Adabiyotlar: 1. Азамат Зиё. Ўзбек давлатчилиги тарихи: (Энг қадимги даврдан Россия босқинига қадар). T.: Шарқ. 2000.
2. Сагдуллаев ва бошқалар. Ўзбекистон тарихи: давлат ва жамият тараққиёти. T., 2000.
3. Сагдуллаев А.С., Мавлонов Ў. Ўзбекистонда давлат бошқаруви тарихи. -Т., 2006.
4. Ртвеладзе Э.В. История государственности Узбекистана. – Т.: Узбекистан. 2009.
5. Эшов Б.Ж. Ўзбекистонда давлат ва маҳаллий бошқарув тарихи. – Т.: Янги аср авлоди, 2012.
6. Бунёдов З.М. Ануштегин-Хоразмшоҳлар давлати. -T., 1998.
Xorazmshohlar davlatining ma’muriy boshqaruv tizimi, boshqaruv tartiblari Reja: 1. Saroy boshqaruvi
2.Hukmdor va viloyat tashkiloti
3.Xorazmshohlar davlatida unvon va mansablar
Tayanch so‘z va iboralar. Bay’at, “Shamsiya”, Buyuk Devon, Omil “voliy”, Otabek, Qul-g‘ulom, Ustozdor, Al-hojiblar, Mehtari mehtaron
1. Saroy boshqaruvi. Ko‘pgina turkiy – islom davlatlarida bo‘lgani singari, Xorazmshohlarda ham saltanat vorisligi masalasi ma’lum bir tamoyillarga bog‘liq bo‘lmagan. SHunga qaramay, sulton ko‘pincha katta o‘g‘lini valiahd tayinlab, boshqa shahzoda va yuksak martabali a’yonlarni valiahdga itoat qilish to‘g‘risida qasamyod ettirardi.
Bay’at – qabul va tasdiqdan iborat marosimdir. Tarixan bu hukmdorga itoatni bildirgan. Bu marosim hukmdor huzurida er o‘pish tariqasida ijro etilgan.
Hukmdorning hokimiyat ramzi bo‘lgan unsurlar turli-tumandir. Bu
ramzlar ikki: ma’naviy va moddiy unsurlardan iborat. “Unvonlar” va “Xutba” ma’naviy unsurlar sirasiga kiradi. Moddiy unsurlar esa: “Sikka” (tanga zarb etish), “Taxt”, “Toj”, “Shamsiya”, “Libos”, “Bayroq”, “Harbiy musiqa marshi”, “Tug‘”, “Kamar”, “Saroy” va “Chodir”dan iborat bo‘lgan. Hukmdorning qabul marosimlari saroyda yoki chodirda o‘tkazilgan.
Hukmdorning rasmiy va shaxsiy hayoti kechadigan va bu hayot uchun
kerakli rasm-rusumlarni o‘tkazishga mas’ul shaxslar ishlaydigan binoga
saroy deyilgan. Saroy ikki – salomxona va devondan iborat bo‘lgan.
Haramda sultonning nikohida bo‘lgan umr yo‘ldoshlari va joriyalar yashagan.
Manbalarda haram haqida ma’lumot yo‘q. Salomxonada hukmdorning rasmiy
yoki g‘ayrirasmiy qabul marosimlari o‘tkazilgan.
