, mintaqada tinchlik, xavfsizlik va barqarorlikni saqlash va ta’minlash borasidagi faoliyatida faol ishtirok etadi.

Nazorat savollari

1. 
   O’zbekiston tashqi siyosat olib borishda qanday maqsadlardan kelib chiqadi?
   
2. 
   O’zbekistonning Markaziy Osiyo mintaqasidagi o’rni qanday?
   
3. 
   SHanxay Hamkorlik Tashkiloti qachon va nima maqsadlarda tashkil etilgan?
   
4. 
   SHanxay Hamkorlik Tashkilotining mintaqaviy aksilterror tuzilmasining vazifalari nimadan iborat?
   

Asosiy adabiyotlar

1. 
   Karimov I.A. O’zbekiston XX1 asr bo’sag’asida: xavfsizlikka tahdid, barqarorlik shartlari va taraqqiyot kafolatlari. – T.: O’zbekiston, 1997
   
2. 
   Abaturov V. K Tashkentskomu sammitu SHanxayskoy organizatsii
   

sotrudnichestva. «Ekonomicheskoe obozrenie». May. 2004. s. 4-9.

3. 
   TSentralnaya Aziya. SHanxayskaya ekonomicheskaya organizatsiya.
   

«Ekonomicheskoe obozrenie». Iyun. 2004. s. 23-27.

8-mavzu. Iqtisodiyotning raqobatbardoshligini oshirish iqtisodiy xavfsizlikni ta’minlash omili

Dunyoning barcha mamlakatlari iqtisodiyotini qamrab olgan jahon moliyaviy- iqtisodiy inqirozi sharoitida iqtisodiyotning barqarorligini ta’minlash, uni diversifikatsiya qilish va raqobatbardoshligini oshirish mamlakat iqtisodiyotini uning tahdidlaridan himoya qiluvchi muhim omillardan bo’lib hisoblanadi.
SHu tufayli O’zbekiston Respublikasi Prezidenti I.Karimov «Jahon moliyaviy- iqtisodiy inqirozi, O’zbekiston sharoitida uni bartaraf etishning yo’llari va choralari» asarida moliyaviy-iqtisodiy inqirozning har qaysi davlatdagi miqyosi, ko’lami va oqibatlari qanday bo’lishi ko’p jihatdan bir qancha omillardan kelib chiqishi pirovard natijada – mamlakat iqtisodiyotining barqarorlik, diversifikatsiya va raqobatga bardoshlik darajasiga bog’liqligini alohida ta’kidlab o’tdi³³.
O’zbekistonda qabul qilingan islohot va modernizatsiya modelini amalga oshirishda tadrijiy yondashuvni tanlanganligi islohotlarni izchil va bosqichma- bosqich olib borish imkoniyatini yaratdi.
Raqobat bozor xo’jaligining eng muhim xususiyatlaridan biri bo’lib hisoblanadi. Iqtisodiyot sohasida raqobat yangi raqobatbardosh tovarlar ishlab chiqarish va xizmatlar ko’rsatish yo’li bilan o’z salohiyati va imkoniyatlarini amalga oshirish uchun sharoitlar yaratadi.
Globallashuv jarayonlari kuchayib borayotgan sharoitlarda esa xalqaro raqobat muammolari birinchi o’ringa chiqib boradi. Jahonning ko’pgina mamlakatlari, shu jumladan, o’tish iqtisodiyotidagi mamlakatlarda ham raqobat to’g’risidagi qonunlar qabul qilingan va ushbu muammolar bilan shug’ullanadigan idoralar tashkil etilgan. Bu esa o’z navbatida bozor xo’jaligining muvaffaqiyatli amal qilishida raqobatning yetakchi rolini tan olinganligidan dalolat beradi.
Kapital va mehnat harakatchanligining oshganligi, dunyo iqtisodiyotining yoppasiga axborotlashuvi, erkin savdo va bozorlar integratsiyalashuvida namoyon bo’layotgan globallashuv jarayonlari, dunyoning barcha mamlakatlari uchun ijtimoiy–iqtisodiy taraqqiyotni jadallashtirishda keng imkoniyatlar ochmoqda. Lekin, shu bilan birga, mamlakatlar ushbu jarayonlarga xos bo’lgan ayrim qiyinchiliklarga ham duch kelmoqdalar. Ayni paytda dunyo tajribasi shuni ko’rsatadiki, glaballashuv jarayonlaridan asosan dunyo bozoriga tayyor raqobatbardosh tovarlar bilan chiqayotgan mamlakatlar ko’proq naf olmoqdalar.
Milliy iqtisodiyotning raqobatbardoshligini oshirish zaruriyati boshqa shart-
sharoitlar bilan ham belgilanadi. Masalan, ichki bozorning chegaralanganligi zamonaviy texnologiyalarini qo’llash orqali ishlab chiqarish samaradorligini oshirish imkoniyatlarini ham bir muncha cheklaydi. Bundan tashhari har qanday mamlakat iste’mol tovarlarini ma’lum qismini tashqi bozorlardan xarid qilishga majbur bo’ladi. Mana shunday sharoitda mamlakat eksport salohiyatini oshirish importni ta’minlash uchun valyuta tushumlarini kafolatlaydi. Demak, raqobatbardoshlik iqtisodiy xavfsizlik muammosi bilan ham bevosita bog’liqdir.
Ma’lumki, bir necha yillardan beri mamlakatlarning jahon xo’jalik tizimida raqobatbardoshligini aniqlash hamda ularni raqobatbardoshlik reytingini tuzish bo’yicha tadqiqotlar olib boriladi. Internetdan olingan ma’lumotlarga ko’ra, 2005 yilda raqobatbardoshlik reytingini hisoblash uchun 290 ko’rsatkich tahlil qilingan. SHulardan 41 ta ko’rsatkich mamlakat to’g’risidagi birlamchi axborot sifatida ishlatiladi va oxirgi reytingda aks ettirilmaydi. Qolgan 249 ta ko’rsatkich sakkizta umumlashtirilgan omillarga ajratiladi. Ular quyidagilardan iborat:

