O’zbek tili o’zbekiston respublikasi davlat arxitektura va qurilish qo’mitasi toshkent arxitektura – qurilish instituti

Mavzuni mustahkamlash uchun savollar:

1. 
   O’zbekiston respublikasi aholisi haqida nimalarni bilasiz?
   
2. 
   O’zbekiston respublikasining bayrog’i qachon qabul qilingan va qanday tushunchalarni ifodalaydi?
   
3. 
   O’zbekiston respublikasining gerbi qachon qabul qilingan va qanday tushunchalarni ifodalaydi?
   
4. 
   O’zbekiston respublikasining madhiyasi qachon qabul qilingan va bu haqida nimalarni bilasiz?
   
5. 
   “Davlat tili” haqidagi qonun qachon qabul qilingan?
   
6. 
   “Davlat tili” haqidagi qonun nechta moddadan iborat?
   
7. 
   .“Davlat tili “haqidagi qonunning qabul qilinish sabablari va sharoitlari haqida gapiring.
   

Topshiriq: Berilgan matnni o’zbek tiliga tarjima qiling.
Что такое дружба?
Когда учишься в школе, кажется, что взрослая жизнь будет в каком-то другом мире. От настоявшего не останется ничего. А на самом деле всё иначе. Друзья молодости оказываются самыми верными. Круг знакомых увеличился, но настоящие друзья - старые.
Молодость - это время сближения. Об этом нужно помнить и друзей надо беречь, потому что настоящая дружба очень помогает и в горе и в радости. В радости ведь тоже нужна помощь. Неразделённая радость - не радость. А когда наступит пора несчастий, пора утрат, тоже нельзя быть одному. Горе человеку, если он один. Поэтому берегите молодость до глубокой старость.


2-mavzu: Dunyo tillari. Til va nutq
Reja:
1.Tilning paydo bo’lishi.
2.Dunyo tillari.
3.Til oilalari. Hind – Yevropa tillari oilasi.
4.Oltoy tillari oilasi.
5.Tirik va o`lik tillar.

Kishilar hamma vaqt bir-birlari bilan muomalada bo’ladilar. Til vositasida o’z fikrlarini, his-tuyg’ularini ifodalaydilar. Til kishilarning bir-birlarini tushunishlariga, yashash uchun vositalar topishda birlashishlariga, ishlab chiqarishni tashkil qilish,tabiat kuchlari bilan kurashishga yordam bergan.

