O„zbekiston respublikasi oliy va o„rta maxsus ta‟lim vazirligi m. G. Umarxodjaeva, O. S. Umarov, D. A. Ismailov

2. Aksionerlik jamiyatlarida dividend siyosatni samarali tashkil etish va amalga 
oshirishning o„ziga xos xususiyatlari. 
Aksiyalar korporativ boshqaruvning paydo bo‗lishi uchun muhim moliya 
bazasining manbasi bo‗lib xizmat qiladilar. Korporativ boshqaruvdagi ularning 
manfaatlari dividend to‗lovlari vositasida foydalarning bir qismini olish yoki 
ularning korporatsiyadagi ulushlari bo‗lmish aksiyalarning qiymatlari oshishidan 
iboratdir. 
Umuman olganda, aksiyaga bo‗lgan mulk huquqi aksiyadorga mulkiy va 
nomulkiy harakterdagi huquqlar kompleksini beradi. Birinchi toifa huquqlarga 
dividend olish huquqi va jamiyat tugatilgan taqdirda uning mulkining bir qismini 
olish huquqi kiradi, ikkinchilarga - aksiyadorlarning umumiy yig‗ilishida ovoz berish 
huquqi, axborot olishga bo‗lgan huquq va boshqalar kiradi. 
Bundan kelib chiqqan holda aytish mumkinki, aksiyadorning eng muhim mulk 
huquqi - bu dividend shaklida jamiyat foydasining bir qismini olish huquqidir. Lekin, 
real subyektiv huquq sifatida u faqatgina jamiyat sof foydaga ega bo‗lganida va 
dividendlar to‗lanishi haqida e‘lon qilganda, ya‘ni, dividend to‗lash haqida qaror 
qabo‗l qilgan taqdirdagina paydo bo‗ladi. 
Tadqiqotda dividendlarning asosiy huquqiy xususiyatlari o‗rganilib chiqildi. 
Dividendlarning huquqiy va iqtisodiy tabiati o‗rganildi, korporativ huquqning 
mazkur sohasidagi hozirgi va keyingi rivojlanishiga ta‘sir qiluvchi asosiy omillar 

---

65 
aniqlandi. 
Dividend siyosati sohasidagi zamonaviy yondashuvlar sifatida shu narsa 
aniqlandiki, oxirgi un yillikda dividendlar roli oshib borishi kuzatilmokda va ularni 
muntazam to‗lash amaliyoti namoyon bo‗lmokda. Ta‘kidlash zarurki, mazkur 
jarayonlar asosan iqtisodiy, siyosiy va tarixiy asosga egadir. 
Boshqa masalalar orasida dividendlarni to‗lashning maqsadga muvofiqligi va 
bunday qarorlarning korporativ muhitga ta‘siri o‗rganildi. 
Hozirgi sharoitlarda ketma-ketlikdagi va investorlarga tushunarli bo‗lgan 
dividend siyosati kompaniyaning uzoq muddatli moliyaviy o‗sishiga karatilgan 
strategiyasining muhim elementi hisoblanadi. Dividendlarning miqdori va muntazam 
to‗lab turilishi - aksiyadorlik jamiyati organlari faoliyatining samaradorligini 
baholashning eng muhim mezonlari hisoblanadi. 
Dividend siyosatiga taalluqli bo‗lgan masalalar ko‗pincha majoritar va minoritar 
aksiyadorlarning manfaatlari o‗rtasidagi ziddiyatni tashkil etadi. Yirik aksiyadorlar 
uchun aksiyalar kompaniya ustidan nazorat olib borish uchun zarur bo‗lib, dividend 
daromadlari bunda unchalik ahamiyatli bo‗lmaydi. Minoritar aksiyadorlar esa aynan 
dividendlar olishdan manfaatdordirlar. Nazorat qiluvchi aksiyador odatda foydani uz 
biznesiga qayta sarmoyalashga intiladi va dividendlarni kamroq to‗lashga intiladi. 
Bunday sharoitlarda huquqiy tartibga solishning ahamiyati katta bo‗ladi, chunki 
bunday holatlarda shunday huquqiy mexanizmlar kerak bo‗ladiki, ular aksiyadorlar 
o‗rtasidagi ziddiyatni bartaraf eta olmasada, hech bo‗lmaganda ularning huquqiyligi 
ta‘minlab bera olishi kerak bo‗ladi. 
Ayni vaqtda shu narsani ham inobatga olish zarurki, dividend siyosati ko‗p 
jixatdan aksiyadorlik kapitalining to‗zilishi va joylashuviga ham boglikdir. 
O‗zbekiston Respublikasidagi ko‗pgina aksiyadorlik jamiyatlari «oyoqqa turish» 
bosqichida bo‗lib, ishlab chiqarishni rivojlantirish va kengaytirish uchun investitsiya 
resurslarga muxtojdirlar. Shuning uchun ham tabiiyki, ularni dividend siyosatlarining 
asosiy yo‗nalishlaridan biri foydani moliyalashning aksiyadorlar o‗rtasida taqsimlab 
berishdan ustunroq qiyishidir. 
Shuning uchun bu masalada shunday kafolatlar yaratish kerakki, olingan foyda 

