O'rta maxsus, kasb-hunar ta'limi markazi o'zbekiston respublikasi sog'liqni saqlash vazirligi oliy va o'rta tibbiy ta'lim bo'yicha o'quv-uslubiy idorasi

Oshqozon-ichak sistemasidagi o'zgarishlar alohida ko'zga tashlanadi. Bu holat bemorda qusish, qon ketish, ich ketish, qorinda og'riq, shish kabilar bilan xarakterlanadi. Oshqozon-ichak sistemasidagi kuyishlar, kontakt yaralarning hosil bo'lishi, shu a'zolarda chuqur patologik o'zgarishlarga olib keladi. Jigarning funksiyasi buziladi, bemor organizmi sarg'ayib ketadi. O'tkir buyrak va jigar yetishmovchiligi belgilari sodir bo'ladi va bemor jigar hamda uremik koma holatiga tushadi.

Markaziy asab sistemasidagi o'zgarishlar zaharlanishning dastlabki bosqichlarida namoyon bo'ladi. Bemor qo'zg'aluvchan, bezovta, baqirib-chaqirib muolajalar o'tkazishga qo'ymaydi. Zaharning miyaga ta'siri kuchayib borgach, befarqlikka o'tadi, savollargajavob bermaydi.Toksikgipoksiya, miya shishi vatoksik ensefalopatiya belgilari paydo bo'ladi. Bemor o'z harakati va gaplariga javob bermaydi, vaqtga, joyga nisbatan nazoratni yo'qotadi. Vaqti-vaqti bilan tutqanoqlar tutadi, hushini yo'qota boshlaydi; a'zolar sistemasidagi funksional va patologik o'zgarishlar mar­kaziy buzilishlarga aylanadi; bemor gipoksik vatoksik komaga tushadi.

Umuman olganda o'tkir zaharlanishlarda organizmdagi barcha sistema va a'zolar zarar ko'radi. Zahar katta konsentratsiyaga ega bo'lsa, so'rilish xususiyati ham katta va tez bo'ladi, sanoqli soniya va daqiqalarda qon orqali hamma sistemalarni aylanib o'z ta'sirini ko'rsatadi.