O'quv ishlari bo’yicha prorektor

Davlat va jamiyatning huquqiy asoslarini shakllantirish va

liberallashtirish.
О‘zbekiston mustaqillikka erishgach, demokratik, huquqiy davlat va fuqarolik jamiyati asoslarini barpo etish yо‘liga о‘tdi. Mamlakatimizda insoniyat tomonidan ishlab chiqilgan, umume’tirof etilgan qadriyatlar asosida yangi jamiyat qurilmoqda.
Ushbu maqsadlarni amalga oshirish о‘z о‘rnida mavjud davlatning siyosiy tizimini izchil shakllantirishni talab qiladi.
Siyosiy tizim tarkibiga quyidagilar kiradi: siyosiy munosabatlar, siyosiy tashkilotlar, siyosiy normalar, siyosiy qarashlar, g‘oyalar, nazariyalar, siyosiy madaniyat.
Siyosiy institutlar tarkibiga о‘z navbatida davlat idoralari, siyosiy partiyalar, kasaba uyushmalari, kooperativlar, yoshlar, diniy va boshqa tashkilotlar hamda uyushmalar kiradi.
Zamonaviy dunyoda «demokratiya», «demokratik davlat» tushunchalari eng kо‘p ishlatiladigan atamalar qatoriga kiradi. “Demokratiya” sо‘zi yunon tilidan olingan bо‘lib, “demoslar” - odamlar, “kratos” - kuch, ya’ni, xalqning kuchi yoki xalq hokimiyati demakdir. «Demokratik davlat» atamasini aniq belgilashdagi qiyinchilik demokratik jamiyat qurish kabi hodisaning kо‘p qirrali, kо‘p bosqichli xususiyati bilan izohlanadi.
О‘zbekiston mustaqillikka erishgunga qadar uning fuqarolari nafaqat taraqqiy etgan demokratik jamiyat qonunlariga muvofiq yashash, balki demokratik tizimlarning jahon tajribasi bilan tanishish imkoniyatiga ham ega bо‘lolmadilar.
Har qanday demokratiya mamlakatning milliy xususiyatlarini va xalqning mentalitetini hisobga olgan holda umuminsoniy qadriyatlarga, xalqaro qonunlar va urf-odatlarga asoslanadi. О‘zbekistonda demokratik qurilish hokimiyatlarning bо‘linishi prinsipiga asoslangan yangi davlatchilikning shakllanishi bilan boshlandi.
О‘zbekiston suveren davlat sifatida ilk qadamlaridanoq din bilan munosabatini aniq belgilab oldi, uni davlatdan ajratib, dunyoviy rivojlanish yо‘lini tanladi. Mamlakatimiz boshqa dinlarga nisbatan bag‘rikenglik munosabatning namunasidir va bu bizning demokratiya tomon harakatlanishimizning yana bir tasdig‘idir. Jamiyat hayotining barcha jabhalaridagi о‘zgarishlar mamlakatimizda ijtimoiy yо‘naltirilgan bozor iqtisodiyotiga asoslangan fuqarolik jamiyati va demokratik huquqiy davlat barpo etiladi, degan xulosaga kelishimizga imkon beradi.