Oʻzbekiston respublikasi oliy ta’lim, fan va innovatsiyalar vazirligi

III-bob boʻyicha taklif va xulosalar 
Bugungi kunda predmetga yoʻnaltirilgan dasturlash tillarining 
bakalavrlarning kasbiy faoliyatga tayyorlash jarayonidagi ahamiyati borgan sari 
ortib bormoqda. Shuning uchun, bakalavr yoʻnalishlarining (3.1.1-javdalga qarang) 
DTS va Malaka talablaridan kelib chiqqan holda, predmetga yo‘naltirilgan 
dasturlash tillarini Python tili misolida oʻqitish mazmuni yuzasidan (3.1.2-jadvalga 
qarang) oʻquv-meyoriy hujjatlarga oʻzgarishlar kiritilishi va ular asosida oʻquv 
jarayonini tashkil qilish lozim.
Mazkur tilni iloji boricha I yoki II-semestrlarga (oʻquv rejasi yoʻl 
bersa, har ikki semestrda) oʻqitish va bu jarayonni tashkil qilishda 3.1.2-jadvalda 
koʻrsatilgan ma’lumotlardan foydalanish tavsiya etiladi. Bu holat keyingi 
semestrlarda oʻqitilishi rejalashtirilgan majburiy va tanlov fanlarini raqamlashgan 
holda yuqori samara bilan oʻqitishga imkon beradi.

---

191 
Fanni oʻqitish jarayonini tashkil qilishda ta’lim kursining oʻziga 
xususiyatlari, talabalarning psixologik shaxsiy sifatlari hamda toifalarini 3.3-§ dagi 
tavsiyalar asosida ajratib olish ta’lim sifatini oshirishga xizmat qiladi.
Oliy oʻquv yurtlarida predmetga yo‘naltirilgan dasturlash tillarini oʻqitish 
jarayoni samarasini oshirish uchun mavjud imkoniyat va resurslardan kelib 
chiqqan holda 3.4-§ da keltirilgan zamonaviy ta’lim texnologiyalaridan 
foydalanish tavsiya etiladi. Koʻplab pedagog olimlarning fikrlaridan kelib chiqan 
holda aytish mumkinki, oʻqitishning bulutli va loyihaviy texnologiyalardan oʻrinli 
va maqsadkli foydalanish ta’lim sifatini oshirishga xizmat qiladi. Ayniqsa, 
dasturlash tillarini oʻqitishda loyihaviy texniologiyalardan foydalanish sohasida 
quyidagi tavsiya va xulosalarni shakllantirish mumkin:
1) barcha ta’limiy, tarbiyaviy va rivojlantiruvchi maqsadlarga erishishga 
koʻmak bergani uchun oliy oʻquv yurtlarida loyihaviy tehnologiyalardan keng 
foydalanishni yoʻlga qoʻyish lozim;
2) predmetga yoʻnaltirilgan dasturlash tillarini oʻqitish amaliyotida loyihaviy 
texnologiyalarni joriy qilish talabalarning rejali va mantiqiy fikrlash koʻnikma va 
malakalarini rivojlantirib, dasturlashga boʻlgan ishtiyoqini yanada kuchaytirishini 
e’tiborga olish kerak; 
3) ta’lim jarayonida dasturlashning koʻp bosqichli masalalariga nisbatan 
qoʻllash yaxshi samara bergani uchun loyihaviy texnologiyalarni asosiy 
texnologiya sifatida tavsiya qilinadi. 

---

192