• 
  ichki iqtisodiy salohiyat;
  

³³I.Karimov Jahon moliyaviy-iqtisodiy inqirozi, O’zbеkiston sharoitida uni bartaraf etishning yo’llari va choralari. Toshkеnt. «O’zbеkiston». 2009, 5-6 b.

• 
  tashqi iqtisodiy aloqalar;
  
• 
  iqtisodiyotni davlat tomonidan tartibga solish;
  
• 
  moliya-kredit tizimi;
  
• 
  infratuzilma;
  
• 
  boshqaruv tizimi;
  
• 
  ilmiy-texnik salohiyat;
  
• 
  mehnat resurslari.
  

2005-yilda 117 mamlakatning raqobatbardoshlik indeksi hisoblandi. Ma’lumotlarga ko’ra, ushbu yilda 1-3 o’rinlarni muvofiq ravishda Finlyandiya, AQSH va SHvetsiya mamlakatlari egallagan. Mustaqil Davlatlar Hamdo’stligi mamlakatlaridan Qozog’iston (61 –o’rin), Rossiya Federatsiyasi (75-o’rin), Ukraina (84-o’rin), Gruziya (86-o’rin), Tojikiston (104-o’rin), Qirg’iziston (116-o’rin)larning raqobatbardoshlik reytinglari keltirilgan.
Mamlakatlar raqobatbardoshligining mezonlari tarkibini shakllantirishda iqtisodiyot, ta’lim, fan, huquqiy tizim, informatika, infratuzilma, moliya, soliq tizimi, tashqi iqtisodiy faoliyat, boshharuv tizimi, ijtimoiy sohalarning rivojlanganlik darajasini tavsiflovchi ko’rsatkichlarga alohida ahamiyat berilgan.
Raqobatbardoshlik – iqtisodiy xavfsizlikni ta’minlashning eng muhim mexanizmi bo’lib hisoblanadi. Iqtisodiy xavfsizlik va raqobatbardoshlik doimo o’zaro munosabatda bo’lib turadi. Iqtisodiy xavfsizlik ham, raqobatbardoshlik ham milliy xo’jalik majmuasi va uning tarkibiy qismlarini tavsiflovchilaridir. SHu bilan birga raqobatbardoshlik bir paytning o’zida ham maqsad, ham milliy xo’jalik majmuasi va uning tarkibiy qismlarini rivojlanish darajasini indikatori bo’lsa, iqtisodiy xavfsizlik uning mavjudligi va rivojlanish sharti sifatida namoyon bo’ladi.
Mamlakatda raqobatni qo’llab-quvvatlash, uni rivojlantirish, raqobat muhitini yaratish makroiqtisodiy barqarorlikni ta’minlash, yuksak iqtisodiy o’sishga erishish, iqtisodiyotning samarali tarkibini shakllantirishda va milliy iqtisodiyotning raqobatdoshligini oshirishda muhim ahamiyatga ega bo’lib hisoblanadi.
O’zbekistondagi iqtisodiy islohotlarning o’ziga xos xususiyatlaridan biri davlatni ijtimoiy-iqtisodiy hamda siyosiy sohalardagi o’zgarishlarni amalga oshirishda bosh islohotchi ekanligini belgilovchi tamoyildir. O’tish davrida aynan davlat milliy manfaatlardan kelib chiqqan holda islohotlar jarayonini tartibga solib turishi, iqtisodiy rivojlanishning asosiy maqsadi va ustuvor vazifalarini belgilashi, davlatning ijtimoiy-iqtisodiy hayotidagi tub o’zgarishlar siyosatini ishlab chiqishi va izchil amalga oshirishi zarur ekanligini O’zbekiston tajribasi yaqqol namoyon qildi.
Erkin bozor iqtisodiyotiga o’tishning o’zbek modeliga asos qilib olingan mashhur besh tamoyil, ya’ni «...iqtisodiyotning mafkuradan xoli bo’lishi, iqtisodiyotning siyosatdan ustunligida o’z ifodasini topgan pragmatik iqtisodiy siyosat, davlatning bosh islohotchi vazifasini o’z zimmasiga olishi, qonun ustuvorligini ta’minlash, kuchli ijtimoiy siyosat olib borish, islohotlarni bosqichma- bosqich va vazminlak bilan amalga oshirish»³⁴kabi tamoyillar jahon iqtisodiyotini





