On Qutsal Bitiq’in (Onluğun) Yan Bitiqləri
Yüklə 2,19 Mb. Pdf görüntüsü
|
|
SAFRUHA Evlad ehtiramı pakdır! 1. Od Ayındakı Yazı Mərasiminə hazırlaşın.
2. Təzə Evladları Ata Gününə qədər Adlanmaya yüksəldin, Nişanəyə hazırlayın.
3. Təzə Kəlamları, Mənaları yaz, İlimiz başa çatanda cilidlə. 4. Səfərə çıx – Nur apar, Uğur gətir.
5. Daxili aləm xəritəsində bilmədiyin, tanımadığın yer qal- masın. Əsas etibariylə Atayla Mütləq Tənlik – yəni Atanı hər an Mütləq Mənada anlamaq Yüksəkliyi zəbt olunmalıdır, onda Özümlüyün Mütləqləşər.
6. Bayram Mərasimi Kəlamını Evladlara çatdır, indidən Əməllərinə həkk eləsinlər.
7. Düzgünün Tövbəsinə gərək ol, öyrət qaydanı, Tövbə Mütləq olmalıdır, Düzgün Atanın ayağının altına düşmək səviyyəsinə Qalxmalıdır.
8. Ata Günündə Təzə Evladlarla bərabər, Düzgün (Tövbə- dən çıxsa) və Bütöv Bayraq Andı içəcəklər.
9. “Ata İşığında” Deyimlərinin üzərində kamilləşmə işinə Səyini əsirgəmə. 69
10. Müqəddəs Pünhanlıq səviyyəsinə çat: Yəni yalnız Yetkin Söz deyilir, yalnız Yetkin fikir izhar olunur, yalnız Yetkin əməl həyata keçirilir. Ələk əlinizin altında...
11. Bir də xatırla, nəzərdən keçir: Atanın hansı Hökmünə tam əməl olunmayıb, hansı Kəlamı öyrənilməyib – Günah olubsa, onu Ruhunla yu, çünki Atalıların Adlarından biri də Günahsızdır.
12. “Ruhani Cəmiyyət” Kəlamını birlikdə öyrənin, Evladlar yazsınlar, həkk eləsinlər əməllərinə.
Ürəyin Qaranlıqları Yarsın! Daxilindəki Mütləq sənə Yar olsun!
Bil ki, Şər Zülmətini Ruh İşığı Yaracaq. Bil ki, Ehkam yalanını Ruh Həqiqəti Pozacaq. Bil ki, Zor Boyunduruğunu Ruh gücü sındıracaq. Bil ki, Dünyada, Həyatda, İnsanda Mütləq Var – Mütləq İnama layiq. Bil ki, İnsan Mütləq olur – Özünə çatanda, Özüylə Döyüşəndə, Özümləşəndə. Bil ki, Müstəqil Atayurd yaranacaq Amalımızdan, Əməli- mizdən.
Bil ki, Ruhani cəmiyyət yaranacaq Amalımızdan, Əməli- mizdən.
Bil ki, Ləyaqətli Şərq yaranacaq Amalımızdan, Əməli- mizdən.
Bil ki, İnamlı Bəşər yaranacaq Amalımızdan, Əməlimizdən. Bil ki, Bugündə Şərdən başqa heç nə yoxdur! Bil ki, Şər Gücündə Qüdrət yoxdur!
70
Bil ki, İnamla, İdrakla, Mənəviyyatla, İradəylə Yaraqlanan Zoru əyəcək, əyməlidir! Bil ki, Bənzərsizlik, Əlçatmazlıq, Müstəqillik Binası tikilib. Bil ki, Ruhani Ailə meydanından Geniş Meydan yoxdur. Bil ki, Amal toxumundan Sabah haqqı bitəcək. Bil ki, Evlad nöqsan tanımır, Zəiflik tanımır, Qətiyyətsizliyə Yağıdır. Bil ki, Evlad Ata Mütləqiliyinə Səcdəsində Mütləqdir. Bil ki, Evladın Amaldan başqa həyatı yoxdur. Sabahdan başqa Bugünü yoxdur!
Amallaşırsan, Müqəddəs Kitabları ömrünə həkk eləyirsən, özünlə döyüşürsən, Kamilləşirsən, Ailələşirsən, Ataya Evlad hazırlayırsan, Xalqı Ata Amalına çağırırsan, Şərdən İmtina Məqamına Ucaldırsan!