---

66 
qayta sarmoyalashga karatilgan holda, aksiyadorlik jamiyatining tadbirkorlik 
faoliyatiga ta‘sir qila oladigan bo‗lishi kerak. 
Dividendlarning korporatsiya moliyasidagi roli va o‗rnini ko‗rib chiqar 
ekanmiz, aksiyadorlik jamiyatlarida dividendlarning kafolatli to‗lanishini ta‘minlash 
uchun dividend fondini yaratish, korporatsiya moliyasning tizimini optimallashtirish, 
shuningdek dividendlarning shakllari, tuplanishi va sarflanishining oshkoralik 
rejimini shakllantirish masalalari ko‗rib chiqildi. Bunda, dividend fondi 
mablag‗larini, ular qisqa muddatli depozitlarda joylashtirilgunga qadar, ularni 
to‗plash maqsadlarida yoki korxonaning aylanma kapitalida foydalanish masalasi 
ko‗rib chiqildi. 
Xalqaro amaliyotda, yurisdiksiyadan kelib chiqkan holda, aksiyalar xillariga 
ko‗ra egasi yozilgan va egasi yozilmagan aksiyalarga bo‗linsada, milliy AJ 
to‗grisidagi Qonunimiz faqatgina egasi yozilgan aksiyalarni emissiya qilish 
imkoniyatini nazarda tutadi. Aksiyadorlik jamiyatlarining faoliyatini tartibga 
solishning xalqaro huquqiy amaliyotiga ko‗ra, egasi yozilgan, ya‘ni, nominativ 
aksiyaning egasi bo‗lib ismi aksiyada yozilgan va jamiyat aksiyadorlari reestriga 
kiritilgan jismoniy va yuridik shaxs bo‗lishi mumkin. Egasi yozilmagan aksiyaning 
egasi uni ushlab turuvchi shaxs hisoblanadi. Egasi yozilmagan aksiyalar boshqa 
shaxslarning mulk huquqiga jamiyat aksiyadorlari reestriga kiritmasdan o‗tkazishi 
mumkin. 
Ayni vaqtda biz tomondan hozirgi sharoitlarda aksiyalarni xillarga ko‗ra bo‗lish 
ularning tabiati tufayli maqsadga muvofiq emasligi haqidagi tezis ilgari suriladi. 
Aksiyadorlarning huquq va majburiyatlari ularning aksiyaga bo‗lgan mulk huquqlari 
asosida kelib chiqishini va ko‗pgina korporativ harakatlar, ya‘ni aksiyadorlarning 
umumiy yeg‗ilishida ishtirok etish, dividendlarni to‗lash, ma‘lumotni oshkor qilish 
va boshqalar reestrdan kuchirma asosida olib borilishini inobatga olsak, aprior aksiya 
egasi yozilgan aksiya hisoblanadi. Egasi yozilmagan aksiyalar reestri olib 
borilmasligini inobatga olsak, egasi yozilmagan aksiyalar ularning egalarini 
jamiyatni boshqarish ishlarida katnashish huquqlarini cheklab qiyishini kurishimiz 
mumkin. Shuning uchun ham UzR AJ to‗g‗risidagi Qonunda faqatgina egasi 

