O'rta maxsus, kasb-hunar ta'limi markazi o'zbekiston respublikas
Klinik belgilari. Bemor komaga tushishidan oldin ovqatdan qoladi; og'zi achchiq bo'lib, bosh kuchli og'riydi; qusadi, jigar sohasida qattiq og'riq sezadi; behollik oshib boradi; kunduzi uxlab, kechasi uyqusiz bo'ladi; organizm harorati ko'tariladi, sariqlik ko'payib ketadi; ayrim hollarda ich ketib, ichakdan, burundan qon ketadi. Qonda bilirubin miqdori oshib ketadi, bemor injiq bo'lib, har narsaga qo'zg'alish bilan javob beradi; ko'p gapiradi; baqiradi, yig'laydi, bu belgilar perekoma holati deb aytiladi. Agar jadal davolash qo'llanilmasa, bemor komaga tushadi. Bemorning hushi boimaydi oyoq-qo'llari sovib, teriosti, shilliq qavatlari, ko'z sklerasiga qon quyiladi; og'zidan hid keladi, qon qusadi; qon bosimi past, ipsimon; yurak tonlari past eshitiladi; ko'z qora-chig'i kengayib, yorug'ga reaksiyasi bo'lmaydi; minimal simptomlar paydo bo'ladi. Nafas olishi chuqur bo'lib, bo'linib nafas oladi; siydik miqdori kamayib, qoramtir rangda bo'ladi; albuminuriya, bilirubinuriya bo'lib, qonda leykopeniya bilirubin miqdori 10—15 % dan oshadi. Jigar komasiga tushgan bemorlar hayoti doim xavf ostida bo'ladi. Jadal davolash usullari qo'llansagina bemorni saqlab qolish mumkin.
