O’zbekiston respublikasi oliy va o’rta maxsus ta’lim vazirligi namangan davlat universiteti

215. M. Shayxzodaning ” Xarita oldida” she’ri nima haqida? 
Harbiy lirikaning yorqin namunasi bo’lgan “Xarita oldida” she’ri urush 
yillarida yozilgan. Bu she’rda shoir Shayxzoda lirik qahramon hislarini shu qadar 
zo’r kuch bilan ifodalaydiki,Vatan va shaxs tushunchalari har qachongidan ko’ra 
mustahkamroq birlashib ketadi. 
Shayxzodaning lirik qahramoni ma’naviy yetuklik jihatidanyuksak darajada 
turadi. U urush va tinchlik, o’lim va hayot haqida, inson hayotining ma’nosi 
to’g’risida chuqur fikrlar yuritadi. Bu esa Shayxzoda lirikasidagi falsafiy teranlikni 
yanada kuchaytiradi. 
216. M. Shayxzodaning urush va tinchlik, o’lim va hayot haqida, inson 
hayotining ma’nosi to’g’risida chuqur fikrlar yurituvchi she’rlari qaysilar? 
Shoir Maqsud Shayxzodaning urush va tinchlik, o’lim va hayot haqida, 
inson hayotining ma’nosi to’g’risida chuqur fikrlar yurituvchi she’rlari talaygina. 
“Yo’q, men o’lgan emasman”,”Kapitan Gastello”,”Chorak asr” she’rlari shular
jumlasidandir.”Chorak asr “ she’rida shoir xalq bosib o’tgan tarixiy yo’lga nazar
tashlaydi,uning fashizmga qarshi mardona kurashini tasvirlaydi. 
 
217. “O’n besh yilning daftari”,”Olqishlarim”,”Zamon torlari”,” Shu’la” 
to’plamlari kimniki, qachon yozilgan? 

---

 
Urushdan keyingi yillarda Shayxzoda zo’r orzu-umidlar bilan ijod qilishga 
kirishdi. Urush tugaganda shoir 38 yoshga qadam qo’ygan, balog’at pallasining 
bo’sag’asida edi. U hayotda katta tajriba orttirgan, uning issiq-sovuqlarini boshidan 
kechirgan, adabiyotning mohiyatini, shoirlik mohiyatini chuqur tushunib yetgan, 
ijod sirlarini puxta egallab olgan edi. Urushdan keyingi yillarda shoir juda faol ijod 
etdi va qisqa muddatda “O’n besh yilning daftari”, “Olqishlarim”, “Zamon torlari”, 
“Shu’la” kabi ko’plab she’riy to’plamlarni e’lon qildi. Ammo sho’ro tuzumi shoir 
Shayxzoda uchun bemalol ijod etishga, o’sib-ulg’ayishga sharoit yaratib berishdan 
uzoq edi.