---

67 
yozilgan aksiyalar emissiya qilinishi mumkinligi to‗g‗risidagi talabning mavjudligini 
maqsadga muvofiq deb hisoblaymiz. 
Aksiyalarning turlari (toifalari) bo‗yicha tasniflanishi to‗g‗risida gapirar 
ekanmiz, bunday tasniflanishga asos bo‗lib u yoki bu turdagi aksiya uning egasiga 
taqdim etadigan huquqlar yigindisi hisoblanadi. Oddiy aksiyalar uz egalariga ovoz 
berish huquqi bilan aksiyadorlarning umuiy yeg‗ilishida ishtirok etish huquqini, va 
shuningdek dividendlar olish huquqini, jamiyat tugatilayotganda esa - uning 
mulkining bir qismini olish huquqini beradilar. 
Imtiyozli aksiya uning egasiga miqdori oldindan belgilangan dividendni oldingi 
navbatda olish huquqini beradi, va uning miqdori ma‘lum pul miqdorida yoki 
aksiyalarning nominal qiymatidan foizlarda belgilanadi, shuningdek, jamiyatning 
tugatilishida, aksiyalarning qoldiq qiymatining to‗lanishi huquqini oladilar. Undan 
tashqari, imtiyozli aksiyalar ularning egalariga ma‘lum dividendlarni jamiyat foydasi 
mavjud bo‗lishiga karamay olish huquqini beradilar. Bunda jamiyatning imtiyozli 
aksiyalari aksiyador-egalari, ba‘zi istisno holatlardan tashqari, aksiyadorlarning 
umumiy yeg‗ilishlarida ovoz berish huquqiga ega emasdirlar. 
Mazkur masalada, aksiyalari «ovoz beruvchi» aksiyalarga aylangan imtiyozli 
aksiyalar egalarining huquqlarining doirasi masalasida noaniqlik mavjuddir. 
Xususan, imtiyozli aksiyalar egalarining aksiyadorlik jamiyatini boshqarish bo‗yicha 
vakolatlarining aniq hajmi qonunchilikda belgilanmagan. 
Imtiyozli aksiyalar shuningdek konvertastiya qilinadigan bo‗lishi mumkin va bu 
ularning oddiy aksiyalarga yoki boshqa turdagi imtiyozli aksiyalarga aylantirilishi 
mumkinligida namoyon bo‗ladi. Imtiyozli aksiyalar, ular bo‗yicha to‗lanmagan yoki 
to‗liq to‗lanmagan dividendlar tuplansa va to‗lansa, ular kumulyativ bo‗lishi mumkin 
(kumulyativ imtiyozli aksiyalar). 
Ko‗rilayotgan tur aksiyaning alohida turi sifatida imtiyozli oddiy aksiyani 
ko‗rsatish lozimdir. Bunday aksiya oddiy aksiya hisoblansada, imtiyozli aksiyalar 
bo‗yicha dividendlar to‗langan taqdirda, u bo‗yicha belgilangan miqdordagi dividend 
to‗lanadi. Bir kator hollarda jaxon amaliyotida orqaga chaqiriladigan imtiyozli aksiya 
kabi xodisani ham kuzatish mumkin. Bunday aksiya emitent kompaniya tomonidan, 

---

68 
o‗z tashabbusi bilan, orqaga sotib olinishi va muomaladan olinishi mumkin. 
Shuningdek tadqiqot doirasida maydalangan aksiyalarning masalalari ko‗rib 
chiqilgan. Bunday aksiyalar egalariga mazkur turdagi (toifadagi) aksiya taqdim 
etadigan huquqlarni, aksiyaning tashkil etgan qismiga mutanosib hajmda taqdim 
etadilar. 
Xususan, ma‘lum bo‗ldiki, milliy AJ to‗grisidagi qonunda maydalangan 
aksiyaning tushunchasi ko‗rsatilmagan, shuningdek, ularning paydo bo‗lishi holatlari 
ham ko‗rsatilmagan bo‗lib, bizning fikrimizcha bunday huquqiy bo‗shliq to‗ldirilishi 
va zarur huquqiy tartibga solish choralari ko‗rilishi zarurdir. 
Dividendlar tipologiyasi bevosita ko‗rib chiqilar ekan, to‗lanishining davrlariga 
karab ular yillik (yakuniy) va oralik (chorak, yarim yillik) dividendlarga bo‗linadi. 
Mazkur dividend to‗lash shakllari orasidagi fark faqatgina ularni to‗lashning 
davrlaridagina bo‗lmay, ularni to‗lash bo‗yicha qaror qabo‗l qilinishi jarayonida 
hamdir. 
Xususan, oralik (chorak, yarim yillik) dividendlarni to‗lash to‗grisidagi, va 
shuningdek har bir aksiya turi bo‗yicha ularning miqdori va shaklini belgilash 
to‗grisidagi qaror jamiyatning kuzatuv kengashi tomonidan qabul qilinadi. Uz 
navbatida, yillik dividendlarni to‗lash, va har bir aksiya turi bo‗yicha ularning 
miqdorini va shaklini belgilash haqidagi qaror kuzatuv kengashining tavsiyasiga 
binoan aksiyadorlarning umumiy yeg‗ilishi tomonidan qabo‗l qilinadi. Bunda, yillik 
dividendlarning miqdori kuzatuv kengashi tomonidan tavsiya etilgan miqdordan 
yuqori va to‗langan oralik dividendlardan kichik bo‗lishi mumkin emas. Bizning 
fikrimizcha, bunday tartib aksiyadorlarning huquqlarini cheklab qo‗yadi, shuning 
uchun qonunchilikdan olib tashlanishi kerak. 
Shuningdek, aksiyadorlarning umumiy yeg‗ilish aksiyalarning ma‘lum turlari 
bo‗yicha dividendlarni to‗lamaslik haqidagi, va shuningdek dividendlar miqdori 
ustavda belgilangan imtiyozli aksiyalar bo‗yicha dividendlarni to‗liq hajmda 
to‗lamaslik to‗grisida qaror qabul qilishiga xaqliligi to‗grisidagi masala ko‗rib 
chiqildi. Aytib o‗tish kerakki, O‗zbekistonda agar dividendlarning to‗lanishi 
aksiyadorlik jamiyatining moliyaviy-xo‗jalik axvolining jiddiy yomonlashuviga olib 