Til- aloqa quroli, u vosita. Nutq esa ana shu aloqa jarayonini amalga oshirish uchun xizmat qiladi. Tilning umri uni yaratgan xalqning umridan uzoq bo’ladi. Nutqning umri esa qisqadir. Tilning xizmat doirasi juda keng,hajmi o’lchovsiz bo’ladi. Nutq esa aniq hajmli, shaklli bo’ladi. Nutq yakka shaxs (monolog), ikki shaxs (dialog) yoki ko’p shaxs (polilog) o’rtasida bo’lishi mumkin. Nutq yozma va og’zaki bo’ladi.
Til kishilarning birgalashib mehnat qilishlarida, boshqa kishilar bilan aloqada bo’lish zaruriyatidan paydo bo’lgan. Ibtidoiy jamoa tuzumi boshlarida paydo bo’lgan til uzoq davrlar o’tishi bilan o’zgarib,boyib borgan. Til rivoji kishilarning turli - tuman tajribalarining takomillashiga, bu tajribalarning avloddan-avlodga o’tishiga imkon bergan. Natijada fan, madaniyat, texnika taraqqiy qilgan, ya’ni kishilik jamiyati rivojlangan. Tilning rivojlanishi jamiyat rivojlanishi bilan bevosita bog’liq bo’lib, ijtimoiy hayotda ro’y bergan o’zgarishlar tilda aks etadi. Bu o’zgarishlar hammadan ko’proq tilning lug’at boyligida o’z ifodasini topadi. Yangi narsa-buyum va tushunchalarning keng iste’moldan chiqib ketishi hammadan avval tilning lug’at boyligida o’zgarish bo’lishiga olib keadi.
BMTning ma’lumotlariga ko’ra,1999-yilda yer yuzi aholisi 6 mlrd.ga yetdi. Dunyodagi xalqlar 2976 xil tilda gaplashadi. Shundan 200 tilning har birida 1 mln.dan ortiq ,70 tilning har birida 5 mln.dan ziyod, faqat 13 tilning har birida 50 mln.dan ortiq kishi so’zlashadi. Qolganlarning har birida esa 1mln.dan ortiq kishi gaplashadi.
Kavkaz tog’larining bag’rida joylashgan Dog’istonda 1mln.dan ortiq xalq bo’lib, ular 40ga yaqin tilda so’zlashadi.
Dunyodagi tillar kelib chiqishi lug’aviy va grammatik jihatdan yaqinligiga qarab bir necha til oillalariga bo’linadi.Yer yuzida 20ga yaqin til oilasi bor.
Til oilalalari o’z navbatida til turkumlariga bo’linadi: tillarning hind-yevropa oilasi quyidagi til turkumlarini o’z ichiga oladi:
1.Hind turkumi (90 tirik til, 3 o’lik til).
2.Eron turkumi (11 tirik til, 10 o’lik til).
3.Slavyan turkumi (11 tirik til, 4 o’lik til).
4.Boltiq turkumi (litva, latish, latgal va prus tili).
5.German turkumi (lat, shvet,norveg, island, ingliz, golland, nemis, yangi yahudiy tili).
6.Roman turkumi (fransuz, provansal, italyan, ispan, partugal, rumin moldavan tillari,o’lik lotin tili).
7.Kelt turkumi (irland, shotland, breton, uels).
8.Grek tili.
9.Alban tili.
10.Arman tili.
11.Anatoliy turkumi (o’lik).
12.Tohar turkumi (o’lik).
Ma’lum tillarning paydo bo’lishi uchun manba bo’lib,o’zi aloqa vositasi sifatida ishlatilmaydigan bo’lib qolgan til asos til (bobo til) deb yuritiladi.
Bu odatda mana bunday ro’y bergan.Bir tilda gaplashadigan xalq qandaydir tarixiy sabablar bilan qabilalarga bo’linib, turli tomonlarga tarqalgan va bu qabilalarning tili o’z taraqqiyotida davom eta bergan. Chunki til hamma vaqt rivojanib turadi. Ammo bu kabilarning turmush sharoitlari har xil bo’lgan. Demak, ularning tillari ham turli yo’llar bilan rivojanib brogan. Oradan ma’lum davr o’tishi bilan bir vaqtlar bir xalqdan paydo bo’lgan qabilalar tilidan o’zgarishlar ro’y berib,bir qabila kishilari boshqa bir qabila kishilarining tilini yaxshi tushunmaydigan bo’lib qolgan.
Shunday qilib, bir vaqtlar umumiy bo’lgan til qabilalarining yangi paydo bo’lgan tillariga nisbatan asos til hisoblanadi.
Xalqlar hozir gaplashadigan tillar tirik tillar hisoblanadi: ukrain, ozarbayjon, qirg’iz tili va boshqalar. Bizga yodgorliklari yetib kelgan, ammo yer yuzida yashayotgan xalqlarning hech biri hozir muomolada ishlatmaydigan til o’lik til deb yuritiladi: lotin, qadimgi hind yoki sanskrit tili, qadimgi slavyan tili, qadimgi xorazmiy tili va boshqalar.
Lotin tili ko’p asrlar davomida tirik til bo’lgan: antik davrda rimliklar va Rim imperiyasidagi ko’p xalqlar lotin tilida gaplashganlar. Bu tilda hozir ham o’rta va oliy tibbiyot o’quv yurtlarida xabardor qilinadi.
O’lik til hisoblanadigan qadimgi xorazmiy tili va yozuvi eroniy tillarning sharqiy turkumiga mansub bo’lib, qadimiy Xorazm aholisi shu tilda gaplashgan. Qadimgi xorazmiy tili XI asrlarga kelib iste’moldan qolgan va o’lik tilga aylangan.
O’zbek tili oltoy tillar oilasining turkiy tillar turkumiga kiradi. Dunyoda 24 xil turkiy til bor: o’zbek, turkman, qirg`iz, qozoq, ozarbayjon, chechen, tatar, boshqird, qoraqalpoq, uyg`ur, yoqut, qorachoy, balkar, tuva, turk, kurd, xakas, gagauz, shor, qoraim, qumiq, no’g’oy, oyrot, karagas.
O’zbek tili XI asrdan boshlab mustaqil til sifatida shakllana boshladi va XIII asrda eski o’zbek adabiy tili shakllanib bo’ldi ( u vaqtda qadimgi turkiy til deb yuritilgan). O’zbek adabiy tilining rivojida Alisher Navoiyning xizmati juda katta: u o’zbek tilida ajoyib asarlar yaratdi,til masalalariga bag’ishlangan “Muhokamat- ul-lug’atayn” nomli asar yozdi.
XI asrgacha ajdodlarimiz qadimgi turk tilida so’zlashganlar. Bu tilning yodgorliklari: O’rxun-Enasoy yodgorliklari (VI – VII asrlar) Mahmud Qoshg’ariyning “Devonu-lug’otit-turk”(“Turk tillari devoni), Yusuf Xos Hojibning “Qutadg’u bilig” (“Saodatga yo`lovchi bilim”).
O’zbek va tojik xalqlari asrlar davomida bir hududda yashab, bir xil tarixiy sharoitda hayot kechirganlar. Bu xalqlarning tillari bir-birlarini boyitgan: tojik tilidan o’zbek tiliga barg, korxona, chamadon, dastro’mol kabi so’zlar o’tgan. O’zbek tilidan tojik tiliga qaymoq, qayroq, qanor, yurt kabi so’zlar o’tgan. Lekin bu tillarning fonetikasi va grammatikasi bir-biriga o’xshamaydi, chunki tojik tili hind-yevropa oilasining eron tillar turkumiga kiradi.