Bilən olursan! Bilən adını sənə halal eləyirəm.
(Qeyd: Bu Bilənin adı Aslandır. Döndü).
I. Düzgünün tövbəsi haqqında. Tövbəsini müfəssəl yazır. Atayurd haqqında Ata Kəlamını bir də oxuyur. Ata hüzuruna Nişanəylə gəlsin, Nişanəni Ataya təhvil versin, Tövbə Səcdəsinə yüksəlsin – Qəlbi kimi. Amalın Bənzərsizliyini, Əlçatmazlığını, Müqəddəsliyini tam dərk etsin. Özünü Bilsin. Evladlıq Yükünü çəkə bilməyəcəksə, heç çiyninə götürməsin.
71
Kəmiyyət ölçüsü bizdə Keyfiyyət ölçüsünün davamıdır. Axşam saat 10-da İnamla Tövbəyə gəlsin.
II. “Mənalar”ı yazmağı Ata Safruha tapşırıb, Qəlbiyə tapşırmayıb. Mütləqiliyi pozmayın. Bugünün hərcayi sərbəst- liyiylə murdarlamayın özünüzü. Ata sözü hər nöqtəsiylə, vergülüylə Mütləqdir.
III. Müqəddəs Kitabların yazılması məqamı yaxınlaşır. Girişinə bir də bax, kamilləşdir, yetkin çeşidi Əsildən gön- dər baxım! Gələn ayın 15-nə qədər hazırlıq işi başa çatır, Ataya çatdırılır nəticə...
IV. İlimizin əvvəlindən bu günə qədər olan Amal Hadisələ- rinin hamısını xüsusi dəftərə yaz, tarixi sənəd dəqiqliyi, dürüstlüyüylə. Hazır olanda Ataya göndər.
V. Bilənlə Ata Gününə qədər ciddi işləmək gərəkdir. Amalla hərəkatların Fərqini öyrənsin...
VI. Kürdlərdən Yağı hazırlayırlar. Tatlardan Yağı hazırlayırlar. Ləzgilərdən Yağı hazırlayırlar. Lahıclardan Yağı hazırlayırlar. Talışlardan Yağı hazırlayırlar...
Kürdlərdən Evlad hazırlamalıyıq. Tatlardan Evlad hazırlamalıyıq. (Sadiqim – fitrən atayurd- ludur, tat mənşəyi onda yadlığa çəkmir!) Ləzgilərdən Evlad hazırlamalıyıq. Lahıclardan Evlad hazırlamalıyıq. Talışlardan Evlad hazırlamalıyıq. Yağılığı Evladlıqla öldürməliyik. VII. Qəlbi Evlad gətirməlidir, Ailə yaratmalıdır Ata Günü üçün.
72
VIII. Səfər üçün də vaxt tapmalısan, Ailə yaradıcılığı üçün də vaxt tapmalısan, Atanın gündəlik tapşırıqları üçün də vaxt tapmalısan – çünki Amalçısan, həyatçı deyilsən! Daxilindəki Mütləq sənə arxadır!
SAFRUHA 1. Yazı Məqamı gəlir – Müqəddəsliyiylə!..
2. Ata Safruhu seçdi, Safruh – Bütövü, “Bütöv” – yarı... 3. Ailə yaratmaq lazımdır, Səfərə getmək lazımdır, zülməti yarmaq məqamı çatmalıdır 9-cu ilimizdə.
4. Mərasimlərə aid Hökmləri, Kəlamları seç, göndər Əsildən Ataya... Bir də baxsın.
5. Düzgünə anlat ki, Amalımız hərcayiliyə qarşıdır. Ruhani İntizam – Müqəddəslik Tərzidir. Sözü Əməldən ayırmaq – Müqəddəsliyə yad olmaqdır. Asifçilik – Qeyri-adi Yükdür, onu çəkməyə Qeyri-adi çiyin gərək. Özünü yoxlasın, tanısın, aldatmasın.
6. Evladların hamısının tapşırığı var, 9-cu ilimiz 10-cu ilimizi hazırlamalıdır. 7. Yüz Evlad Ataya bəsdir ki, İmtina İntibahına başlasın!