---

69 
kelishi mumkin bo‗lsa, dividendlarni to‗lashni cheklash to‗grisidagi talab mavjuddir. 
Lekin bunday talab faqat oralik dividendlar to‗lanishiga taalluqlidir. 
Shuningdek, aksiyadorlik jamiyati quyidagi hollarda aksiyalar bo‗yicha dividend 
to‗lash (e‘lon qilish) to‗grisidagi qaror qabul qilishga xaqli emasdir: jamiyat ustav 
fondining to‗liq to‗languniga qadar; agar dividend to‗lash paytida u to‗lovga 
kobilyatsizlik (bankrotlik) alomatlariga javob bersa; agar jamiyat sof aktivlarining 
miqdori uning ustav fondining miqdoridan kamroq bo‗lsa. 
Ayni vaqtda qonunchilik foyda mavjud bo‗lganda dividend to‗lash to‗grisidagi 
qaror qabo‗l qilishga cheklashlar urnatmaydi. Shuning uchun aksiyadorlik jamiyati 
mazkur mablag‗larni qayta sarmoyalashga, kapitalizastiyani oshirishga, va 
boshqalarga karatishi mumkin. Shunday ekan, qonunchilik quyidagi tamoyilga 
asoslanadi: dividendlarni to‗lash aksiyadorlik jamiyatining majburiyati bo‗lmay 
huquqidir. Shuning uchun bu erda shartnomaviy munosabatlaridagi kabi, 
aksiyadorlarning dividend olish huquqi jamiyatning mazkur dividendlarni to‗lash 
majburiyatiga to‗gri keladi deyish noto‗gri bo‗ladi. 
O‗zbekistonda qonunchilik faqatgina e‘lon qilingan dividendlarni to‗lash 
talabini o‗rnatadi. Dividendni to‗lash pul shaklida, va shuningdek to‗lovning boshqa 
vositalarida amalga oshirilishi mumkin. Dividendlar to‗lash manbai bo‗lib 
jamiyatning quyi yil uchun sof foydasi hisoblanadi. Ma‘lum turdagi imtiyozli 
aksiyalar bo‗yicha dividendlar ular uchun maxsus mo‗jallangan jamiyat fondlari 
hisobidan to‗lanishi mumkin. 
Shunday qilib, qonunchilikni takomillashtirish sohasida astiyalarni va ular 
bo‗yicha to‗lanadigan dividendlarni xilma xillashtirishni rag‗batlantirish zarur deb 
hisoblaymiz. Bunda, mazkur toifa aksiyadorlar huquqlari aniq belgilanishi kerak deb 
o‗ylaymiz, chunki faqat shunday qilibgina aksiyadorlar manfaatlari o‗rtasidagi 
to‗qnashuvning oldini olish mumkindir. 
Aksiyadorlarning huquqiy himoyasi borasidagi huquqiy reglamentastiya tizimi 
o‗zining umumiy harakterga ega bo‗lgan va ayniqsa, mazkur huquqni amalga 
oshirishning xususiyatini yoritmaydigan bir kator me‘yoriy huquqiy hujjatlar bilan 
aks ettirilgan. 

