O‘zbekiston respublikasi oliy va o‘rta maxsus ta’lim vazirligi o‘zbekiston davlat jahon tillari universiteti
Yüklə 1,89 Mb. Pdf görüntüsü
|
|
obyektiv omillar ta’sir ko‘rsatadi. Subyektiv omillar sirasiga alohida
inson, oila, kishilar guruhi tomonidan amalda sog‘lom turmush tarzi tamoyillariga ongli ravishda rioya etilishi, jismoniy tarbiya va ommaviy sport bilan mashg‘ul bo‘lishini, obyektiv omillar qatoriga atrof-muhitni (havo, suv, tuproq holatini), oziq-ovqat mahsulotlari, uy-joy, kiyim- kechakning sifatini, sport majmualari hamda inshootlarning (stadionlar, basseynlar, sog‘lomlashtirish markazlari va h.k.), shuningdek, sport anjomlarining mavjudligini kiritish mumkin. Iqtisodiy rivojlangan mamlakatlar (Yaponiya, Norvegiya, AQSH, GFR, Fransiya va boshqalar)ning tajribasidan ma’lumki, davlat o‘z fuqarolari uchun real sog‘lom turmush tarzini yuzaga keltirish uchun maqsadli siyosatni olib boradi. Aholini iqtisodiy jihatdan rag‘bat- lantiradi, ma’naviy va ruhiy jihatdan qo‘llab-quvvatlaydi, chunki bu 147 nafaqat inson uchun, balki davlat uchun ham foydalidir. Shu boisdan ham, sog‘lom turmush tarzi hamda siyosatning aloqadorligi, davlat siyosatining sog‘lom turmush tarzini shakllantirishdagi o‘rni va ahamiyati haqida fikr yuritish maqsadga muvofiqdir. 13.2. Sog‘lom turmush tarzi va yoshlar salomatligi Mamlakatimizda keyingi yillarda aholi orasida sog‘lom turmush tarzini shakllantirish borasidagi sa’y-harakatlar izchillik bilan olib borilmoqda. Ta’kidlash muhimki, mazkur yo‘nalish davlat siyosatining ustuvor vazifasiga aylanayapti. Sog‘lom turmush tarzi iborasining zamirida inson salomatligi yotar ekan, bu jamiyat taraqqiyotining yuksalishida asosiy o‘ringa ega bo‘lishi tabiiy. Darhaqiqat, sog‘lom turmush tarzi bugungi kunda aholi orasida qanday ahamiyat kasb etayapti? ♦ O‘tgan asrning 80-yillarida salomatlikni saqlash va mustah- kamlashda, kishilar uzoq va baxtli umr ko‘rishlarida turmush tarzi hamda uni sog‘lomlashtirish eng muhim tadbir ekanligi ham ilmiy, ham amaliy tomondan isbotlandi. Shundan beri turmush tarzini sog‘lom- lashtirish xususida ko‘p gapiriladi. Bugungi kunda ushbu masalaga davlat darajasida e’tibor qaratilib, Prezident farmonlari va qarorlarida o‘z aksini topmoqda. Keng jamoat- chilik orasida davra suhbatlari, uchrashuvlar o‘tkazilib, ommaviy axborot vositalarida maqolalar, eshittirishlar, ko‘rsatuvlar berib boril- moqda. Shunday bo‘lsa-da, sog‘lom turmush tarzi nima, degan savol tug‘ilganda, ba’zida ko‘pchilik umumiy gapdan boshqa biror-bir mantiqiy tushunchaga ega emasligi ham namoyon bo‘layapti. Yüklə 1,89 Mb. Dostları ilə paylaş:
|