8. Əsil texnikumu Ataya qurban verdi. Qyrban verməyi bacarır Əsil. İstəməzdim, özü istədi. Mütləqə tapşırıram Evladımı – daxilindəkinə!
73
SAFRUHA 1. Düzgünü görüşə çağırmırsan, özü gələndə Nişanəni, Müqəddəs Yazıları qaytarır. Atayla görüşmür, Ata Gününə dəvət olunmur, Evladlıqdan çıxır. 2. Özümlüdən qeyri cənub yoxdur əslində. Bilənin ürəyində, ağlında iynənin ucu boyda şübhə varsa, Evladlığa çağırılmır. Kəlamı qaytarır.
3. Amaldan ayrı yaşaya bilənlərsiz – Amal gözəl yaşaya bilər. Keyfiyyət ölçüsü şərtdir Amalda – kəmiyyət keyfiyyətə tabedir bizdə.
4. Evladlıq yoluna qədəm qoyanlara Mütləqilik Qanunu öyrətmək gərək – birdəfəlik, ciddi, tələbkar. Dönüklükdən başqa ölüm tanımır Evlad.
1. Yazı Mərasimi gəlir qabaqdan. Borcunu ver. Qardaşlarınla görüş. Əməlini öyrən. Həyata keçir.
2. Səfər ili olmalıdır Mütləq 9-cu ilimiz. Mütləqilik pozulmasın. Söz əməldən ayrılmasın.
3. Təzə Hökmlər, Mərasimlər, Kəlamlar var Amalımızda, Onları Safruhdan istə, öyrən, ömrünə həkk eləməyə başla.
4. Özünü tam tanı, tam dəyişdir, Şər səndən sarsılsın, sən Şərdən ani də olsa sarsılma.
74
5. Qardaşlarla əlaqəni sıxlaşdır, azı Ayda bir dəfə görüşün, bir-birinizə hesabat verin.
6. “Amaldan başqa həyat yoxdur!” müqəddəsliyinə sadiq ol, Şəxsi Həyat Amalı üstələməsin; bu, Evladlığın Süqutu olardı. Ataya Səcdən Müqəddəs özünütəsdiqindir.
Ürəyin qaranlıqları yarsın! 15 Şölə Ayı, 9-cu il. Bakı.
SAFRUHA Evlad Ehtiramı pakdır! 1. Müqəddəs Bayramımızda, Müqəddəs Kəlamlarla Təqdim olunan Müqəddəs Nişanələrin birini qaytardılar, o birini özümüz qaytardıq. Murdarlanan Müqəddəslik həqarəti Şəri fərəhləndirərdi... Ata Evlad hazırlamaq imkanına hələlik malik deyil, kal meyvə dəririk, Zirvəyə çağırırıq – Dərənin dibinə düşürlər, Böyüklüyə çağırırıq – Kiçilirlər, Təhlükənin kölgəsindən qor- xurlar, inamsızlıq dərdi deyil dərdləri – qorxaqlıqdır – özlərindən gizlədirlər.
2. Evlad olmaq istəyənlərə ən əvvəl “Mənalar”ın hamısını – son kəlamlarına qədər, “Ruhani Hökmlər”i, “Sədaqət”i öyrətmək lazımdır. Bənzərsizliyimiz, əlçatmazlığımız, Müstə- qilliyimiz tam dərk olunmalıdır. Bilik əsasında Evladlığa layiqlər seçilir, Ata görüşünə hazırlanır.
3. Gələn ayın 7-də Yazı Mərasimi başlayır. Ayın 6-da Əsil Safruhun Girişini yazır. Girişə Atanın Amal yaratması, Təqibi, Sonrakılar haqqında Üç cümlə əlavə eləyirsən.
75
4. Yazı Mərasiminə qədər Atanın təzə “Hökmlər”ini, “Sədaqət”ini, “Mənalar”ını və s. bir yerə toplayırsan – Yazı üçün.
dəqiqliyi lazımdır: Şər çibini fikrimi ani də olsa yayındırmasın.
6. Safruh birinci və sonuncu dəfə Ata Buyuruğunu unutdu: Azərbaycan nağıllarını Ataya gətirmədi. Bu dəfə dəqiq olmalıdır: B.Vahabzadə, H.Arif, M.Araz, C.Novruz, M.İsmayıl, N.Kəsəmənli, S.Rüstəmxanlı, R.Rövşən, N.Həsənzadə, S.Sərxanlı, M.İskəndərzadə, S.Rüstəm, E.Baxış, A.Zeynallı və s. son kitabları Ataya lazımdır, yazılı şəkildə fikrimi bildirməliyəm İttifaqa.
