O’zbekiston respublikasi oliy va o’rta maxsus ta’lim vazirligi toshkent moliya instituti hisob va audit fakulteti
Sho’’ba jamiyatlariga yo’naltirilgan investitsiyalarni baholash
Yüklə 455,92 Kb. Pdf görüntüsü
|
|
2.3. Sho’’ba jamiyatlariga yo’naltirilgan investitsiyalarni baholash xususiyatlari Birlashtirilayotgan jamiyatlar hisobdorligining tegishli moddalarini jamlash natijasida olingan jamlangan balans umumlashtirilgan balansni tuzishning asosi hisoblanadi. Biroq, ushbu jamlangan balans Bosh va sho’’ba korxonalari guruxining mulkiy ahvolini aniq aks ettirmaydi. Chunki, uning ko’pgina moddalari qayta hisoblashni o’z ichiga oladi, yoki Birlik nazariyasi nuqtai nazaridan ba’zi bir moddalarni g’ayri qonuniy aks ettirish hisobidan “bo’rttirilgan”. Ushbu muammolar o’z ichiga quyidagi tarkibiy qisimlarni oladigan umumlashtirilgan balansni tuzishda hal etiladi: - kapitallarni umumlashtirish; - «majburiyatlar»ni birlashtirish. Jamlangan balansda bosh korxonaning sho’’ba jamiyati kapitalidagi ishtiroki kabi, sho’’ba jamiyatining shaxsiy kapitali ham aks ettiriladi, ya’ni u o’z ichiga istisno qilinishi lozim bo’lgan qayta hisoblashni oladi. Buning uchun kapitallarni umumlashtirish davomida bosh korxona balansida u yoki bu jamiyatda ishtirok etish qiymati va sho’’ba jamiyati shaxsiy kapitalidagiunga tegishli ulush taqqoslanadi. Ular bir-biri bilan qayta hisoblashadi va shu tarzda qayta hisoblash istisno qilinadi. Kapitallarni umumlashtirish yangi sho’’ba jamiyatidagi ulush u yoki bu uslubda sotib olingan bo’lsa yoki u yoki bu jamiyat boshqa sabablarga ko’ra oxirgisining tavsifiga javob bersa amalga oshiriladi. Umumlashtirish nazariyasi bunga olib keladigan va bosh korxonaning sho’’ba jamiyatidan ulushni turli 36 yo’llar bilan sotib olishga asoslangan ikkita asosiy yo’lni ko’zda tutadi. Ulushni sotib olish usullaridan qat’iy nazar kapitallarni umumlashtirish ikki uslubdan birida amalga oshiriladi: 1.Sotib olish uslubi (aktsiyalar paketini sotib olish) (purchase-method) yoki, 2.Birlashtirish uslubi (manfaatlarni birlashtirish) (poling-of-interrests- method). Birinchi uslub- sotib olish uslubi bosh korxona yoki boshqa sho’’ba jamiyati tomonidan birorta jamiyatda ishtirok ulushini sotib olish jarayonini nazarda tutadi. Bu jarayon mulkchilik huquqi berish va odatda (biroq, hamma vaqt emas) yangi sotib olingan ulush haqqini avvalgi egasiga to’lash hamda pul mablag’larining Bosh va sho’’ba korxonalari guruxi tashqarisiga ketishi bilan bog’liq bo’ladi. Ikkinchi uslub- b irlashtirish uslubi ikki yoki undan ko’p jamiyatlarni birlashtirishda, sotuvchi va sotib oluvchi o’rtasida ulushlar bilan o’zaro almashishda foydalaniladi. Bunda sotib oluvchini aniqlab bo’lmaydi, jamiyatlarning o’zaro ishtiroki esa operatsiya natijasi hisoblanadi. Bir jamiyat birinchi holatdagidek, boshqasini sotib olmasligi ushbu uslubni qo’llash uchun dastlabki shart hisoblanadi va bunda mulkchilik munosabatlar tuzilmasi o’zgarmaydi. Birinchi uslub-sotib olish uslubi foydalanish uchun asosiy uslub hisoblanadi. Chunki, odatda sho’’ba jamiyatini sotib olish jarayoni natijasida nazorat qilish imkoniga ega bo’ladi. Ikkinchi uslub esa birinchisiga muqobil hisoblanmaydi, u juda kam va faqat qat’iy belgilangan holdagina, ya’ni ma’lum bir qat’iy shartlar va cheklanishlarni bajarishda qo’llaniladi. BHXSga muvofiq ular quyidagilar: Birlashayotgan korxonalarning ko’pchilikni tashkil qiladigan qismi yoki barcha ovoz berish huquqiga ega aktsiyalari (ulushlar) almashinadi yoki qo’shiladi; Har ikkala jamiyatning bozor qiymati bir-biridan farq qiladi; 37 Har bir jamiyat ishtirokchilari birlashganidan so’ng bir-biriga nisbatan umumlashtirilayotgan iqtisodiy birlikdagi ovozlar soni yoki kapital ulushiga nisbatan tenglikni saqlab qoladi. Bunda shartlardan birortasi bajarilmasa, birlashtirish uslubini qo’llashning imkoni bo’lmaydi va sotib olish uslubidan foydalaniladi. Aynan mana shuning uchun ko’pchilik hollarda sotib olish uslubidan foydalaniladi. Ta’kidlaganidek, xarid qilish uslubidan agarda sho’’ba jamiyati sotib olinsa foydalaniladi. Buning natijasida bosh korxona uni nazorat qilish imkoniga ega bo’ladi. Bunda kapitallarni