³⁴ Karimov I.A. Jahon moliyaviy-iqtisodiy inqirozi,O’zbеkiston sharoitida uni bartaraf etishning yo’llari va choralari. Toshkеnt. O’zbеkiston. 2009. 31-b.
qamrab olgan moliyaviy va iqtisodiy inqiroz sharoitida o’zining dolzarbligini ko’rsatdi.
Respublika iqtisodiyotini tubdan isloh qilish, erkinlashtirish va modernizatsiya qilish, uning tarkibiy tuzilmasini deversifikatsiya qilish borasida amalga oshirilayotgan, har tomonlama asosli va chuqur o’ylangan siyosat O’zbekistonni inqirozlar va boshqa tahdidlarning salbiy ta’siridan himoya qiladigan kuchli to’siq, mustahkam va ishonchli himoya vositasini yaratganligi Prezident I.Karimovning
«Jahon moliyaviy-iqtisodiy inqirozi, O’zbekiston sharoitida uni bartaraf etishning yo’llari va choralari» nomli asarida alohida ta’kidlab o’tildi.
Mamlakatda raqobat muhitini shakllantirish, raqobatni qo’llab-quvvatlash, iqtisodiyotning raqobatbardoshligini zarur darajada saqlab turish chuqur o’ylangan, strategik xarakterga ega bo’lgan maqsadga yo’naltirilgan harakatlarni talab etadi. Bunda esa davlatning roli ayniqsa muhimdir.
Bozor iqtisodiyotiga o’tish davrida amalga oshiriluvchi chora-tadbirlar orasida raqobatni qo’llab-quvvatlash, sog’lom raqobat muhitini yaratish masalasi alohida o’rin tutadi. Rivojlangan mamlakatlar tajribasi ko’rsatishicha, raqobat munosabatlarini rivojlantirish ancha murakkab va uzoq muddatli jarayon hisoblanadi.
Bozor iqtisodiyoti sharoitida davlat raqobatbardoshlikni boshqarmaydi, balki tartibga solishning turli usul va vositalari yordamida unga ta’sir ko’rsatadi. Bular qatoriga turli qonunlar, qonuniy hujjatlar, hukumat qarorlari va iqtisodiy dastaklarni kiritish mumkin.
Davlatning vazifasi milliy iqtisodiyotning raqobatbardoshligini mustahkamlash uchun zarur shart-sharoitlar yaratishdan iborat. Raqobatbardoshlikni boshqarish esa bevosita ishlab chiqaruvchilar darajasida amalga oshiriladi. Ayni paytda, ishlab chiqaruvchilar tegishli huquqlarga, tadbirkorlik tashabbuskorligiga, kadrlarga ega bo’lishlari kerak. M.Porterning fikricha, davlat raqobatbardoshlikning o’ziga xos katalizatori rolini o’ynashi lozim. Lekin, shu o’rinda davlat siyosatining ustuvorliklarini aniq belgilab olish muhim ahamiyat kasb etadi.
Mutaxassislarning fikricha, raqobatni va milliy iqtisodiyot raqobatbardoshligini qo’llab-quvvatlash bo’yicha hukumat chora-tadbirlari majmuasiga quyidagilar kirishi kerak:

• 
  infratuzilma, malakali ishchi kuchi, ilmiy-konstruktorlik ishlanmalarini yaratish;
  
• 
  samarali soliq va pul siyosatini o’tkazish, energiyatashuvchilar bozorini tartibga solish;
  
• 
  talabni, ichki raqobat va innovatsiyalarni rag’batlantirish;
  
• 
  bozordan sifatsiz mahsulotlarni siqib chiqarish uchun texnik va texnologik standartlarni aniq tizimini yaratish;
  
• 
  xaridorlarga to’liq va sifatli axborotlarni yetkazish;
  
• 
  qoloq hududlarni rivojlanishini rag’batlantiruvchi mintaqaviy siyosatni amalga oshirish;
  
• 
  eksportni rag’batlantirish;
  
• 
  xorijiy investitsiyalarni jalb etish.
  

O’zbekistonda raqobat muhitini yaratish, uni qo’llab-quvvatlash va rivojlantirish masalalariga islohotlarning ilk bosqichlaridanoq alohida ahamiyat berila
boshlandi. Raqobatni qo’llab-quvvatlovchi, uni tartibga solib turuvchi bir qator qonun va qonuniy hujjatlar ishlab chiqildi va qabul qilindi. Bu borada asosan ikki yo’nalishdagi me’yoriy hujjatlar tizimi yaratildi:

• 
  iqtisodiyotdagi monopol holatlarni oldini olish borasida – O’zbekiston Respublikasining «Monopolistik faoliyatni cheklash to’g’risida» (1992-y.), «Tovarlar bozorilarida monopolistik faoliyatni cheklash va raqobat to’g’risida» (1996-y.),
  

«Tabiiy monopoliyalar to’g’risida»gi (1999-y.) qonunlari;

• 
  iste’molchilarning huquqlarini himoya qilish borasida – O’zbekiston Respublikasining «Iste’molchilar huquqlarini himoya qilish to’g’risida», «Reklama to’g’risida»gi (1998-y.) qonunlari.
  