7. “Səfər ili olacaq 9-cu ilimiz!” – bu Hökm Mütləqdir – Ata Sözüdür!
Ürəyin qaranlıqları yarsın! 26 Qismət günü, Şölə Ayı, 9-cu il. Bakı. HALALA Evlad Ehtiramı pakdır! 1. Müqəddəs Kitablar yazılır. Qardaşlarla birgə Mərasimə yara.
2. Ata Günü Mərasimi gəlir. Qardaşlarla birgə Mərasimə yara. 15 Od Ayı, 9-cu il. Bakı.
76
SADİQİMƏ Evlad Ehtiramı pakdır! 1. Ata Şərin qılıncı altında Xeyir üçün çalışmaqdan xüsusi zövq alır. 2. Mütləqiliyin pozulmasından böyük Təhlükəmiz yoxdur.
3. Sadiqimin Qayğısını və Anlağını bəyənirəm. 4. Müqəddəs Kitablar: Od Ayında yazılacaq, Əsilin evində. 5. Evladlar Ata Sözünün Mütləqiliyini Qoruyacaqlar daim!.. Ürəyin qaranlıqları yarsın!
1. Müqəddəs Kitablar Xeyirin ömrünə, Şərin ölümünə yazıldı. Safruhun Yetkin Sözü, Dəyanətli İşi Təqdir olunur. Sadiqimin Yüksək, Zəruri Ruhani Yararlığı Təqdir olunur. Əsilin fədakar, həssas, İnadkar Təşkilatçılığı Təqdir olunur.
3. Dərs: Mütləqi qoruma. Qaranlıqlar yarılır! Mütləq Ürəklərə Yar olur!
77
SAFRUHA Evlad Ehtiramı Pakdır!
1. Evlad Nişanəsinin Müqəddəs Ləyaqəti naminə – Tələbi artırmaq, azaltmamaq. Builki Ata Bayramında Adlanma Mərasimi keçirməmək. 2. Özümlüdən başqa cənubdakılar Talışçılıq məhdudiyyə-
İçərimizə potensial Yağı gətirməyək.
3. Ləyaqətsiz Təhlükə yaratmamaq: Rəssamın Borcunu ödəmək, Əlinin Səhvini qaytarmaq. 4. Rəğbətçilər səviyyəsi yaranmalıdır Ətrafımızda. Ata Yükünə Hörmət eləyənlər, Evladlığa çatmayanlar.
5. Qəlbi və Özümlü Əməldə Qardaşlarına Borcludurlar. Atanın Adından onlarla danış: Ata Bayramında nədən hesabat verəcəklər? Nə vaxta qədər maddi Borc Qanununu pozacaqlar? Bəlkə Ataya Evlad olmağı bacarmırlar?..
6. Evladlar Ata Hökmlərinin hamısına riayət eləmirlər. Ataya Ricalar heç səslənməyib də... Təzədən Hökmlərə qayıtmaq və onlara Mütləq riayət etmək...
7. Səfərə Ata Sözü – Səsi seçirsiniz. Şeir, “Mənalar”dan, başqa Kitabçalardan, Kəlamlardan, “Yol”dan, “Mütləqilik”dən, digər Kitablardan parçalar aparırsınız özünüzlə. Səfəri onlarla başa çatdırırsınız. Xalqı tək-tək, yaxud cəm halında Ata İnamına Səsləyirsiniz, Ata Haqqında Zəruri Söz söyləyirsiniz. Seçiləni Ata hüzuruna hazırlayırsınız.
78
8. Atalıqla ilk tanışlıq “Mənalar”dan başlansın. Safruh Ruhani oxuma Əməli yaratsın. Müəyyən vaxt Sabahsevər Müqəddəsatı oxuyur, öyrənir Safruhun köməyiylə.
9. Safruhun Yetkin və Qanadlı Girişində “Müqəddəs Kitablar” Sözü olmadı, ancaq olmalıydı... 10. Safruhum daxili dünyasını yoxlasın: Ata vəhdətindən kənarda suverenlik bugünlüyü aramağın səbəbi nədir? “Ata Sözü Mütləqdir!” Tələbindəki Müqəddəs Qəlbin hökmü deyilmi? Atayla Ruhani Tamlıq Bənzərsiz, Əlçatmaz Müstəqillik deyilmi? Mütləqçinin Mütləq İnamdan böyük Müstəqilliyi varmı?
