|
6.8. Uremik koma
Kasalliklar natijasida buyrakning funksiyasi buziladi va qonda siydik miqdori ko'payib, azot qoldiqlari bilan organizm qattiq zaharlanadi.
Uremik komaga tushishdan oldin bemorning ishtahasi bo'lmaydi, ko'ngli ayniydi, qusadi, qorin sohasida kuchli og'riq paydo bo'ladi, siydik ajralib chiqsa, o'rtacha og'irlik sig'imi past bo'ladi. Qonda azot qoldiqlari ko'payishi tufayli boshda kuchli og'riq bo'ladi; ko'zoldi qorong'ilashadi; karaxtlik paydo bo'ladi. Ich ketishning paydo bo'lishi, siydik qoldiqlarining ichaklar shilliq qavati orqali ajralib chiqishi bilan bog'liq, anemiya kuchayadi;
qonda leykotsitoz bo'ladi; bemor qayerda yotganini aniq bil-maydi, tez charchab yonidagilarga e'tiborsiz bo'ladi. Keyinchalik hushi batamom yo'qoladi; qon bosimi oshadi, tomir urishi sekinlashadi, og'zidan mochevina hidi keladi. Bemorlar alahsiraydi yoki qo'rqinchli tushlar ko'rib gallutsinatsiyalar paydo bo'ladi. Agar bemorni komadan chiqarishga muvaffaq bo'linsa, u o'zida kuzatilgan klinik belgilarni aytib beradi. Tashxis qo'yish uchun amneziya buyrakning surunkali kasallari hisobga olinadi.
Bemorda quyidagi belgilar paydo bo'lsa, uremik koma hayot uchun xavfli hisoblanadi: epileptik tutqanoqlarning bo'lishi; nafas olishning Cheyn-Stoks tipida bo'lishi; bemorning qo'zg'aluvchan bo'lishi; tez-tez qon aralash qusish; mochevina miqdorining qonda haddan tashqari oshib ketishi va teridan mochevina hidi kelishi.
Davolash. Diagnoz aniqlangandan keyin davolash doimiy dezintoksikatsion va hayot uchun zarur bo'lgan a'zolar faoliya-tini yaxshilashga tez kirishiladi. Davolash qancha tez boshlansa foydasi shuncha yaxshi bo'ladi.
Dostları ilə paylaş: |