Iqtisodiyotda monopollashuv tamoyillari kuchayib borishi bilan raqobat cheklanadi, shu sababli raqobatchilik muhitini vujudga keltirishda davlat ham qatnashadi. Bu esa davlatning monopoliyalarga qarshi siyosatida o’z aksini topadi. Har bir mamlakatdagi aniq vaziyat, ya’ni iqtisodiyotning monopollashuv darajasi uning miqyosi va xarakteriga qarab, bu siyosat erkin raqobat muhitini yangidan yaratish, uni saqlab qolish, zarur bo’lganda qaytadan tiklash, raqobat usullarini qaror toptirish kabilarga qaratiladi.
SHu o’rinda yetarli darajada mukammal bozor iqtisodiyoti shakllantirilgan davlatlarning raqobatni qo’llab-quvvatlash va mamlakat raqobatbardoshligini ta’minlash borasida to’plagan tajribalari to’g’risida ham to’xtalib o’tish joizdir. Rivojlangan davlatlarda shakllantirilgan mustahkam qonuniy asoslar, me’yoriy- uslubiy va resurslar bazasi, turli ob’yektlarning raqobatbardoshligini ta’minlash bilan shug’ullanuvchi tegishli davlat va jamoat tashkilotlarining mavjudligi va ularning samarali ishlashi ularda raqobatni qo’llab-quvvatlash va mamlakat raqobatbardoshligini yuqori darajada saqlab turish uchun keng imkoniyatlar yaratadi. Ko’pchilik rivojlangan davlatlarning hukumatlari raqobatni qo’llab-quvvatlash, raqobatbardoshlikni ta’minlash uchun maxsus dasturlar ishlab chiqadilar va amalga oshiradilar. Buning uchun zarur bo’lgan infratuzilmani rivojlantiradilar va uni takomillashtiradilar.
SHu o’rinda ikkinchi jahon urushida vayron bo’lgan iqtisodiyotni 15 yil ichida tiklab, 25 yil davomida rivojlangan mamlakatlar qatoridan eng yuqori o’rin olishga erishgan YAponiyaning mamlakatda raqobat muhitini shakllantirish borasidagi tajribasi e’tiborga loyiq. Urushdan so’ng bu mamlakat oldida turgan birinchi o’rindagi vazifa vayron bo’lgan sanoat ishlab chiqarishini tiklab olish bo’ldi. Bu vazifani amalga oshirish uchun YAponiya hukumati davlat tomonidan iqtisodiy o’sishni rag’batlantirish muammosini hal etishga bo’lgan turli yondashuvlarni o’rganib chiqdi va eng asosiy e’tiborni sanoat siyosatiga qaratdi. Mana shu siyosatning amaliyotga muvaffaqiyatli tadbiq etilishi raqobat muhitini shakllanishi uchun zamin yaratdi va milliy iqtisodiyotning raqobatbardoshligini oshirishni ta’minladi. Bu esa hozirda ham global bozorlarda ushbu mamlakatning raqobat pozitsiyalarini saqlanib qolishiga imkoniyat yaratmoqda.
Samarali va ilmiy jihatdan puxta asoslangan sanoat siyosati YAponiya iqtisodiyotining tez sur’atlar bilan o’sishini ta’minladi.
1960-yillarning oxiriga kelib, YAponiya ichki bozorining barcha zarur tovarlar bilan to’yintirilganligi yapon kompaniyalarini eksport strategiyasini rivojlantirishga
undadi. Ichki bozorda tovarlari yetarli bo’lgan har bir tarmoqda eksport salohiyati orta bordi. Bu esa o’z navbatida tashqi bozorlarda sotish kanallari tarmog’ini tashkil etish va rivojlantirishni taqozo etdi. Ayni paytda, yuqorida ta’kidlangan o’zgarishlar ishlab chiqarish jarayonlarini modernizatsiya qilish, mahsulot tannarxini pasaytirish, sifatini yaxshilash va assortimentini kengaytirish bilan birgalikda amalga oshirildi. SHu bilan birga investitsiya jarayonlariga davlatning aralashuvi kamayib bordi. Xususiy sektor mamlakatda va undan tashqarida kapital qo’yish va tijorat faoliyatini rivojlantirish yo’nalishlarini mustaqil ravishda belgilay boshladi. Hukumat esa o’z faoliyatini raqobat muhitini rivojlantirishga va raqobatni qo’llab-quvvatlashga qarata boshladi. Davlat kichik va o’rta biznesni yirik monopoliyalar tazyiqidan himoya qilish chora-tadbirlarini amalga oshirdi.
Mamlakatdagi o’zgarishlar aholi daromadlarini oshishiga olib keldi. Bundan tashqari aholining ma’lumot darajasini oshganligi, farovon yashashga intilish iste’mol talabini kengayishiga va oshishiga turtki bo’ldi. Buning natijasida xaridor uchun kurash, ichki raqobat kuchaydi va yangi-yangi tovarlar ishlab chiqarila boshlandi. Natijada yapon kompaniyalarining daromadlari oshdi va bu o’z navbatida ishlab chiqarishni kengaytirish uchun asos bo’lib xizmat qildi.
Raqobat muhitini shakllantirish va qo’llab-quvvatlash hamda soliq imtiyozlari berish yo’li bilan xususiy sektor tomonidan ilmiy-tadqiqot va tajriba konstruktorlik ishlanmalari uchun investitsiyalar yo’naltirilishini rag’batlantirilganligi YAponiya sanoat siyosatining ustuvor vazifasi bo’lib kelmoqda.
YUqorida bayon qilinganlardan ko’rinadiki, YAponiyada raqobatni qo’llab- quvvatlash va raqobat muhitini shakllantirishda asosan sanoat siyosatini amalga oshirishga va shu orqali mamlakat iqtisodiyoti tarkibini takomillashtirishga alohida urg’u berilgan. Ayni paytda, mamlakatda iqtisodiyotga davlat aralashuvi ma’muriy nazoratga emas, balki iqtisodiy dastaklarga asoslangan bo’lib, bu erkin raqobat uchun keng maydon shakllanishiga asos bo’lib xizmat qilgan. Mana shunday tajribalarni o’rganish hamda ulardan respublikaning o’ziga xos xususiyatlarini hisobga olgan holda foydalanish, mamlakatimizda raqobat muhitini yanada kengaytirish uchun imkonini beradi.
O’zbekiston iqtisodiyoti rivojining bugungi bosqichida «monopolizm ko’rinishlariga qarshi kurash va amalda raqobat muhitini shakllantirish» masalalari alohida ahamiyatga ega bo’lib, ularni hal etish mamlakatda ishlab chiqarish hajmlarini o’sishiga, mahsulot sifati va raqobatbardoshligining ortishiga, narxlarni pasayishiga zamin yaratadi.
Respublikada raqobat muhitini rivojlantirishda va monopoliyaga qarshi qonunchilikka rioya qilish ustidan davlat nazoratini olib borishda monopoliyaga qarshi davlat organi hisoblanadigan va raqobatni rivojlantirish davlat qo’mitasi muhim o’rinni egallaydi. Ushbu Davlat organining tashkil etilganligi O’zbekistonda raqobatni qo’llab-quvvatlashning institutsional asoslarini yanada mustahkamlash uchun zamin yaratdi. Respublikamizda raqobatni qo’llab-quvvatlashning institutsional asoslari iqtisodiy islohotlarning ilk davridaridanoq yaratilib boshlandi. Xususiylashtirish, mulkni davlat tasarrufidan chiqarish, kichik biznes va xususiy tadbirkorlikni rivojlantirish borasida amalga oshirilgan chora-tadbirlar mamlakatda
raqobatni qo’llab-quvvatlash, raqobat muhitini shakllantirish uchun institutsional asos bo’lib xizmat qildi.
Mustaqillikning dastlabki yillaridayoq «biz uchun yangilik bo’lgan bozor iqtisodiyotining asoslari yaratildi, bozor infratuzilmasi institutlarini tashkil etish va raqobat muhitini shakllantirish orqali bozor munosabatlarining mexanizmi ishga tushirildi»³⁵.
O’zbekiston Respublikasi Prezidentining “Monopoliyaga qarshi ishlarni tartibga solish va raqobatni rivojlantirish tizimini yanada takomillashtirish chora- tadbirlari to’g’risida”gi Farmoniga muvofiq quyidagilar davlat qo’mitasining asosiy vazifalari va faoliyat yo’nalishlari etib belgilandi:

• 
  monopoliyaga qarshi samarali siyosatni amalga oshirish, monopolistik siyosatni cheklash to’g’risidagi va tabiiy monopoliyalar haqidagi qonun hujjatlariga rioya etilishini nazorat qilish;
  
• 
  respublikada raqobat muhitini rivojlantirish, tovarlar (xizmatlar, ishlar) bozorlarida, birinchi navbatda, ichki iste’mol bozorida va reklama sohasida noinsof raqobatga chek qo’yish, mahalliy davlat boshqaruvi va davlat hokimiyati organlari tomonidan xo’jalik yurituvchi sub’yektlarga nisbatan noqonuniy xatti-harakatlarga yo’l qo’ymaslik uchun huquqiy maydonni yanada takomillashtirish, jamoat tuzilmalari bilan chambarchas muvofiqlashtirilgan holda iste’molchilarning qonuniy manfaatlari va huquqlarini himoya qilish borasidagi chora-tadbirlarni amalga oshirish;
  
• 
  iqtisodiy nochor korxonalarning moliyaviy-iqtisodiy holati va raqobatbardoshligini chuqur tahlil qilish, xo’jalik yurituvchi sub’yektlarni tarkibiy o’zgartirish va ularning bankrotligi sohasidagi funksiyalarni amalga oshirish, tarkibiy o’zgartirish, sanatsiya va bankrotlik masalalarini ko’rib chiqishda davlat manfaatlarini ifodalash.
  

Mustaqillik yillarida Respublikada qo’shilgan qiymat darajasi yuqori bo’lgan raqobatbardosh mahsulotlar ishlab chiqarishga qodir bo’lgan tarmoqlar va korxonalarini yanada jadal rivojlantirish maqsadiga qaratilgan sanoat siyosati ishlab chiqildi.
Mamlakat iqtisodiyotining raqobatbardoshligini oshirishda respublikada qabul qilingan inqirozga qarshi choralar dasturida ko’zda tutilgan vazifalarni amalga oshirish muhim ahamiyat kasb etadi. Joriy kon’yunktura keskin yomonlashib borayotgan hozirgi sharoitda eksportga mahsulot chiqaradigan korxonalarning tashqi bozorlarda raqobatdosh bo’lishini qo’llab-quvvatlash bo’yicha konkret chora- tadbirlarni amalga oshirish va eksportni rag’batlantirish uchun qo’shimcha omillar yaratish mana shunday vazifalardan biri bo’lib hisoblanadi.