11. Ata haqqında Müqəddəs Bayram Sözü aşağıdakı şəkildə Tarixləşsin: 1) Ata İnamı, İdrakı, Mənəviyyatı, İradəsi. Faktlar, hadisələr əsasında. 2) Ata Qədimliyi, Antibugünlüyü. 3) Ata Sabahı. 4) Ata və Evlad. 5) Evlad Qəlbində Ata Surəti.
6) Ata Bayramında Ata Sözü – Səsi Eşidilir: Başlanğıcda, Sonda, Mərasimlərarası məsafələrdə.
Ürəyin Qaranlıqları Yarsın! Daxilindəki Mütləq Sənə Yar olsun!
79
MÜQƏDDƏS “ATA GÜNÜ” BAYRAMI HAQQINDA EVLADLARA
1. Bayramda Ata Sözü – Səsi dinlənilir. Başda, Gedişatda, Sonda. 5 dəfə.
2. Ata Sözü – Səsi Yazılışı Safruha, Sadiqimə, Əsilə tapşırılır. Qürub Ayının son günündə Ata hüzuruna gətirilir.
3. Ata haqqında Evlad Sözü aşağıdakı şəkildə tarixləşir: Ata İnamı, İdrakı, Mənəviyyatı, İradəsi (Faktlar, Hadisələr əsasında). Ata Qədimliyi, Antibugünlüyü. (Müqayisələr, Fərqlər). Ata Sabahı. Ata və Evlad. Evlad Qəlbində Ata surəti. Söz Yazılır, Qalır.
4. Ata haqqında Evlad Sözləri Ataya Ricalarla qurtarır. 31 Qismət günü, Od Ayı, 9-cu il. Bakı.
Evlad Əhvalını Səfərə Özüylə aparır. Səfərdən Əhval diləmir.
1. Ata Gününə Yüksəl!
2. Şərə Yağı olduğumuz dərəcədə Rəhmliyik! 1 Murad günü, Qürub Ayı, 9-cu il. Bakı. 80
MÜQƏDDƏS ATAYA EVLADI QƏLBİNİN SÖZÜ
Ata, 9 il əvvəl sizin ruhani varlığınıza tapındım, sizə qovuş- dum. 12 il əvvəl sizin yanar zəkanızın vurğunu oldum. Sizin Ocaq dünyanız ruhani dünyam oldu. Ocaq yolunda, Amal uğrunda döyüşlərə qoşuldum. Həyatımdan, məişətimdən keçməyə belə razı oldum. Əvəzində ülvi, təmiz, saf bir mənə- viyyat qazandım. Ata Amalını Amalım sandım. Ata qanunları ruhani qanunlarım oldu. Kamilliyə, insanlaşmaya doğru uzanan bir yola üz tutdum. Bu yolda Atanı özümə bələdçi seçdim. Ocaq, Ata, Amal mənə çox şey verdi. Amal qarşısındakı xidmətlərim isə cüzi oldu. Etiraf edim ki, bəzi hallarda məişət, ailə başımı qarışdırdı. Ata və Amal Evladları ilə əlaqəm zəif- lədi. Amma bütün bunlar mənim ruhani dünyamı, Amallı mə- nəviyyatımı, müqəddəs hisslərimi azalda bilmədi. Mən mənəvi dünya qazandım. Əvəzində maddi çətinlik çəkdim, Texnikumda qəbul imtahanları götürdüyüm beş il müddətində başıma pul səpirdilər. Mən isə bu pul yağışından yalnız mənəvi təmizlik xəzinəsi götürdüm. Bunun üçün Ataya, Amala minnətdaram. Bu gün mən çox ciddi maddi böhran keçirirəm. Ailəmi, körpələrimi saxlamaq üçün bəzən boşalmış limonad şüşələrini təhvil verirəm. Mənəviyyatı çox aşağı olan adamlardan borc alıram. Gözlərimin qarşısında ağır xəstə olan balamı sağaltmaq üçün dərman pulu tapmıram. Rəngləri sap-sarı saralmış körpə- lərim meyvə yemək istədikdə “sabah alacağam” deyib onları həmişə aldadıram. Yoldaşım cırıq paltarla işə gedərkən yad kişilərin baxışı altında əriyirəm. Bütün bunlara ürək ağrısı ilə dözürəm. Nə vaxtsa düzələr ümidi ilə özümə təsəlli verirəm. Nəhayət, Amal, Ocaq, Ata məndən müqəddəs işimiz üçün maddi borc hökmünü tələb edərkən sıxılıram. Onsuz da ac qalan balalarımın boğazından kəsib, Ocağın boğazına tökməyə çalışıram. 81