---

70 
Bizga ko‗rinib turganidek, ushbu masalada asosiy tartibga solish vazifasi 
korporativ qonunchilikning turli huquq sohalaridan tarkib topganligidan kelib 
chiqkan holda, mavjud bo‗shliqlarni samarali to‗ldirish imkoniga ega bo‗lgan hamda 
egiluvchan qonunchilik to‗zilmalaridan foydalangan holda o‗zgarayotgan iqtisodiy 
sharoitga tez ta‘sir qila oladigan lokal ichki korporativ hujjatlarga yuklatilishi lozim. 
Bundan tashqari, o‗tkazilgan tahlil shuni ko‗rsatib turibdiki, O‗zbekistonda ichki 
korporativ boshqaruv imtiyozlari to‗la hajmda amalga oshirilmayapti. Mazkur qayd 
qilinganlarning barchasini e‘tiborga olgan holda, «Dividend siyosati to‗grisida»gi 
Nizomni ishlab chiqish tashabbusi kiritildi. Bizning fikrimizga ko‗ra, bu foydani 
taqsimlash sohasidagi aksiyadorlarning huquqlarini himoya qilish tizimini yangi 
sifatdagi darajaga olib chiqadi. Ushbu masalada milliy aksiyadorlik jamiyatlarining 
aksiyadorlar umumiy yeg‗ilishlarida «Dividend siyosati to‗grisida»gi Nizomni ishlab 
chiqish va qabul qilishini rag‗batlantirish muhim ahamiyatga egadir. Ayni paytda, 
korporativ munosabatlarda bu kabi amaliyotning keng qo‗llanilmayotganligini 
inobatga olib, loyihaviy namunaviy harakterga ega bo‗lgan va milliy aksiyadorlik 
jamiyatlariga uz faoliyatining o‗ziga xosligidan kelib chiqqan holda, sharoitlariga 
moslashtira oladigan «Dividend siyosati to‗grisida»gi Namunaviy nizomni ishlab 
chiqish maqsadga muvofiqdir. Ko‗rib turganimizdek, mazkur nizom, aksiyadorlarga 
dividendlarni to‗lash hajmlarini aniqlash tamoyillarini tushunish imkonini beruvchi 
normalarni uz ichiga olgan bo‗lishi lozim. Kompaniyaning dividendlar siyosatini 
tartibga soluvchi hujjatlar bilan mustaxkamlangan me‘yorlarning mavjud bo‗lishi 
aksiyadorlarga bir marta qabo‗l qilingan qarorlar qayta ko‗rilmasligiga kafolat 
beradi. Ushbu tadqiqot doirasida aksiyadorlik jamiyatlari to‗g‗risidagi milliy 
qonunchilik talabini, korporativ boshqaruvning yuqori tamoyillarini hisobga olgan 
holda «Dividend siyosati to‗grisida»gi Namunaviy nizomning mualliflik loyihasi 
taqdim qilindi. Mazkur jarayonning iqtisodiy jixatlarini ham unutmaslik zarur. 
Chunki, korporativ boshqaruv tizimi rivojlangan davlatlarda majburlov mexanizmi 
aynan bozor qonunlariga asoslanadi va imkon qadar maksimal investitsion oqimlarni 
jalb qilishga intilish bilan ta‘minlanadi. Bu esa, dastlab mukammal tuzilgan dividend 
siyosati mavjudligi zarurligini nazarda tutadi. O‗zbekiston Respublikasi korporativ 