umumlashtirish davomida hal qilinishi lozim bo’lgan bir qancha masalalar paydo bo’ladi: Sotib olish qiymatini aniqlash; Firma bahosini aniqlash va aks ettirish; Sho’’ba jamiyatining shaxsiy kapitalidagi shu narxda sotib olingan ulushni aniqlash; Kelgusi davrlada kapitallarni umumlashtirish; Ozchilik ulushni aks ettirish va hakozo. Xarid qilish qiymati u bilan bog’liq barcha zararlar summasidan jamlanadi. Biroq, jamiyat «qarzga» sotib olinsa, ya’ni bosh korxona sotib olinayotgan jamiyatning barcha qarzlarini o’z zimmasiga olsa qo’shimcha qiyinchiliklar yuzaga kelishi mumkin. Bunday vaziyatda odatda kreditorlarga to’lanishi lozim bo’lgan pul mablag’lari summasi sotib olish qiymatiga aylanadi. Ulushni boshqa ob’ekt yoki qimmatli narsalarga almashtirish yo’li bilan sotib olinsa, sho’’ba jamiyatini sotib olish paytidagi bozor qiymati sotib olish qiymatiga aylanadi. Bunda ushbu bozor qiymati hujjat asosida tasdiqlanishi va asoslsnishi kerak. Kapitallarni bevosita umumlashtirishga kelsak, ushbu uslubning ikkita asosiy turi mavjud. Birinchi uslub manfaatlar nazariyasida asoslangan va Amerikaning GAAP andozalariga muvofiq foydalanish uchun yagona bo’lgan- yangi baholash uslubi. Ikkinchi uslub –manfaatlar nazariyasiga balansli baholash uslubi. 38 Majburiyatlarni umumlashtirish shunday jarayonki, uning davomida Bosh va sho’’ba korxonalari guruhi jamiyatlarining bir-biriga nisbatan qarzdorlik xususiyatiga ega barcha munosabatlar va ularning natijalari yo’qotilishi lozim. Chunki unda Bosh va sho’’ba korxonalari guruhining mulkiy holati noto’g’ri tasavvur qilinadi. Majburiyatlarni umumlashtirish, birinchi navbatda Bosh va sho’’ba korxonalari guruhi jamiyatlarining bir-biriga nisbatan debitorlik, kreditorlik qarzlari, bir biriga berilgan zaym va kreditlar, avans to’lovlari, qimmatli qog’ozlarga qo’yilmalar, kelgusi davrlarning yuzaga kelgan xarajat va daromad bandlari hamda Bosh va sho’’ba korxonalari guruhi ichidagi munosabatlari natijasida yaratilgan zaxiralariga aloqador. Barcha mazkur ko’rsatkichlar majburiyatlarni umumlashtirish jarayonida bir-biri bilan qayta hisoblanadi va umumlashtirilgan hisobotga kiritilmaydi. Yuqorida Sho’’ba jamiyatlariga qo’llaniladigan to’liq umumlashtirishning tarkibiy qismlari ko’rib chiqildi. Avval ta’kidlanganidek birgalikda nazorat qilinadigan jamiyatlar va birgalikdagi faoliyatning umumlashtirilgan hisobotga kiritilishi mos ravishda umumlashtirish uslubidan foydalanish vositasida amalga oshiriladi. Bu uslub tarkibi va tartibiga ko’ra to’liq umumlashtirish uslubiga o’xshash hamda quyidagilar bilan farqlanadi: • birgalikda nazorat qilinadigan jamiyatning mol-mulki va majburiyatlari, xarajat va faoliyat natijalari umumlashtirishning birinchi boskichida bandma- band va chiziqli qo’shishda to’liq hajmda emas, tegishli jamiyatda Bosh va sho’’ba korxonalari guruhining ulushiga mos hajmda hisobga olinadi; • kapitallarni umumlashtirish uchun xarid uslubi qo’llanadi, ayni paytda ko’shilish uslubiga yo’l qo’yilmaydi; • ozchilik ulushi hisobga olinmaydi va aks ettirilmaydi (bu balans va yangi qiymat uslublari bir-biriga mos kelishiga olib keladi). Majburiyatlarni, oraliq natijalarni, daromad va xarajatlarni umumlashtirish to’liq umumlashtirishga o’xshab, ammo mos ravishda amalga oshiriladi. Bosh kompaniyaning Bosh va Sho’’ba korxonalari guruhining u yoki bu jamiyatiga ta’siri darajasiga asoslangan bosqichli kontseptsiyaga muvofiq, 39 keyingi bosqich Bosh va Sho’’ba korxonalari guruhi hisobdorligiga Equity uslubi yordamida qo’shiladigan bog’liq jamiyatlardir. Mazkur uslubning asosiy xislati shundan iboratki, to’liq va mos ravishda umumlashtirish uslubidan farqli o’laroq, alohida jamiyatning hisobdorligidan mol-mulk va majburiyatlar, daromad yoki xarajatlar Bosh va Sho’’ba korxonalari guruhi hisobdorligiga kiritilmaydi. Unda faqat ishtirok qiymatining «rivojlanishi» (inglizcha- Equity) - bog’liq jamiyatning o’z kapitaliga, bosh kompaniyaning ishtirok ulushiga mos ravishda aks etadi. Equity qiymatini aniqlash uchun (to’liq umumlashtirishdagi kapitallarni umumlashtirishga o’xshash tarzda) ikki uslub qo’llanishi mumkin: Yüklə 455,92 Kb. Dostları ilə paylaş:
|