O’zbekiston respublikasi oliy va o’rta maxsus ta’lim vazirligi namangan davlat universiteti

225. “ Ko’pdan beri uzun umrli, badiiy salmoqdor sahna asarlarini orzu qilar 
edik. Bu asar orzumizga javob berishga qodir”. Fikrlar muallifi kim? Qaysi 
asar nazarda tutilgan? 
Mazkur fikrlar buyuk yozuvchilarimiz Oybek va G’afur G’ulomlarga
tegishli bo’lib, ular shoir va dramaturg Maqsud Shayxzodaning ”Jaloliddin 
Manguberdi” dramasini nazarda tutishgan. Zero, ular yozganlaridek, “ Jaloliddin  
timsolida muallif xalqni dushmanga qarshi kurashga safarbar eta olgan, ona-
Vatan uchun o’z hayotini bag’ishlagan dovyurak, dono, mohir qo’mondon obraz 
siymosini yaratdi. Vatan o’g’lonlarining erk, mustaqillik, nomus va sharaf uchun 
boshlagan fidokorona kurashi dramatizm bilan to’la, hayajonli kartinalarda 
gavdalanadi. Jaloliddin so’zi, harakati va butun siymosi bilan romantik ruhdagi 
bahodir, ayni zamonda haqiqiy odamiylik xislatlaridan bahramand… Tragediya 
davrimizga g’oyat hamohang”
46
. 
226. Maqsud Shayxzodaning “Jaloliddin Manguberdi” dramasi qachon 
o’zbek tilida bosib chiqarildi? 
46
Oйбек, Ғ. Ғулoм. “Жaлoлиддин”дрaмaси ҳақида. – “Қизил Ўзбекистон” гaзeтaси, 1946 йил, 8-фeврaл. 

---

 Dramaturg Maqsud Shayxzodaning “Jaloliddi Manguberdi” dramasi dastlab 
Bokuda ozarbayjon tilida ikki jildlik saylanmasida bosib chiqariladi. Afsuski, shoir 
bu asarning chop etilganini ko’rmay olamdan o’tib ketadi. O’zbek tilida esa, hatto 
70-yillarning boshida Shayxzodaning 60 yillik tavalludi munosabati bilan nashr 
etilgan 6 jildli asarlar to’plamiga ham bu asar kiritilmagan. Asar birinchi marta 
o’zbek tilida 1988-yilda Shayxzodaning “Boqiy dunyo“ degan kitobida bosib 
chiqarildi. 
227. “Jaloliddin Manguberdi” dramasi nima haqida?
Shoir va dramaturg Maqsud Shayxzodaning besh pardali “Jaloliddin 
Manguberdi” tarixiy-romantik dramasi Vatanimizning olis tarixiga bag’ishlangan 
bo’lib, undagi voqealar XIII asrning birinchi choragida – mo’g’ullar O’rta 
Osiyoga bostirib kirgan kezlarda bo’lib o’tadi.