O’zbekiston respublikasi oliy va o’rta maxsus ta’lim vazirligi namangan davlat universiteti

66. Mustaqillik yillari davri va Fitrat ijodi haqida nimalar bilasiz?
Mustaqillik yillari davrida Fitratning pok nomi qayta oqlandi, asarlari 
yangidan nashr etila boshlandi. Adabiyotshunoslik Fitrat hayoti va ijodini xolisona 
tadqiq etmoqqa kirishdi. Erik Karimovning “A. Fitratning hayoti va ijodi haqida”, 
Ozod Sharafiddinovning “Fitrat”(1990), Sherali Turdiyevning “Fitrat jahon 
kezadi”, Mamajon Rahmonovning “Fitrat dramaturgiyasi va uning sahna tarixi ”, 
Begali Qosimovning “Fitrat”(1991), Hamidulla Boltaboyevning “Fitratning hayoti 
va ijodi”(1992), Baxtiyor Nazarovning “Abdurauf Fitrat”(1999), B. To’ychiboyev-
ning “Fitrat – tilshunos” kabi maqola va risolalari shular jumlasidan bo’lib, ular 
Fitratni bilish tomon qo’yilgan muhim qadamlardandir. 
Yuksak saviyadagi badiiy va ilmiy asarlari 1991-yilda Alisher Navoiy 
nomidagi respublika davlat mukofoti bilan taqdirlandi. Hukumatning maxsus 
qarori bilan 1996-yili shoir tavalludining 110 yilligi keng nishonlandi. 
Mustaqillik uchun kurashgan, bu yo’lda jonini fido qilgan millat farzandlari 
yod etilar ekan, xalqimiz Abdurauf Fitrat nomini birinchilar qatorida tilga oladi.
21
 N. Karimov, B. Nazarov, U. Normatov. XX asr o’zbek adabiyoti. 11-sinf uchun darslik. T.: “O’qituvchi” 2002
75-bet. 

---

MAVZU: ABDULLA QODIRIY 
 
67. O’zbek romanchiligi asoschisi kim? Siz u haqda nimalar bilasiz? 
Abdulla Qodiriy o’zbek romanchiligiga asos solib, milliy nasr uchun yangi 
davrni boshlab bergan, adabiyotimizni zamonaviy jahon badiiyati yuksakliklariga 
yaqinlashtirgan ijodkordir. Bu noyob iste’dod sohibi XX asr o’zbek adabiyoti 
tarixida faxrli o’rin egallaydi. Akademik Izzat Sulton: “Abdulla Qodiriyning 
asarlari badiiy mahorat namunasidir. Bu asarlarda asosiy g’oya doimo yaqqol 
ifoda qilinadi, odamlar va ularning hayot sharoiti xuddi “ko’z oldimizda 
turgandek”tasvir etiladi, bu asarlarning sujeti doimo qiziqarli, tili boy va shirali. 
Bu asarlarlarning xalqqa manzur bo’lgani bejiz emas”
22
, - deb yozgan edi. 
Akademik Oybek esa adib mahoratini: “Abdulla Qodiriyning prozasi birinchi 
navbatda g’oyatda hayotiyligi bilan ajralib turadi. Qodiriyning tilidan uning 
xalqning boy va ajoyib tilini g’oyatda yaxshi bilganligi yaqqol seziladi; uning 
romanlari ana shunday go’zal til bilan yozilgan. U tug’ma epik yozuvchi, keng 
ko’lamdagi master, yuksak ma’nodagi realistik san’atkor edi”
23
, – tarzida yuksak 
baholagan.