---

71 
sektorining aksiyadorlik jamiyatlari dividend siyosatini huquqiy tartibga solishni 
yaxshilash qismini erkinlashtirishga qaratilgan va e‘lon qilingan kursini inobatga 
olgan holda, ayrim tartibga solish funksiyalarni davlat organlaridan olib, 
aksiyadorlarning o‗zini o‗zi boshqarish birlashmalariga o‗tkazishni ta‘minlash 
maqsadga muvofiq deb hisoblaymiz. Aksiyadorlarning dividend olishga bo‗lgan 
huquqini himoya qilishni huquqiy tartibga solish tizimini takomillashtirishda fond 
bozori rivojlangan davlatlarning tajribasini, ularni tegishli institutlarning huquqiy 
tartibga solishning umumtan olingan standartlariga yaqinlashtirish maqsadida, 
hisobga olish lozim. Shu urinda, milliy iqtisodiy va huquqiy tizimlarning rivojlanish 
xususiyatlarini e‘tiborga olgan holda, boshqa huquqiy tizimlar yuridik 
elementlarining mehanik kuchishlariga yul qo‗ymaslik lozim. Odatda, iqtisodiyoti 
kuchli rivojlangan davlatlarda aksiyadorlar boshqaruvning harakatlaridan norozi 
bo‗lgan taqdirda, uz aksiyalarini fond bozorlarida yoki manfaatdor investorlarga 
sotishi mumkin. Manfaatdor investor aksiyadordan aksiyalarning nazorat qiluvchi 
paketini sotib olishi va samarasiz boshqaruvni o‗zgartirishi mumkin. Shu sababli, 
menejerlar tegishli mulkdorlarning talablarini kondirish va uzoq muddatga ularning 
sodiqligini saqlab qolishdan manfaatdor bo‗ladi. Lekin, bizningcha, O‗zbekiston 
fond bozorining yuqori bo‗lmagan egiluvchan sharoitlaridagi boshlang‗ich 
bosqichda, aksiyadorlar tomonidan kompaniya aksiyalarini sotish muhim samara 
bermaydi. Chunki, milliy aksiyadorlik jamiyatlarining qimmatli qog‗ozlar bozorining 
yetarli darajada rivojlanmayotgan bosqichi bilan bir vaziyatda kapitallashuvi 
korporativ nazoratni ushbu mexanizmda to‗liq hajmda harakatlanish imkonini 
bermaydi. Ushbu pozitsiyani rivojlantiririshda shuni ta‘kidlashni istardikki, 
O‗zbekiston Respublikasidagi bozor munosabatlari shakllanishining mavjud 
sharoitida, korporativ munosabatlarning anglo-sakson tizimi o‗zining barcha 
obyektiv ustunliklarini hisobga olganda ham, qimmatli qog‗ozlar bozorini tartibga 
solishning milliy tizimi uchun makbo‗l emas. Shunga asoslangan holda, biz anglo-
sakson korporativ huquqining huquqiy to‗zilmalarini amalga oshirish ixtiyoriy tusda 
bo‗lishi lozim degan qoidani ilgari suramiz. Chunki, milliy fond bozorining 
shakllanish va uning yuqori bo‗lmagan kapitallashuvi sharoitlarida ko‗pchilik 

---

72 
tadbirlarning amalga oshirilishi qiyin, ko‗pchilik hollarda esa, umuman mumkin 
bo‗lmaydi. Shunday qilib, aksiyadorlarning dividend olishga bo‗lgan huquqlarini 
himoya qilish sohasidagi O‗zbekiston Respublikasi qonunchiligining taraqqiyot 
istiqbollariga nisbatan quyidagicha yondashuvni belgilash mumkin. 
Ushbu sohada qonunchilikni takomillashtirishning asosiy vazifasi, barcha 
aksiyadorlarning haqiqiy tengligini ta‘minlashdir. Aksiyadorlar haqiqiy tengligini 
ta‘minlash deganda, faqatgina bir turkumdagi aksiyalarning teng miqdoriga to‗gri 
keladigan huquqlarning tengligini emas, balki, aksiyadorlik jamiyatida ishtirok etish 
bilan bog‗lik mulkiy manfaatlarning amalga oshirilish imkoniyatlari mavjudligini 
tushunish lozim. Shu urinda, shubxasiz, jamiyatdan olinadigan foydaning 
aksiyadorlarga tegishli bo‗lgan aksiyalarning nominal qiymatiga mutanosibligiga 
rioya qilinishini ta‘minlash zarur. Iqtisodiy va huquqiy asoslarning samarali o‗zaro 
harakatlanishi va uzviy bog‗lanishi, O‗zbekiston Respublikasi aksiyadorlik 
jamiyatlarida dividend siyosatining funksional va qulay huquqiy rejimini yaratishga, 
shuningdek, davlatimizning korporativ sektorining rivojlanishiga imkon yaratishiga 
ishonch bildirishni istardik. Bularning barchasi yakuniy hisobda kuchli milliy 
iqtisodiyotni shakllantirishda va O‗zbekiston aholisining yashash sharoitini 
yaxshilashda asosiy rol o‗ynaydi.