Ocaq üçün pul qazanmağa çalışıram. Öz mənəviyyatım əleyhinə gedərək, ömrüm boyu etmədiyim, bir vaxtlar özümün rədd etdiyim pul alverinə girişirəm. Nəhayət, bu işdə ilişirəm və 6500 manat ziyana düşürəm. Ya bu pulu (rüşvəti) verdiyim adamdan geri almalıyam, ya da dövlət orqanlarına xəbər verib özüm də cinayətkar kimi cəza almalıyam. Bu məbləğdən Ocaq üçün 500 manat pul əldə etməli idim. Əvəzində isə çox çətin bir vəziyyətə düşdüm. Ailəmin nişan üzüyünü və başqa bir üzüyü girov qoydum. Bütün bunlar da ilişdiyim işə kömək etmədi. Bu vəziyyətdə çapalamağa başladım. Bu vəziyyət mənim sağlamlığıma da çox pis təsir göstərir. Ancaq bunların hamısına bəlkə də tab gətirmək olardı. Əgər Atanın mənə qarşı ittihamı olmasaydı. Ata məni ittiham edir. Mən Ocağın maddi borcunu ödəyə bilmirəm. Deməli, Ocaq qanunlarının, Evladlıq borclarının ən əsasını yerinə yetirə bilmirəm. Mən imkansız olduğuma görə, maddi böhranda batdığıma görə ittiham olunuram. Ocağa layiq Evlad olmağım şübhə doğurur. Mənə olan etimad, etibar şübhə altına alınır. Bu mənim üçün ən böyük ölümə bərabərdir. Əgər maddi imkansızlığım mənim qəbahətimdirsə, bu qəbahəti özüm üçün ən böyük şərəf sayıram. Ata! Mənim həyatım üçün, mənəviyyatım üçün nə etmisinizsə, bunun üçün Sizə minnətdaram! Hökm Sizindir! Əgər mənə qarşı şübhələriniz varsa, etibarınızı, etimadınızı doğrultmamışamsa, verəcəyiniz cəzaya dözməyə hazıram. Cəzam Evladlıqdan azad edilməkdir. Bilirəm, ağır cəzadır. Mənim üçün ən ağır cismani cəzadan da ağırdır. Lakin yenə də hökm Sizindir. Bircə onu deyə bilərəm ki, əgər ötən bu 12 ildə mən bu cür qiymətə layiq olmuşamsa, deməli, mənim 12 ilim röyalar, xəyallar ili olmuşdur. Mən bu xəyallar üçün də Sizə minnətdaram.
82
ATANIN CAVABI Qəlbiyə qarşı Şübhə yoxdur. Qəlbiyə qarşı Tələb var. Şərlə döyüşümüzdə Tələb Mütləqləşməyə bilməz... Əgər Amalsız yaşaya bilərsənsə – Yaşa.
Maddiyyat – bizdə Ruhani Borcdur. Maddiyyata görə Amaldan ayrılmırsan, Ruhaniyyata görə
İmkan daxilində, lap cüzi miqdarda – intizam naminə... Ata Qəlbini Amaldan çıxarmır, Ata Qəlbini İntizama çağırır, Mütləq səviyyəli İntizama. Əgər Qəlbi buna çata bilmirsə, onda Amaldan özü könüllü ayrıla bilər. Ata Qəlbini Evladlıqdan çıxarmır, ancaq Qəlbinin Evladlıqda qalıb-qalmamaq müstəqilliyi var... Çətinliyimiz – Fərəhimizdir... Ata ittihamı – Amal Dərsidir! 9-cu il, Qürub Ayının 2-ci ongünü. Bakı. Yüklə 2,19 Mb. Dostları ilə paylaş:
|