O‘zbek oilasining milliy-madaniy va ijtimoiy-psixologik xususiyatlarini hisobga olmay turib oila-nikoh munosabatlarini, oilaviy turmush faoliyatini, uning barqarorligi va farovonligini maqsadga muvofiq yo‘sinda tashkil etish va amalga oshirish mumkin emas. Bu holat, uning asosiy vazifasi-farzand ko‘rish orqali aholini qayta tiklash, avlodlar davomiyligini va yer yuzida insoniyat tarixiy taraqqiyotini ta’minlash, muqaddas urf-odatlarimizni saqlash va uni avloddan-avlodga o‘tkazishdek vazifani bajarish samarasini ham pasaytiradi.
Oila barqarorligi va farovonligining asosi bo‘lgan shaxslararo munosabatlar ta’sirining ijtimoiy-psixologik xususiyatlarini ilmiy asoslash tadqiqotimizning asosiy metodologik tuzilishi sifatida qabul qilingan bo‘lib, uning atrofiga oila subyekti er-xotin shaxsi va faoliyatining barcha jihatlari: ularning milliy-psixologik va milliy madaniy bilimlari, ular shaxsi va faoliyatidagi milliy tipiklik va ijtimoiy tipiklik, o‘zbek xalqiga xos o‘zini o‘zi anglashi va hokazolar semantizatsiyalandi (tuzildi).
Tadqiqot natijasida o‘zbek oilasining milliy qiyofasini belgilaydigan (oydinlashtiradigan) ijtimoiy-psixologik asoslar muayyan darajada yoritildi. Biz o‘zbek halqining urf-odatlari, an’analari, madaniyati, turmush tarzini, shuningdek, hududning oila hayoti va faoliyatiga ta’sir etadigan xususiyatlarini hamda ijtimoiy madaniy muhitni mazkur oilaning milliy qiyofasi mohiyatini tashkil etuvchilar sifatida e’tirof etdik.
Tadqiqot natijasida o‘zbek oilasining milliy qiyofasini belgilaydigan (oydinlashtiradigan) ijtimoiy-psixologik asoslar muayyan darajada yoritildi. Biz o‘zbek halqining urf-odatlari, an’analari, madaniyati, turmush tarzini, shuningdek, hududning oila hayoti va faoliyatiga ta’sir etadigan xususiyatlarini hamda ijtimoiy madaniy muhitni mazkur oilaning milliy qiyofasi mohiyatini tashkil etuvchilar sifatida e’tirof etdik.
Biz amalga oshirgan tadqiqot natijalari dastlabki ilmiy farazimizni to‘la tasdiqlaydi va dissertatsiya bo‘yicha quyidagi umumlashgan xulosalarni chiqarish imkonini beradi.
Olingan ma’lumotlarning guvohlik berishicha, o‘zbek xalqi-ning uzoq tarixga ega ijtimoiy-madaniy muhiti, turmush tarzi, madaniyati, milliy ongi va o‘zini o‘zi anglashi, milliy xarakteri, xulq-atvor stereotiplari va o‘ziga xosligini ilmiy o‘rganish oila barqarorligiga shaxslararo munosabatlar ta’sirining ijtimoiy-psixologik xususiyatlarini aniqlashga imkon yaratdi.
